2 Chamué 7:18 - Tupanaarü Ore

¹⁸ Yexguma ga ãẽ̱xgacü ga Dabí rü yema baú ga Tupanaarü mugüchixü̃ íyexmaxü̃gu naxücu rü Cori ya Tupanape̱xegu nacaxã́pü̱xü rü ñanagürü: —¿Texé chixĩ i chomax, Pa Corix, rü ta̱xacüwa name i chautanüxü̃ rü ngẽmaca̱x i ñu̱xmax, rü ãẽ̱xgacüwa choxü̃ cunguxẽxẽxü̃?

2 Chamué 7:18 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:16

Rü yexguma ga nüma ga ãẽ̱xgacü ga Dabí rü guma ĩpata ga Tupanaarü mugüchixü̃ íyexmaxü̃gu naxücu nax Cori ya Tupanamaxã yadexaxü̃ca̱x rü ñanagürü: —Pa Corix, Pa Tupanax ¿texé chixĩ i chomax, rü ta̱xacüwa cuxü̃́ chame rü ta̱xacüwa cuxü̃́ name i chauxacügü nax ngẽmaãcü chomaxã cumecümaxü̃ rü ãẽ̱xgacüwa choxü̃ cunguxẽẽxü̃?

1 Chamué 18:18

Natürü ga Dabí rü nanangãxü̃ rü ñanagürü: —Taxuxü̃ma chixĩ i cupe̱xewa, rü chautanüxü̃ rü taxuxü̃ma nixĩgü i Iraéanegütanüwa nax cuxã̱xte nax chixĩxü̃ca̱x —ñanagürü.

Naanearü ügüchiga 32:10

Choma rü taxuwama chame nax ngẽmaãcü chomaxã cumecümaxü̃ rü aixcüma mea choxü̃ curüngü̃xẽẽxü̃. Rü yexguma noxri chaunatüna íchaxũxũ̱xgux rü ñaatama Yudáü̃ i natüwa chixüegu rü taxuxü̃ma choxü̃́ nayexma rü chorü naixmena̱xãxicatama. Natürü i ñu̱xma nax chataeguxü̃ rü choxü̃́ nangẽxma i muxü̃ma i duü̃xü̃gü i taxretücumü ixĩxü̃.

Ínachoxü̃xü̃chiga 3:11

Rü yexguma ga Moiché rü Tupanaxü̃ nangãxü̃ rü ñanagürü: —¿Ẽ̱xna ta̱xacüwa chame i chomax i Faraóü̃pe̱xewa chaxũxü̃ nax Equítuanewa íchanguxü̃xẽẽxü̃ca̱x i ngẽma Iraétanüxü̃? —ñanagürü.

1 Chamué 15:17

Rü nüma ga Chamué rü nanangãxü̃ rü ñanagürü: —Yexguma cugügu curüxĩnügu ga taxuwama nax cumexü̃, rü nüma ga Tupana rü cuxü̃ nayaxu ga Iraéanecüã̱xgüarü ãẽ̱xgacü nax quixĩxü̃ca̱x.

Efesios 3:8

Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.

Ãẽ̱xgacügü ga guxchaxü̃güarü mexẽxẽruü̃gü 6:15

Natürü nüma ga Yedeóü̃ rü wena Cori ya Tupanaxü̃ nangãxü̃ rü ñanagürü: —¡Ñu̱xmarica choxü̃ nangechaxü̃, Pa Corix! ¿Natürü ñuxãcü tá íchananguxü̃xẽxẽ i Iraétanüxü̃? Erü chautanüxü̃ nixĩ i ñaxtümaewa ügüxü̃ i Manachétücumütanüwa. Rü guxü̃ma i chautanüxü̃tanüwa rü choma nixĩ i guxü̃arü yexera taxuxü̃ma chixĩxü̃ —ñanagürü.

1 Chamué 9:21

Rü nüma ga Chaú rü nanangãxü̃ rü ñanagürü: —Natürü i choma rü Bẽyamíü̃tanüxü̃ chixĩ, rü ngẽma totücumü rü guxü̃ma i togü i Iraéanecüã̱xgütücumüxü̃ narüxíxramae. Rü ñu̱xũchi ngẽma nügütanüxü̃chigü i Bẽyamíü̃tücumüwa ügüxü̃, rü chautanüxü̃ nixĩ i guxü̃arü yexera rüxíxramaexü̃. Rü ngẽmaca̱x ¿tü̱xcüü̃ chomaxã nüxü̃ quixu nax guxü̃ma i Iraéanearü mexü̃gü rü cho̱xme̱xwa tá nangẽxmaxü̃? —ñanagürü.

Ichaía 37:14

Rü yexguma Echequía nayaxugu ga yema popera ga Achíriaanearü ãẽ̱xgacüarü ngü̃xẽẽruü̃gü yéma ngẽgüxü̃, rü nüxü̃ nadaumatü. Rü ñu̱xũchi Tupanapata ga taxü̃newa naxũ rü yexma Tupanape̱xegu nayaxǘ ga yema popera.

2 Chamué 7:17

Natáü̃ rü meama Dabímaxã nüxü̃ nixu ga guxü̃ma ga yema nüxü̃ nadauxü̃, rü ñu̱xũchi yema nüxü̃ naxĩnüxü̃.

Naanearü ügüchiga 32:11

Rü ñu̱xma rü cuxna chaca rü chanaxwa̱xe i choxü̃ ícupoxü̃ nüxna ya chauenexẽ ya Echaú. Rü nüxü̃ chamuü̃ erü ngürüãchi nuxã toxü̃ nayadai rü ngẽmaãcü tüxü̃ nadai ya cho̱xma̱xgü rü chauxacügü.

Rux 2:10

Rü ngĩma ga Rux rü Boópe̱xegu inangücuchi rü nüxna ica, rü ngĩgürügü: —¿Ta̱xacü chowa cudau eca̱x chomaxã cumecümaxü̃ i choma nax to i nachixü̃anecüã̱xmare nax chixĩxü̃? —ngĩgürügü.

2 Chamué 23:5

Rü ngẽmaca̱x i chautaagü rü chowena Iraéanearü ãẽ̱xgacügü tá nixĩgü, erü nüma ya Tupana rü wüxi i taguma iyacuáxü̃ i uneta marü chomaxã naxü. Rü ngẽma chomaxã naxueguxü̃ rü marü nawe̱xgu rü aixcüma nixĩ. Rü ngẽmaca̱x tama chaxoegaãxẽ erü nüma ya Tupana nixĩ i choxü̃ naporamaexẽẽxü̃ rü yanguxẽẽxü̃ i guxü̃ma i ngẽma nagu charüxĩnüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:14

¿Rü ta̱xacü ẽ̱xna chixĩ i chomax, rü ta̱xacügü nixĩ i ngẽma chorü duü̃xü̃gü nax toxü̃́ natauxchaxü̃ nax cuxna tanaxãxü̃ i ñaa muxü̃ma i ngẽmaxü̃gü? Rü dücax i guxü̃ma i ngẽma rü cuxü̃tawa ne naxũ, rü cuxü̃tawa nixĩ i tanayaxuxü̃ i ngẽma cuxna taxãxü̃.