2 Chamué 7:22 - Tupanaarü Ore

²² Rü ngẽmaãcü, Pa Chorü Cori ya Tupanax, rü nataxuma i ta̱xacü i curüxü̃ ixĩxü̃. Erü nataxuma i to ya Tupana i curüxü̃ ixĩxü̃, rü cuxicatama nixĩ i aixcüma Tupana quixĩxü̃ yema tochixẽmaxãtama nüxü̃ taxĩnüexü̃rüxü̃.

2 Chamué 7:22 Referans Kwoze

Wiyaegü 86:10

Erü cuxicatama nixĩ nax Tupana quixĩxü̃. Rü cuma nixĩ i nüxü̃ cucua̱xüchixü̃ rü cunaxüxü̃ i ngẽma taxü̃ i mexü̃gü i curü poramaxã cuxüxü̃.

Wiyaegü 86:8

Rü nataxuma i to i tupana i cumaxã wüxiguxü̃, Pa Corix. Rü taxúema tanaxü i ngẽma taxü̃ i mexü̃gü i cuma cuxüxü̃.

Ínachoxü̃xü̃chiga 15:11

Pa Chorü Cori ya Tupanax, rü ngẽma duü̃xü̃gü namaxã tupanaã́xü̃tanüwa rü nataxuma i ta̱xacü i cumaxã wüxiguxü̃. Rü nataxuma i ta̱xacü i cuxrüxü̃ üünexü̃ rü nüxü̃ cua̱xüchixü̃. Rü cuma cunaxü i ngẽma mexü̃gü i duü̃xü̃gü poraãcü namaxã baixãchiexü̃.

Miquéa 7:18

Rü nataxuma i to ya Tupana i curüxü̃ ixĩxü̃, erü cuma rü nüxü̃́ nüxü̃ curüngü̃ma i ngẽma norü chixexü̃gü, rü tama nagu curüxĩnüecha i ngẽma chixexü̃gü i cupe̱xewa naxügüxü̃ i ngẽma noxre i curü duü̃xü̃ i íyaxügüxü̃. Cuma rü toxü̃ cunawe̱x i curü ngechaü̃, rü tama guxü̃guma tomaxã cunuecha.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:25

Erü nüma ya Cori ya Tupana rü guxãétüwa nangẽxma, rü ngẽmaca̱x name nax nüxü̃xicatama icua̱xüü̃güxü̃. Erü nüma rü naxãũcümaxü̃chi rü guxü̃ma i ngẽma tupananetagüarü yexera tanaxwa̱xe i nüxü̃ tamuü̃e.

Ichaía 45:5

Rü choma nixĩ ya Tupana chixĩxü̃ rü nataxuma i to. Rü chaxicatama nixĩ ya Tupana chixĩxü̃. Rü woo nax tama choxü̃ cucuáxü̃, natürü i choma rü cua̱x cuxna chaxã nax daixü̃ cucuáxü̃ca̱x, nax ngẽmaãcü guxü̃ma i duü̃xü̃gü i ñoma i naanewa maxẽxü̃ rü nüxü̃ nacua̱xgüxü̃ca̱x nax chaxicatama Tupana chixĩxü̃.

1 Chamué 2:2

Rü tataxuma ya texé ya cuxrüxü̃ üünexe, Pa Corix. Rü tataxuma ya texé cuxrüxü̃ duü̃xü̃güna dauxe, Pa Torü Tupanax. Rü nataxuma i ta̱xacü i cuxü̃ rüporamaexü̃.

Wiyaegü 89:8

Pa Cori Pa Tupana ya Guxãétüwa Ngẽxmacüx, rü guxü̃ma i pora rü guxü̃ma i ore i aixcüma ixĩxü̃ rü cuwa ne naxũ. Rü nataxuma i ta̱xacü i cumaxã wüxiguxü̃.

Wiyaegü 89:6

Rü nataxuma i ta̱xacü i woo i daxũguxü̃ i naanewa i cumaxã wüxiguxü̃, Pa Cori Pa Tupanax.

Wiyaegü 96:4

Erü nüma ya Cori ya Tupana rü guxãétüwa nangẽxma, rü ngẽmaca̱x name nax nüxü̃xicatama icua̱xüü̃güxü̃. Erü nüma rü naxãũcümaxü̃chi rü guxü̃ma i ngẽma duü̃xü̃gü namaxã tupanaã́xü̃étüwa nangẽxma.

Wenaxarü naxümatü ga Tupanaarü mugü 4:35

Rü nüma rü pexca̱x nanaxü ga guxü̃ma ga yema nax yemaacü nüxü̃ pecuáxü̃ca̱x nax nüma yixĩxü̃ ya Cori ya aixcüma Tupana ixĩcü, rü naweama rü nataxuma i to i tupana.

Ichaía 40:18

¿Rü ta̱xacügu tá penangu ya Tupana? ¿Rü ñuxãcü tá penaxüxchicüna̱xã?

Wiyaegü 48:1

Nüma ya Cori ya Tupana rü guxãétüwa nangẽxma rü name nax nüxü̃ icua̱xüü̃güxü̃ nawa ya yima norü ĩane ya norü ma̱xpǘne ya üünene ya Chióü̃wa ngẽxmane.

Wiyaegü 145:3

Rü nüma ya Cori ya Tupana rü nüxü̃ nacua̱xüchi rü ngẽmaca̱x name nax nüxü̃ icua̱xüü̃güxü̃. Rü ngẽma tórü cua̱x rü tama nawa nangu nax nüxü̃ icuáxü̃ca̱x i ñuxãcü nüxü̃ nacua̱xüchixü̃ i nümax.

Wiyaegü 135:5

Rü choma rü meama nüxü̃ chacua̱x rü nüma ya Cori ya tórü Tupana rü guxü̃ma i ngẽma duü̃xü̃gü namaxã tupanaã́xü̃étüwa naxü.

Wiyaegü 44:1

Pa Tupanax, tomatama nüxü̃ taxĩnüchiga ga yema taxü̃ ga mexü̃ ga nũxcüma cuxüxü̃. Yerü torü o̱xigü rü tomaxã nüxü̃ nixugüe ga yema mexü̃gü ga nũxcüma curü poramaxã cuxüxü̃.

Echequié 36:22

Rü ngẽmaca̱x, Pa Echequiéx, ngẽma Iraétanüxü̃maxã nüxü̃ ixu i ñaa ore: “Cori ya Tupana rü ñanagürü: ‘Choma rü tá pechixü̃aneca̱x pexü̃ chawoeguxẽxẽ, natürü tama ta̱xacürü mexü̃ nax pexüxü̃ca̱x tá nixĩ. Natürü tá pexü̃ chawoeguxẽxẽ nax ngẽmaãcü íchanapoxü̃xü̃ca̱x i chauéga i üünexü̃ i pegagu chixri nachiga yadexagüxü̃ i ngẽma togü i nachixü̃anegü i natanügu pewoonexü̃.

Ichaía 45:22

Rü pema i yáxü̃wa maxẽxe, rü cha̱u̱xca̱x pexĩ rü choma rü tá pexü̃ íchanguxü̃xẽxẽ, erü chaxicatama nixĩ ya Tupana chixĩxü̃ rü nataxuma i to.

Ichaía 45:18

Rü choma ya Tupana ya naxücü i daxũguxü̃ i naane rü ñoma i naane rü guxü̃ma i nawa ngẽxmagüxü̃ nax tama nangeãcuxü̃ca̱x, rü ñachagürü: —Choma nixĩ ya Tupana chixĩxü̃ rü nataxuma i to.

Ichaía 40:25

Rü yimá Tupana ya Üünecü rü ínaca rü ñanagürü: —¿Ta̱xacügu tá i choxü̃ penguxü̃ i pemax? ¿Rü texé tixĩ ya chomaxã wüxiguxe? —ñanagürü.

Norü taxre ga to ga popera ga ãẽ̱xgacügüchiga ümatüxü̃ 2:5

Rü yima Tupanapata ya taxü̃ne i tá chaxüxü̃ne rü tá nataxüchi rü namexẽchi, erü yimá torü Tupana rü naporaxüchi rü nape̱xewa rü guxü̃ma i ngẽma duü̃xü̃gü namaxã tupanaã́xü̃ rü taxuxü̃ma nixĩgü.

Wenaxarü naxümatü ga Tupanaarü mugü 32:39

Rü chaxicatama nixĩ ya Tupana chixĩxü̃, rü nataxuma i to i tupanagü i chauétüwa ngẽxmaxü̃. Rü choma nixĩ i pexna chanaxãxü̃ i maxü̃ rü ñu̱xũchi pexna chanayaxuxü̃. Rü choma nixĩ i ngúxü̃ pexca̱x íchanguxẽẽxü̃, rü ñu̱xũchi pexca̱x chayataanexẽẽxü̃. Rü tataxuma ya texé ya tama chorü poratüxü̃wa ngẽxmagüxe.

Echequié 36:32

Rü choma ya Cori ya Tupana nüxü̃ chixu rü ñachagürü: Pa Iraétanüxü̃x, chanaxwa̱xe nax nüxü̃ pecuáxü̃ nax tama ta̱xacürü mexü̃ nax pexüxü̃gagu nixĩ i pexü̃ charüngü̃xẽẽxü̃. Rü ngẽmaca̱x tá pexãnee rü pexoegaãẽgü yerü chixexü̃ pexügü’ ” —ñachagürü.

Ínachoxü̃xü̃chiga 10:2

Rü ngẽmaãcü i cuma rü tá cunegümaxã rü cutaagümaxã nüxü̃ quixu nax ñuxãcü nüxü̃ chacugüxü̃ ga Equítuanecüã̱xgü rü ñuxãcü taxü̃ ga guxchaxü̃gü naxca̱x íchanguxẽẽxü̃. Rü ngẽmawa tá nüxna pecua̱xãchie nax choma chixĩxü̃ ya Cori ya Tupana —ñanagürü.

Ínachoxü̃xü̃chiga 8:10

Rü nüma ga Faraóü̃ rü Moichéxü̃ nangãxü̃, rü ñanagürü: —Moxü̃tama nixĩ i chanaxwa̱xexü̃ nax nataxuxü̃ i ngẽma cururugü —ñanagürü. Rü Moiché rü nüxü̃ nangãxü̃, rü ñanagürü nüxü̃: —Marü name. Rü ngẽmaãcü tá chanaxü nax nüxü̃ cucuáxü̃ca̱x nax nataxuxü̃ma ya texé ya torü Cori ya Tupanarüxü̃ ixĩxü̃.

Ínachoxü̃xü̃chiga 9:14

Rü ñu̱xmax rü tá cuxca̱x rü curü ngü̃xẽẽruü̃güca̱x, rü guxü̃ma i Equítuanecüã̱xgüca̱x tá nua chanamu i naguxü̃raü̃xü̃ i chorü poxcu nax ngẽmaãcü nüxü̃ cucuáxü̃ca̱x nax ñoma i naanewa rü nataxuxü̃ma i to ya Tupana i chauxrüxü̃ ixĩxü̃.

Nüxíraxü̃xü̃ ga popera ga ãẽ̱xgacügüchiga 8:23

Rü ñanagürü: —Pa Cori ya Iraétanüxü̃arü Tupanax, rü dauxü̃guxü̃ i naanewa rü woo ñoma i naanewa rü nataxuma i ta̱xacü i cuxrüxü̃ Tupana ixĩxü̃. Erü cumax rü cuyanguxẽxẽ i curü uneta rü tüxü̃ cungechaü̃ ya guxãma ya yíxema aixcüma cuga ĩnüexe.

Danié 2:45

Rü yimá ãẽ̱xgacüchiga nixĩ ga gumá nuta ga nüxü̃ cudaucü ga taxúema nüxü̃ cuxnetaãcüma ma̱xpǘnewa yarüdixicü rü íraxü̃gu napocü ga yema naxchicüna̱xã ga fierunaxca̱x, rü bróũchenaxca̱x, rü waixü̃münaxca̱x rü úirunaxca̱x. Rü yemaacü ga nüma ga Tupana ya poraxüchicü rü cuxü̃ nanawe̱x, Pa Ãẽ̱xgacüx, i ngẽma yixcüra tá ngupetüxü̃. Rü yema cunegüwa nüxü̃ cudauxü̃ rü aixcüma nixĩ, rü ngẽma cumaxã nüxü̃ chixuchigaxü̃ rü aixcüma tá ningu —ñanagürü ga Danié.

Ínachoxü̃xü̃chiga 8:6

Rü yexguma ga Aróü̃ rü Equítuanewa yexmagüxü̃ ga dexáchiüétügügu namaxã nawe̱xchacüxü ga guma norü naixmena̱xã. Rü guxü̃ma ga Equítuane rü yema cururugü ga dexáwa íchoxü̃xü̃maxã nanapá.

Wenaxarü naxümatü ga Tupanaarü mugü 4:39

Rü ngẽmaca̱x mea pegüãẽgu namaxã penguxü̃ nax daxũguxü̃ i naanewa rü ñoma i naanewa rü nüma i Cori rü Tupana yixĩxü̃, rü nataxuxü̃ma i to i naxrüxü̃ ixĩxü̃.

2 Chamué 22:32

¿Rü texé tixĩ ya Coriétüwa Tupana ixĩxẽ? ¿Rü nangemaxü̃ i ta̱xacü i to i Tupanarüxü̃ nüxü̃́ tauxchaxü̃ nax tüxü̃ ínapoxü̃xü̃?