2 Chamué 8:16 - Tupanaarü Ore

¹⁶ Rü norü churaragümaxã icuáxü̃ nixĩ ga Yoá ga Cheruiá nane. Rü ãẽ̱xgacüarü poperaarü ümatüruxü̃ nixĩ ga Yochapáx ga Ailúx nane.

2 Chamué 8:16 Referans Kwoze

Nüxíraxü̃xü̃ ga popera ga ãẽ̱xgacügüchiga 4:3

Rü yema to ga taxre rü Erioré rü Aía ga Chichá nanegü nixĩgü. Rü nümagü nixĩ ga naxümatügüãxü̃ ga guxü̃ma ga yema Iraéanewa ngupetüxü̃. Rü Yochapáx ga Ailúx nane rü ãẽ̱xgacüarü poperaarü ümatüruxü̃ nixĩ. Rü nüma nixĩ ga naxümatüaxü̃ ga guxü̃ma ga yema ngupetüxü̃ ga ãẽ̱xgacü íyexmaxü̃wa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:6

Rü naxü̃pa ga nax napuãxü̃ ga yema nachica rü nüma ga Dabí rü ñanagürü: —Rü yíxema tüxíra naxca̱x íyagoõchixe i ngẽma Yebúcüã̱x rü yíxema tá tixĩ ya chorü churaragüarü ãẽ̱xgacüxü̃ tüxü̃ chaxunetaxe —ñanagürü. Rü Yoá ga Cheruiá nane nixĩ ga nüxíra Yebúcüãxgüca̱x íyagoõchicü rü gumáxü̃ naxuneta ga Dabí nax norü churaragüarü ãẽ̱xgacü yixĩxü̃ca̱x.

2 Chamué 19:13

Rü yexgumarüxü̃ ta yema chacherdótegüca̱x yéma namuga nax Amachámaxã nüxü̃ yaxugüexü̃ca̱x ga ore ga ñaxü̃: —Cuma rü chautanüxü̃xüchi quixĩ, rü Tupanaégagu cumaxã nüxü̃ chixu rü Yoáchicüxü tá chorü churaragümaxã icucua̱x. Rü Tupana poraãcü choxü̃ poxcu ega tama chayanguxẽẽgu i ngẽma ore i nüxü̃ chixuxü̃ —ñaxü̃.

2 Chamué 2:13

Rü nüma ga Yoá ga Cheruiá nane rü Dabíarü churaragümaxã Ebróü̃wa inaxũãchi rü Gabaóü̃arü puchu íyexmaxü̃gu nügü nangaugü namaxã ga yema Abnéarü churaragü. Rü yema Yoáxarü churaragü rü Gabaóü̃arü puchucutüwa nayexmagü rü yema Abnéarü churaragü rü guma puchuarü tocutüwa nayexmagü.

2 Chamué 8:15

Rü nüma ga Dabí rü guxü̃ma ga Iraéanearü ãẽ̱xgacü nixĩ. Rü meama guxü̃ma ga norü duü̃xü̃gümaxã inacua̱x.

Norü taxre ga popera ga ãẽ̱xgacügüchiga 18:18

Rü ñu̱xũchi ãẽ̱xgacü ga Echequíaca̱x nangemagü nax namaxã yanadexaxü̃ca̱x. Natürü nüma ga ãẽ̱xgacü rü tama yéma naxũ. Rü nachicüxü yéma nanamugü ga Eriaquíü̃ ga Irichía nane ga ãẽ̱xgacüpatamaxã icuácü, rü Chéna ga ãẽ̱xgacüarü poperagüna daucü, rü Yoá ga Achá nane ga ãẽ̱xgacüarü ngü̃xẽẽruxü̃ ixĩcü. Rü yéma naxĩ nax yema Achíriaanecüã̱xgümaxã yanadexagüxü̃ca̱x.

Norü taxre ga popera ga ãẽ̱xgacügüchiga 18:37

Rü yexguma ga Eriaquíü̃ ga Irichía nane ga ãẽ̱xgacüpatamaxã icuácü rü Chéna ga ãẽ̱xgacüarü poperagüna daucü rü Yoá ga Achá nane ga ãẽ̱xgacüarü ngü̃xẽẽruxü̃ ixĩcü rü nanaxĩ̱xãchiãẽgü rü nügü narügáutechirugü. Rü ãẽ̱xgacü ga Echequíaxü̃tawa naxĩ nax namaxã nüxü̃ yanaxugüexü̃ca̱x ga yema Achíriaanearü churaragüeruarü ore.

2 Chamué 18:2

Rü yemawena rü tomaepü̱xtücumügu nayayauxye ga norü churaragü. Rü wüxitücumümaxã inacua̱x ga Yoá. Rü totücumümaxã inacua̱x ga Abichái ga Cheruiá nane ga Yoáenexẽ ixĩcü. Rü yema totücumümaxã inacua̱x ga Itái ga ĩane ga Gáxcüã̱x ixĩcü. Rü ñu̱xũchi ga nüma ga Dabí rü guxü̃ma ga yema norü churaragüxü̃ ñanagürü: —Choma rü tá ta pexü̃ íchixümücü i daiwa —ñanagürü.