2 Chamué 8:18 - Tupanaarü Ore

¹⁸ Rü nanegü ga Dabí rü norü ngü̃xẽẽruü̃gü nixĩgü. Rü Benaía ga Yoiadá nane rü churaragü ga Queretéugümaxã rü Peretéugümaxã inacua̱x.

2 Chamué 8:18 Referans Kwoze

1 Chamué 30:14

Natürü naxü̃pa ga nax chida̱xawexü̃ rü Queretéugüarü naane i súrwaama ngẽxmaxü̃wa taxĩ rü tanadeãcu. Rü yexgumarüxü̃ ta tanadeãcu ga Yudátanüxü̃arü naanewa rü Caréxtanüxü̃arü naanewa. Rü ñu̱xũchi tayagu ya yima ĩane ya Chicáx —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:17

Rü Benaía ga Yoiadá nane nixĩ ga namaxã icuáxü̃ ga yema churaragü ga Queretéugü rü Peretéugü ga Dabína daugüxü̃. Rü Dabí nanegü nixĩ ga norü ngü̃xẽẽruxü̃gü ixĩgüxü̃.

2 Chamué 20:23

Rü nüma ga Yoá nixĩ ga guxü̃ma ga Iraéanearü churaragümaxã inacuáxü̃, natürü nüma ga Benaía ga Yoiadá nane rü ãẽ̱xgacüarü dauruü̃gü ga Queretéugümaxã rü Peretéugümaxã inacua̱x.

2 Chamué 20:7

Rü Yoáxarü churaragü, rü yema churaragü ga ãẽ̱xgacüarü dauruü̃gü ga Queretéugü rü Peretéugü, rü yema churaragü ga rüporamaegüxü̃, rü Abicháimaxã Yerucharéü̃wa inaxĩãchi nax Chebáwe nangẽgüxü̃.

2 Chamué 15:18

Rü naxü̃tawa nayexmagü ga guxü̃ma ga norü churaragüerugü. Rü yoxni ga yema Queretéugü rü Peretéugü ga ãẽ̱xgacüarü dauruü̃gü ixĩgüxü̃ rü yema 600 ga Yetéugü ga ĩane ga Gáxwa nawe rüxĩxü̃, rü ãẽ̱xgacüpe̱xewa nachopetü.

Nüxíraxü̃xü̃ ga popera ga ãẽ̱xgacügüchiga 1:44

Rü ngẽmaca̱x i nüma ya ãẽ̱xgacü rü nanamu ya chacherdóte ya Chadóx rü Natáü̃ rü Benaía ya Yoiadá nane rü Queretéugü rü Peretéugü noxrütama dauruü̃gü nax Charomóü̃xü̃ yaxümücügüxü̃ca̱x rü ãẽ̱xgacüarü mulagu yamuegüãxü̃ca̱x.

Nüxíraxü̃xü̃ ga popera ga ãẽ̱xgacügüchiga 1:38

Rü yemawena Charomóü̃xü̃tawa naxĩ ga chacherdóte ga Chadóx rü ñu̱xũchi orearü uruxü̃ ga Natáü̃, rü Benaía ga Yoiadá nane ixĩcü, rü ñu̱xũchi ãẽ̱xgacüarü dauruü̃gü ga churaragü ga Queretéugü rü Peretéugü. Rü ãẽ̱xgacü ya Dabíarü mulagu nanatonagüxẽẽgü ga Charomóü̃, rü ñu̱xũchi natüacü ga Guióü̃wa nanagagü.

Chofonía 2:5

¡Rü pegümaxã pengechaxü̃gü, Pa Crétacüã̱xgü i Duü̃xü̃gü i Márpechinügu Ãpatagüxü̃x! Rü nüma ya Tupana rü pemaxã nanaxuegu i ñaa poxcu rü ñanagürü: —Pa Canaáü̃ane i Firitéugüchiane Ixĩxü̃, rü tá chanadai i curü duü̃xü̃gü rü taxũtáma íchayaxüxẽxẽ i bai i wüxi.

Echequié 25:16

Rü ngẽmagagu i choma ya Cori ya Tupana rü tá chanapoxcue i ngẽma Firitéugü. Rü tá chanadaixichi i ngẽma Queretéugü. Rü ngẽma íyaxügüxü̃ i márpechinüwa ngẽxmagüxü̃ rü tá chayanaxoxẽxẽ.

Nüxíraxü̃xü̃ ga popera ga ãẽ̱xgacügüchiga 4:4

Rü to nixĩ ga Benaía ga Yoiadá nane ga churaragümaxã icuácü. Rü togü nixĩ ga Chadóx rü Abiatá ga chacherdótegü ixĩgüxü̃.

2 Chamué 20:26

Rü Irá ga Yaíarü ĩanecüã̱x rü Dabíarü chacherdóte ta nixĩ.

Nüxíraxü̃xü̃ ga popera ga ãẽ̱xgacügüchiga 1:8

Natürü ga chacherdóte ga Chadóx, rü tama Adoníawa naxǘ, rü bai ga Benaía ga Yoiadá nane, rü bai ga gumá Tupanaarü orearü uruxü̃ ga Natáü̃, rü bai ga Chimí ga ãẽ̱xgacü ga Dabímücüxüchi ixĩcü, rü bai ga yema Dabíarü churaragü ga nüxü̃ rücua̱xmaegüxü̃ rü taxuxü̃ma naxügü.

Nüxíraxü̃xü̃ ga popera ga ãẽ̱xgacügüchiga 2:25

Rü yexguma nüma ga ãẽ̱xgacü ga Charomóü̃ rü Benaía ga Yoiadá nanexü̃ namu nax Adoníaxü̃ yamáxü̃ca̱x. Rü nüma ga Benaía rü yéma naxũ rü Adoníaxü̃ nima̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:22

Rü Benaía ga Yoiadá nane rü wüxi ga yatü ga poracü nixĩ. Rü nüma rü ĩane ga Caxcheécüã̱x nixĩ, rü muxü̃ma ga daiwa ínanguxuchi. Rü nüma nixĩ ga nadaiaxü̃ ga yema taxre ga nanegü ga Arié ga Moácüã̱x. Rü wüxi ga ngunexü̃ ga yexguma gáuxü̃ rüyixgu rü wüxi ga ãxmaxü̃gu naxücu rü yexma aixepegu wüxi ga leóü̃xü̃ nima̱x.

Nüxíraxü̃xü̃ ga popera ga ãẽ̱xgacügüchiga 4:5

Rü to nixĩ ga Acharía ga Natáü̃ nane ga yema Iraéanearü üyechigüarü ãẽ̱xgacügümaxã icuáxü̃. Rü to nixĩ ga Chabúx ga chacherdóte ga Natáü̃ nane ga ãẽ̱xgacüarü ucu̱xẽruxü̃ ixĩcü.

Norü taxre ga popera ga ãẽ̱xgacügüchiga 11:4

Rü yexguma marü 7 ga taunecü ngĩxü̃́ inguxgu ga ãẽ̱xgacü nax yixĩxü̃ ga Ataría, rü nüma ga chacherdóte ga Yoiadá rü naxca̱x nangema ga yema churaragüerugü ga Queretéugü ga ãẽ̱xgacüpatamaxã icua̱xgüxü̃ rü yema capitáü̃gü ga ãẽ̱xgacüna daugüxü̃, rü Cori ya Tupanapata ga taxü̃negu nanamucu ga yema nüma ínayexmaxü̃wa. Rü yéma Tupanaégagu yema churaragüerumaxã inaxüga nax tama nüxü̃ yaxugüexü̃ca̱x nax namaxü̃xü̃ ga Ocochía nane ga Yoá. Rü yemawena rü Yoáxü̃ nango̱xẽxẽ nax nüxü̃ nadaugüxü̃ca̱x.