2 Chamué 7:9 - Tupanaarü Ore

⁹ Rü cuxü̃ íchixümücü ga ngextá ícuxũxü̃wa, rü cuxü̃ nüxü̃ charüporamaexẽxẽ ga guxü̃ma ga curü uanügü ga cumaxã nügü daixü̃. Rü cuxü̃ chatachigaxẽxẽ naxrüxü̃ i ngẽma yatügü i tachigaxü̃ i ñoma i naanewa.

2 Chamué 7:9 Referans Kwoze

2 Chamué 5:10

Rü nüma ga Dabí rü yexeraãcü niporachigü. Rü nüma ga Cori ya Tupana ya Guxü̃étüwa Ngẽxmacü rü nüxü̃ narüngü̃xẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:8

Rü choma rü marü cuxü̃ íchixümücü ga ngextá cuma ícuxũxü̃wa rü marü chanadai ga guxü̃ma ga curü uanügü ga cuxü̃ ima̱xgüchaü̃xü̃. Rü marü cuxü̃ chatachigaxẽxẽ naxrüxü̃ i ngẽma yatügü i ñoma i naanewa itaégatanücüüxü̃.

2 Chamué 8:6

Rü yemawena ga Dabí rü Damácugu nayaxüa ga norü churarapatagü. Rü yemaacü ga Chíriaanecüã̱xgü rü Dabíme̱xẽwa nayexmagü rü Dabíaxü̃́ nanaxütanügü ga yema diẽru ga Dabí nagu unetaxü̃. Rü yemaacü ga Cori ya Tupana rü Dabíxü̃ naporaxẽxẽ nax norü uanügüxü̃ naporamaexü̃ca̱x ga ngexta ínaxũxü̃wa.

1 Chamué 18:14

Rü guxü̃ma ga ta̱xacü ga naxüxü̃wa ga Dabí rü meama nüxü̃́ ínanguxuchi yerü Cori ya Tupana nüxü̃ narüngü̃xẽxẽ.

2 Chamué 8:14

Rü yemawena rü guxü̃ma ga Edóü̃arü naanegu nanaxü ga norü churaragüpatagü. Rü yemaacü guxü̃ma ga Edóü̃tanüxü̃ rü Dabíme̱xẽwa nayexmagü. Rü ngextá Dabí íxũxü̃wa rü nüma ga Cori ya Tupana rü norü uanüxü̃ nanaporamaexẽxẽ.

Naanearü ügüchiga 12:2

Erü tá nüxü̃ curüngü̃xẽxẽ i cutaxa nax yamuxü̃ca̱x rü wüxi i taxü̃ i nachixü̃ane nawa ngóxü̃ca̱x. Rü tá mexü̃ cumaxã chaxuegu rü tá cuxü̃ chatachigaxẽxẽ. Rü cugagu tá mexü̃ nayauxgü i togü.

Ore i mexü̃ ga Luca ümatüxü̃ 1:52

Rü marü ínanawoxü̃ ga yema ãẽ̱xgacügü ga nügü icua̱xüü̃güxü̃. Natürü guxema duü̃xẽgü ga tama tügü icua̱xüü̃güxe, rü poraãcü tüxü̃ narüngü̃xẽxẽ.

Wiyaegü 89:23

Rü ngẽma namaxã rüxuanüã̱xgüxü̃ rü choma rü tá nagu chayanaxoxẽxẽ rü tá nüxna chayaxĩgachixẽxẽ. Rü tá chanadai i ngẽma naxchi aiexü̃.

2 Chamué 22:30

Rü curü ngü̃xẽẽmaxã rü tá naxca̱x íchayagoõchi i chorü uanü. Rü norü ĩanegüarü poxeguxü̃étüwa tá chaxüpetü.

1 Chamué 2:8

Tupana rü tümaarü guxchaxü̃wa tüxü̃ narüngü̃xẽxẽ ya yíxema ngearü diẽruã̱xgüxe. Rü guxchirepáü̃wa tüxü̃ ínayaxuchi ya yíxema diẽruca̱x caxaxü̃wa̱xegüxe rü ãẽ̱xgacüxü̃ tüxü̃ nixĩxẽxẽ nax ngẽmaãcü tachigaxü̃ i yatügütanüwa tarütoxü̃ca̱x rü ãẽ̱xgacütanüwa tangexmaxü̃ca̱x. Erü Cori ya Tupana nixĩ i norü yora i ngẽma nagu naxǘnagüxü̃ i ñoma i naane, yerü nüma nixĩ ga nagu naxǘnagüãxü̃.

2 Chamué 22:1

Rü yexguma Cori ya Tupana Dabíxü̃ rüngü̃xẽẽgu nax Chaúme̱xẽwa rü guxü̃ma ga norü uanügüme̱xẽwa ínanguxuchixẽẽãxü̃, rü nüma ga Dabí rü ñaa wiyaemaxã Tupanaxü̃ nicua̱xüxü̃.

1 Chamué 31:6

Rü yemaacü yematama ga ngunexü̃gu nayue ga Chaú rü norü poxü̃ruxü̃ rü guma tomaepü̱x ga nanegü rü guxü̃ma ga norü churaragü.

1 Chamué 5:10

Rü yexguma ga nüma ga Firitéugü rü ĩane ga Ecróü̃waama nanangegü ga yema baú ga Tupanaarü mugüchixü̃. Natürü yexguma Ecróü̃wa nanguxgu ga yema baú, rü yema duü̃xü̃gü ga Ecróü̃cüã̱xgü rü nixaixcha rü ñanagürügü: —¿Tü̱xcüü̃ nua penange i ngẽma Iraéanecüã̱xgüarü Tupanaarü mugüchixü̃ nax toxü̃ nada̱i̱xü̃ca̱x ya guxãma? —ñanagürügü.

2 Chamué 8:13

Rü nüma ga Dabí rü Yucüragu ãégaxü̃ ga doxonexü̃gu nanadai ga 18,000 ga Edóü̃tanüxü̃. Rü yexguma yéma ne naxũxgu ga Dabí rü yexeraãcü natachiga.

2 Chamué 23:1

Ñaa nixĩ ga nawa iyacuáxü̃ ga Dabíarü dexa. Rü nüma ya Dabí ya Ichaxí nane nixĩ ga gumá yatü ga Tupana natachigaxẽẽcü. Rü nüma nixĩ ga Acóbuarü Tupana nüxü̃ unetaxü̃ nax Iraéanearü ãẽ̱xgacü yixĩxü̃ca̱x. Rü nüma ya Dabí nixĩ ya Iraétanüwa meama wiyaexü̃ nacuáxü̃. Rü nüma rü ñanagürü:

Yochué 6:27

Rü nüma ga Cori ya Tupana rü Yochuéxü̃ narüngü̃xẽxẽ, rü yemaca̱x guxü̃ma ga yema nachixü̃anecüã̱xgüwa nanguchiga.

1 Chamué 18:30

Rü yexguma Firitéugüarü churaragümaxã nügü nada̱i̱xü̃gu, rü nüma ga Dabí nixĩ ga guxü̃ma ga togü ga Chaúarü churaragüeruarü yexera norü uanügüxü̃ narüporamaexü̃. Rü yemaca̱x nixĩ ga guxü̃ma ga duü̃xü̃gü nüxü̃ ngechaü̃güxü̃.

2 Chamué 22:43

Rü chanadai ñu̱xmata ñoma waixü̃müchicute̱xerüxü̃ yaxĩgü. Rü nawa changa ñoma ãcharaxü̃ i namawa ngaxü̃rüxü̃.

Wiyaegü 21:6

Rü cuma rü guxü̃guma nüxü̃ curüngü̃xẽxẽ. Rü naxü̃tawa cungexmaecha rü ngẽmaca̱x poraãcü nataãẽxü̃chi.