2 Chamué 8:10 - Tupanaarü Ore

¹⁰ Rü nüma ga Toí rü nane ga Yoráü̃xü̃ Dabíxü̃tawa namu nax moxẽ nüxna yaxãxü̃ca̱x rü nataãẽxẽẽãxü̃ca̱x yerü norü uanü ga Adáx-échexü̃ narüporamae. Rü yéma Dabíca̱x nanana ga yemaxü̃gü ga diẽrumünaxca̱x, rü úirunaxca̱x, rü bróũchenaxca̱x. Rü nüma ga Toí rü ta rü Adáx-échemaxã nügü nadai ga ü̃paacü.

2 Chamué 8:10 Referans Kwoze

Wiyaegü 129:8

Rü ngẽxguma texé nüxü̃ da̱u̱xgu rü taxúematama ñatagürü nüxü̃: —¡Tupana pexü̃ rüngü̃xẽxẽ! ¡Rü Cori ya Tupanaégagu mexü̃ pexü̃ ngupetü! —ñatagürü nüxü̃.

1 Chamué 13:10

Natürü yexguma marü naxü̃nagü ínaguxguwena rü yéma nangu ga Chamué. Rü nüma ga Chaú rü Chamuéca̱x niña, rü nüxü̃ narümoxẽ.

Ichaía 39:1

Rü yema ngunexü̃gügu rü ãẽ̱xgacü ga Baradáü̃ nane ga Merodá-baradáü̃ ga Babiróniaanearü ãẽ̱xgacü ixĩcü rü Echequíaxü̃tawa nanamugü ga norü ngü̃xẽẽruü̃gü nax norü moxẽ yema nangegüxü̃ca̱x rü ãmare nüxna yaxãgüxü̃ca̱x. Yerü nüxü̃ nacuáchiga nax yada̱xawexü̃ natürü marü naxca̱x yataanexü̃.

Nüxíraxü̃xü̃ ga popera ga ãẽ̱xgacügüchiga 1:47

Rü ñu̱xũchi ngẽma ãẽ̱xgacügü ya Dabíarü ngü̃xẽẽruü̃gü rü ngéma naxĩ nax taãẽãcüma Charomóü̃xü̃ yanamõxẽgüxü̃ca̱x, rü namaxã nüxü̃ yaxugüxü̃ca̱x nax Tupana tá nüxü̃ rüngü̃xẽẽxü̃ nax Dabíarü yexera duü̃xü̃gümaxã inacuáxü̃. Rü ñu̱xũchi nüma ya Dabí rü norü pechicaxü̃gu nayangücuchi nax Tupanaxü̃ yacua̱xüxü̃xü̃ca̱x.

Naanearü ügüchiga 43:27

Rü nüma ga Yúche rü nüxna naca, rü ñanagürü: —¿Ñuxãcü pexü̃ naxüpetüxü̃? ¿Rü ñuxãcü tüxü̃ naxüpetüxü̃ ya penatü ya yáxe ga chomaxã tüxü̃ pixuchigaxe? ¿Ñu̱xma rü ta tamaxü̃xü̃? —ñanagürü.

2 Chamué 8:9

Rü nüma ga Toí ga ĩane ga Amáarü ãẽ̱xgacü rü nüxü̃ nacuáchiga nax Dabí rü Adáx-échearü churaragüxü̃ naporamaexü̃.

2 Chamué 8:11

Rü nüma ga Dabí rü Tupanana nanaxuaxü̃ ga yema yemaxü̃gü ga diẽrumünaxca̱x rü úirunaxca̱x rü bróũchenaxca̱x ga yema nachixü̃anegü ga nüxü̃ naporamaexü̃wa napuxü̃xü̃ ga Edóü̃wa, rü Moáwa, rü Amóü̃wa, rü Firitéugütanüwa rü Amaréxtanüxü̃wa. Rü yexgumarüxü̃ ta Tupanana nanaxuaxü̃ ga yema yemaxü̃gü ga Reóx nane ga Adáx-éche ga Chobáarü ãẽ̱xgacüna napuxü̃.

Norü taxre ga to ga popera ga ãẽ̱xgacügüchiga ümatüxü̃ 32:23

Rü yemaca̱x muxü̃ma ga yema togü ga nachixü̃anecüã̱xgü rü Cori ya Tupanaca̱x Yerucharéü̃wa nanana ga norü ãmaregü. Rü nüma ga Yudáanearü ãẽ̱xgacü ga Echequíaca̱x rü ta yéma nanana ga mexẽchigüxü̃ ga ãmaregü. Rü yexgumacürüwa ga ãẽ̱xgacü ga Echequía rü natachiga nape̱xewa ga guxü̃ma ga yema togü ga nachixü̃anegü.