2 Chamué 8:5 - Tupanaarü Ore

⁵ Rü yema Chíriaanecüã̱xgü ga Damácuwa maxẽxü̃ rü yéma naxĩ nax Chobáarü ãẽ̱xgacü ga Adáx-échexü̃ yanangü̃xẽẽgüxü̃ca̱x. Natürü ga Dabí rü nüxü̃ narüporamae, rü 22,000 ga Chíriaanecüã̱xgüxü̃ nadai.

2 Chamué 8:5 Referans Kwoze

Ichaía 31:3

Rü ngẽma Equítuanecüã̱x rü duü̃xü̃gümare nixĩgü, rü tama tupanagü nixĩgü. Rü ngẽma norü cowarugü rü namachimare nixĩgü, rü tama nixããxẽ. Rü nüma ya Cori ya Tupana rü tá guxchaxü̃ naxca̱x ínanguxẽxẽ i ngẽma Equítuanecüã̱x nax ngẽmaãcü napoxcugüãxü̃ca̱x. Rü ngẽma Equítuanecüã̱x rü ngẽma Iraétanüxü̃ i norü ngü̃xẽẽca̱x daugüxü̃ rü wüxigu tá guxchaxü̃gu nayi rü tá nayue.

Ichaía 7:8

Rü Damácu nixĩ ya Chíriaanearü ĩane ya taxü̃ne, rü Rechíü̃ nixĩ i Damácuwa ãẽ̱xgacü ixĩxü̃. Rü Chamária nixĩ ya Efraíü̃tanüxü̃arü ĩane ya taxü̃ne, rü Remaría nane nixĩ i Chamáriawa ãẽ̱xgacü ixĩxü̃. Natürü ngẽxguma marü 65 ya taunecüwa nanguxgu rü ngẽma Efraíü̃tanüxü̃ rü tá inarüxo nax wüxi i nachixü̃ane nax yixĩxü̃. Rü ngẽxguma pema rü taxũtáma aixcüma choxü̃́ peyaxõgügu, rü pema rü tá ta iperüxo” —ñanagürü ya Tupana.

Yox 9:13

Rü ngẽxguma nanuxgu ya Cori ya Tupana rü tama nixĩ i tauxchaãcüma nangüxmüxü̃. Rü nape̱xegu nixĩ i nacaxã́pü̱xügüxü̃ i ngẽma ngo̱xo i Raá rü norü ngü̃xẽẽruü̃gü.

2 Chamué 8:3

Rü nüma ga Dabí rü yexgumarüxü̃ ta Reóx nane ga Adáx-éche ga Chobáarü ãẽ̱xgacüxü̃ narüporamae ga yexguma nüma ga Adáx-éche rü natü ga Eufrátewa naxũxgu nax wena naya̱u̱xãxü̃ca̱x ga yema naane.

2 Chamué 10:6

Rü yexguma nüma ga Amóü̃tanüxü̃ nüxü̃ cua̱xgügu nax poraãcü Dabíxü̃ nanuxẽẽgüxü̃, rü yemaca̱x nüxü̃́ nanaxütanü ga 20,000 ga Chíriaanearü churaragü ga Bex-reóxcüã̱x, rü Chobácüã̱x, rü ñu̱xũchi 1,000 ga yatügü ga ãẽ̱xgacü ga Maacáarü churaragü rü 12,000 ga Ix-tóxarü churaragü nax nüxü̃ nangü̃xẽẽgüxü̃ca̱x.