2 Chamué 7:23 - Tupanaarü Ore

^23-24 Rü nataxuma i totücumü i duü̃xü̃gü i ngẽma curü duü̃xü̃gü i Iraétanüxü̃rüxü̃ ixĩgüxü̃. Rü natanüwa i ñoma i naanecüã̱x i nachixü̃anegü rü Iraétanüxü̃xicatama nixĩ i cuxunetaxü̃ nax curü duü̃xü̃gü yixĩxü̃güxü̃ca̱x. Rü cuma rü cunatachigaxẽxẽ ga yexguma natanüwa cunaxü̱xgu ga taxü̃ ga mexü̃gü. Rü yema curü duü̃xü̃gü ga Equítuanewa ícunguxü̃xẽẽxü̃pe̱xewa ícunawoxü̃ ga yema togü ga nachixü̃anegü namaxã ga norü tupanagü. Erü cuma rü nüxü̃ quixu nax guxü̃gutáma curü duü̃xü̃gü yixĩxü̃ i Iraétanüxü̃, rü ñu̱xũchi cumax, Pa Corix, rü guxü̃gutáma norü Tupana tá quixĩ.

2 Chamué 7:23 Referans Kwoze

Wenaxarü naxümatü ga Tupanaarü mugü 10:21

Erü nüxü̃ nixĩ i namexü̃ nax nüxü̃ picua̱xüü̃güxü̃. Rü nüma nixĩ ya perü Tupana ga pexca̱x naxücü ga yema taxü̃gü ga mexü̃gü ga pexetümaxã nüxü̃ pedaugüxü̃.

Wenaxarü naxümatü ga Tupanaarü mugü 9:26

Rü chorü yumüxẽwa rü nüxna chachogü rü ñachagürü nüxü̃: “¡Pa Corix, taxṹ i cuda̱i̱xü̃ i ñaa duü̃xü̃gü i cuxrü ixĩgüxü̃ i curü poramaxã ícunguxü̃xẽxẽxü̃, rü ñu̱xũchi taxü̃ i curü poramaxã Equítuanewa ícugaxü̃xü̃!

Wiyaegü 147:20

Natürü yema togütücumü ga duü̃xü̃gü rü taguma nüxü̃ nüxü̃ nacua̱xẽxẽ ga yema norü ore rü norü mugü. ¡Rü ngĩxã nüxü̃ ticua̱xüü̃gü ya Cori ya Tupana!

Wiyaegü 111:9

Rü nüma rü ínananguxü̃xẽxẽ ga norü duü̃xü̃gü naxme̱xwa ga norü uanügü. Rü yema norü uneta rü namaxã nüxü̃ nixu nax tagutáma iyanaxoxü̃. Erü nüma ya Tupana rü naxüüne rü naxãũcümaxü̃chi.

Neemía 1:10

Toma rü curü duü̃xü̃gü i curü puracütanüxü̃ tixĩgü, rü cuma rü curü poramaxã torü uanügüme̱xẽwa toxü̃ ícunguxü̃xẽxẽ.

Wenaxarü naxümatü ga Tupanaarü mugü 33:29

¡Pa Iraétanüxü̃x, petaãxẽgü! Pema rü taxúema pemaxã tawüxigu erü nümatama ya Cori ya Tupana nixĩ i pexü̃ ínapoxü̃xü̃, rü pexü̃ nangü̃xẽẽxü̃. Rü nüma nixĩ i perü tara i namaxã perü uanügüxü̃ pedaixü̃. Rü perü uanügü rü pepe̱xegu tá nacaxã́pü̱xügü. Rü pema rü tá penaxãnexẽxẽ rü penapu̱xcuchigüama —ñanagürü ga Moiché.

Wenaxarü naxümatü ga Tupanaarü mugü 15:15

¡Rü tagutáma nüxü̃ perüngümae nax pema rü mugüruü̃gü pixĩgüxü̃ ga Equítuanewa rü nüma ga Cori ya perü Tupana nixĩ ga pexü̃ ínguxü̃xẽẽcü! Rü ngẽmaca̱x nixĩ i ñu̱xma i pexna chanaxãxü̃ i ñaa mu.

Echequié 20:9

Natürü chaugünatama chachogü nax tama chanachixexẽẽxü̃ca̱x i chauéga rü ñu̱xũchi tama chixri chauchiga yadexagüxü̃ca̱x ga yema nachixü̃anegü ga Iraétanüxü̃ natanüwa maxẽxü̃. Erü nape̱xewa ga yema nachixü̃anegü rü Iraétanüxü̃maxã chaugü chixu rü chanaxuegu nax Equítuanewa tá íchanagaxü̃xü̃.

Wiyaegü 40:5

Pa Cori Pa Chorü Tupanax, namuxũchima nixĩ ga yema mexü̃gü ga curü poramaxã cuxüxü̃. Rü namuxũchi ga yema mexü̃gü ga toxca̱x cuxüxü̃. Rü yema nax namuxũchixü̃, rü ngẽmaca̱x taxucürüwama nüxü̃ chixu i guxü̃ma ga yema mexü̃gü ga toxca̱x cuxüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:9

Rü nagu nawiyaegü ga wüxi ga wiyae ga yexwaca̱xüxü̃ ga ñaxü̃: “Cuma nixĩ i cumexü̃ nax cunayaxuxü̃ i ngẽma popera rü cuyagáutanüxü̃ i ngẽma norü ñaxtachipe̱xexü̃. Yerü cuma rü marü quima̱xchire̱x, rü cugümaxã Tupanaaxü̃́ naxca̱x cutaxe i naguxü̃raü̃xü̃ i duü̃xü̃gütücumü rü naguxü̃raü̃xü̃ i duü̃xü̃gü i to i nagawa idexagüxü̃ rü naguxü̃raü̃xü̃ i ĩanegücüã̱x rü naguxü̃raü̃xü̃ i nachixü̃anecüã̱x.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Efesios 1:6

Rü yemaacü nanaxü ga Tupana nax guxü̃guma nüxü̃ icua̱xüü̃güxü̃ca̱x naxca̱x i norü ngechaü̃ rü norü mecüma ga yexguma taxca̱x núma namuãxgu ga Nane ya nüxü̃ nangechaü̃xü̃chicü.

Wiyaegü 145:6

Rü duü̃xü̃gü rü nachiga tá nidexagü i ngẽma ãũcümaxü̃ i curü poramaxã cuxüxü̃. Rü choma rü tá cuxü̃ chixuchiga nax ñuxãcü guxü̃étüwa cungexmaxü̃.

Wiyaegü 65:5

Pa Tupana Pa Torü Maxẽxẽẽruxü̃, cuma rü tomaxã quixaixcüma rü toxü̃ cungãxü̃ namaxã i ngẽma mexü̃gü i curü poramaxã cuxüxü̃. Rü woo ñaa naane iyacuáxü̃wa ngẽxmagüxü̃ i duü̃xü̃gü rü cuxü̃́ nayaxõgü. Rü woo már arü tocutü i yáxü̃guxü̃wa ngẽxmagüxü̃ i duü̃xü̃gü rü cuxü̃́ nayaxõgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:21

Rü nataxuma i to i nachixü̃ane i curü duü̃xü̃gü i Iraétanüxü̃rüxü̃ ixĩxü̃. Rü ngexicatama nixĩ i nachixü̃ane i nüxü̃ cuxunetaxü̃ i ñoma i naanewa. Rü cumax, Pa Corix, rü ícunanguxü̃xẽxẽ i curü duü̃xü̃gü nax cuxrü yaxĩgüxü̃ca̱x. Rü namaxã cugü cunatachigaxẽxẽ ga yexguma cunaxü̱xgu ga yema taxü̃ ga mexü̃gü ga curü duü̃xü̃güca̱x cuxüxü̃. Yerü cuma rü yexguma Equítuanewa ícunanguxü̃xẽxẽgu ga curü duü̃xü̃gü rü cuma rü nape̱xewa ícunawoxü̃ ga yema togü ga nachixü̃anecüã̱xgü.

Yochué 7:9

Rü nüma i Canaáü̃tanüxü̃ rü guxü̃ma i duü̃xü̃gü i ñaa naanegu pegüxü̃ rü tá nüxü̃ nacuáchigagü i ngẽma toxü̃ ngupetüxü̃. Rü nüma rü tá wüxigu toxca̱x ínayaxüãchi nax toxü̃ nada̱i̱xü̃ca̱x, rü taxúetama ítayaxǘ i totanüwa. ¿Rü texé tá cuxü̃ ticua̱xüxü̃ rü cuxü̃ tataxẽxẽ i ngẽxguma? —ñanagürü ga Yochué.

Ínachoxü̃xü̃chiga 12:12

Erü choma rü ngẽma chütaxü̃ rü nua Equítuanewa tá chaxüpetü. Rü wüxichigü ya Equítuanecüã̱xarü ĩpatawa tá chayama̱x ya yimá nüxíraü̃cü ya nanegü rü nüxíraxü̃xü̃ i naxü̃naxacügü i yatüxü̃. Rü tá ngẽma Equítuanecüã̱xgüxü̃ nüxü̃ chadauxẽxẽ nax ngẽma namaxã natupanaã̱xgüxü̃ rü yangearü poraáxü̃ nax naétüwa nachogüxü̃. Erü chomatama ya Tupana nixĩ i chanaxueguxü̃ i ngẽma chaxüxü̃.

Ínachoxü̃xü̃chiga 9:16

Rü ñu̱xmarüta cuxü̃ chamaxẽxẽ rü tama cuxü̃ chiima̱x, erü cuxü̃ nüxü̃ chadauxẽẽchaü̃ nax ñuxãcü chaporaxüchixü̃. Erü chaugü nüxü̃ chacua̱xẽẽchaü̃ i guxü̃ma i duü̃xü̃gü i ñaa naanewa maxẽxü̃.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Wiyaegü 66:3

¡Rü Tupanamaxã nüxü̃ pixu rü ñapegügü: —Pa Tupanax, ngẽma cuxüxü̃ rü namexẽchi. Rü ngẽma cumaxã rüxuanügüxü̃ rü curü poragagu muü̃maxã cuxme̱xgu nügü nayixẽxẽ. Rü guxü̃wama i ñoma i naanewa rü duü̃xü̃gü cuxü̃ nicua̱xüü̃gü rü norü wiyaegümaxã cuxü̃ nataxẽẽgü —ñapegügü!

Iraétanüxü̃arü muxchiga 6:27

Rü guxü̃gutáma i ngẽxguma ngẽma ñagügu i chacherdótegü rü choma rü tá chayanguxẽxẽ i ngẽma chauégagu nüxü̃ yaxugüxü̃ —ñanagürü ga Tupana.

Yeremía 32:21

Rü cuma rü curü poramaxã Equítuanewa ícunanguxü̃xẽxẽ ga curü duü̃xü̃gü ga Iraétanüxü̃. Rü yema taxü̃ ga ãũcümaxü̃gü i cuxüxü̃maxã rü cua̱xruü̃gümaxã poraãcü cunamuü̃exẽxẽ ga guxü̃ma ga yema Equítuanecüã̱xgü.

Ínachoxü̃xü̃chiga 6:7

Rü pexü̃ tá chade nax chorü duü̃xü̃gü pixĩgüxü̃ca̱x. Rü choma tá nixĩ i perü Tupana chixĩxü̃. Rü ngẽmawa tá nüxü̃ pecua̱x nax choma ya perü Cori ya Tupana yixĩxü̃ i pexü̃ íchanguxü̃xẽẽxü̃ nawa ga yema puracügü i yáxü̃ i Equítuanecüã̱xgü peétü nugüxü̃.

Ínachoxü̃xü̃chiga 9:15

Rü ngẽxguma chi choma chanaxwa̱xegu nax cuxü̃ rü curü duü̃xü̃güxü̃ chapoxcuxü̃ namaxã i wüxi i da̱xaweane i poraxü̃ rü marü chi peyue.

Ínachoxü̃xü̃chiga 33:16

Erü ngẽxguma cuma tama toxü̃ íquixümücügux ¿rü ñuxãcü tá nüxü̃ tacua̱x nax cuma rü tomaxã cutaãxẽxü̃? Natürü ngẽxguma toxü̃ íquixümücügux rü choma rü ñaa curü duü̃xü̃gü rü aixcüma tá nüxü̃ tacua̱x nax cupe̱xewa tama ngẽma togü i ñoma i naanecüã̱xrüxü̃ tixĩgüxü̃ —ñanagürü.

Wiyaegü 44:3

Rü tama tümaarü poramaxã rü tümanegümaxã nixĩ ga tanayauxgüxü̃ ga ñaa naane. Natürü yema curü poragagu rü curü ngü̃xẽẽgagu nixĩ ga nawa tangugüxü̃ ga yema naane. Yerü cuma rü tüxü̃ cungechaü̃ rü tümamaxã cumecüma.

Yeremía 32:20

Cuma rü cunaxü ga taxü̃ ga mexü̃gü rü cua̱xruü̃gü ga Equítuanewa. Rü woo ñu̱xma rü ta rü cunaxü i ngẽma taxü̃ i mexü̃gü rü cua̱xruü̃gü i Iraétanüxü̃tanüwa rü guxü̃ma i ngẽma togü i duü̃xü̃gütanüwa nax ngẽmaãcü cutachigaxü̃ca̱x.