2 Chamué 8:3 - Tupanaarü Ore

³ Rü nüma ga Dabí rü yexgumarüxü̃ ta Reóx nane ga Adáx-éche ga Chobáarü ãẽ̱xgacüxü̃ narüporamae ga yexguma nüma ga Adáx-éche rü natü ga Eufrátewa naxũxgu nax wena naya̱u̱xãxü̃ca̱x ga yema naane.

2 Chamué 8:3 Referans Kwoze

1 Chamué 14:47

Rü yemaacü ga Chaú rü nügü nango̱xẽxẽ nax nüma rü aixcüma Iraéanecüã̱xgüarü ãẽ̱xgacü yixĩxü̃. Rü nüma rü guxü̃wama ga norü naanewa rü nanadai ga norü uanügü ga Moátanüxü̃, rü Amóü̃tanüxü̃, rü Edóü̃tanüxü̃, rü Chobáarü ãẽ̱xgacügü rü Firitéugü. Rü yema íyadaixetanüãxü̃wa rü nüma nixĩ ga guxü̃xü̃ma naporamaexü̃.

2 Chamué 10:19

Rü guxü̃ma ga yema ãẽ̱xgacügü ga Adáx-échewa ügüxü̃ rü yexguma nüxü̃ nadaugügu nax Iraétanüxü̃ nüxü̃ rüporamaegüxü̃, rü Iraétanüxü̃maxã narüngüxmüe rü naxme̱xwa nügü naxügüxẽxẽ. Rü yexgumaü̃cüxü ga nüma ga Chíriaanecüã̱xgü rü namuü̃e nax Amóü̃tanüxü̃xü̃ nangü̃xẽẽgüxü̃.

2 Chamué 10:16

Rü nüma ga Chíriaanearü ãẽ̱xgacü ga Adáx-éche rü nayagagüxẽxẽ ga yema Chíriaanearü churaragü ga natü ga Eufrátearü tocutüwa yexmagüxü̃. Rü yemagü rü ĩane ga Eráü̃wa nangugü. Rü yema namaxã icuáxü̃ nixĩ ga Chobáx ga Adáx-échearü churaragüeru.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:3

Rü yexguma Chobáanearü ãẽ̱xgacü ga Adáx-éche rü yema naane ga taxtü ga Eufrátewa yexmaxü̃wa naxũxgu nax napuãxü̃ca̱x, rü Dabí rü ĩane ga Amágu Adáx-échemaxã nügü nadai rü nüxü̃ narüporamae.

2 Chamué 10:6

Rü yexguma nüma ga Amóü̃tanüxü̃ nüxü̃ cua̱xgügu nax poraãcü Dabíxü̃ nanuxẽẽgüxü̃, rü yemaca̱x nüxü̃́ nanaxütanü ga 20,000 ga Chíriaanearü churaragü ga Bex-reóxcüã̱x, rü Chobácüã̱x, rü ñu̱xũchi 1,000 ga yatügü ga ãẽ̱xgacü ga Maacáarü churaragü rü 12,000 ga Ix-tóxarü churaragü nax nüxü̃ nangü̃xẽẽgüxü̃ca̱x.

Wiyaegü 72:8

Rü nüma ya ãẽ̱xgacü rü name nixĩ i namaxã inacuáxü̃ i guxü̃ma i naanegü i márwa ixüxgüxü̃ rü ñu̱xmata to i márwa nangu. Rü ngẽma nixĩ i naanegü i taxtü i Eufrátewa ixügüxü̃ rü ñu̱xmata naane íyacuáxü̃wa nangu.

Wiyaegü 60:1

Pa Tupanax, cuma rü curü numaxã toxna quixũgachi rü toxü̃ cuwoone. Rü tanaxwa̱xe i wenaxarü toxca̱x cutaegu nax noxrirüxü̃ taporaexü̃ca̱x.

Nüxíraxü̃xü̃ ga popera ga ãẽ̱xgacügüchiga 4:21

Rü yema naane ga Charomóü̃ namaxã icuáxü̃ rü taxtü ga Eufrátewa inaxügü ga éstewaama ñu̱xmata Firitéugüarü üyeanewa rü Equítuanearü üyeanewa nangu ga oéstewaama. Rü guxü̃ma ga yema nachixü̃anegü ga Charomóü̃ namaxã icuáxü̃ rü nanaxütanügü ga diẽru ga Charomóü̃ unagüxü̃. Rü Charomóü̃me̱xẽwa nayexmagü ga yexguma namaxü̃gu.

Wenaxarü naxümatü ga Tupanaarü mugü 11:24

Rü guxü̃ma i ngẽma naane i nawa pengugüxü̃ rü pengagüxü̃ rü pexrü tá nixĩ. Rü ngẽma perü üyeane i súrwaama rü chianexü̃wa tá inaxügü rü ñu̱xmatáta Líbanuanewa nangu i nórtewa. Rü éstewa rü natü ya Eufrátewa tá inaxügü rü ñu̱xmatáta Már i Mediteráneuwa nangu i oéstewaama.

Ínachoxü̃xü̃chiga 23:31

Rü ngẽma curü üyeane i choma ichaxüxü̃ rü Már i Dauchíüxü̃wa inaxügü rü ñu̱xmata Firitéutanüxü̃arü márcutügu yacuáx. Rü ngẽma chianexü̃wa inaxügü rü ñu̱xmata taxtü i Eufrátewa nangu. Rü choma rü marü cuxme̱xwa tá chanangexmagüxẽxẽ i guxü̃ma i ngẽma duü̃xü̃gü i ngẽma nachixü̃anecüã̱xgü. Rü cuma tá nixĩ i ícunawoxü̃xü̃ i ngẽma naanewa.

Naanearü ügüchiga 15:18

Tupana rü yematama ngunexü̃gu Abráü̃maxã inaxuneta rü ñanagürü nüxü̃: —Choma tá cutaagüna chanaxã i guxü̃ma i ñaa naane i Equítuanearü natüwa inaxügü rü ñu̱xmatáta ngẽma natü i Eufrátewa nangu.

2 Chamué 10:15

Rü yexguma yema Chíriaanecüã̱xgü nüxü̃ cua̱xgügu nax Iraéanecüã̱xgü nüxü̃ rüporamaegüxü̃, rü wenaxarü nügü nanutaque̱xe.

2 Chamué 23:36

Igá ga Natáü̃ nane. Rü nüma ga Igá rü Chobácüã̱x nixĩ. Rü nayexma ta ga Baní ga Gáxcüã̱x, rü

Norü taxre ga to ga popera ga ãẽ̱xgacügüchiga ümatüxü̃ 8:3

Rü yemawena rü nanapu ga ĩane ga Amá ga Chobáanewa yexmane.