2 Chamué 7:16 - Tupanaarü Ore

¹⁶ Rü cutaagü rü guxü̃gutáma ãẽ̱xgacü nixĩgü erü choma rü tá nüxna chadau. Rü ñu̱xma nax ãẽ̱xgacü quixĩxü̃ i cumax, rü ngẽxgumarüxü̃ ta rü tagutáma nataxu nax wüxi i cutaxa cuchicawa rütoxü̃ nax ãẽ̱xgacü yixĩxü̃’ ” —ñanagürü ga Tupana.

2 Chamué 7:16 Referans Kwoze

2 Chamué 7:13

Rü nüma tá nixĩ i wüxi ya chopata ya taxü̃ne naxüxü̃. Rü choma rü guxü̃gutáma nüxü̃ charüngü̃xẽẽxü̃ nax duü̃xü̃gümaxã inacuáxü̃ca̱x.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Danié 7:14

Rü nüma ga guma Ãẽ̱xgacü rü namaxã nataãxẽ rü pora nüxna naxã nax ñoma i naanemaxã inacuáxü̃ca̱x. Rü guxü̃ma i ñoma i naanecüã̱x i duü̃xü̃gü i to i nagawa idexagüchigüxü̃ rü tá nüxü̃ nicua̱xü̃gü. Rü nüma rü guxü̃guma Ãẽ̱xgacü nixĩ rü tagutáma inayacua̱x nax Ãẽ̱xgacü yixĩxü̃.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Wiyaegü 45:6

Pa Tupanax, cuma rü guxü̃guma ãẽ̱xgacü quixĩ rü aixcüma mea guxü̃ma i duü̃xü̃gümaxã icucua̱x.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Popera ga Yudíugü ga yaxõgüxü̃ca̱x ümatüxü̃ 1:8

Natürü yexguma Nanechiga yadexaxgu ga Tupana rü ñanagürü: “Cuma nax chauxrüxü̃ Tupana quixĩxü̃ rü guxü̃gutáma ãẽ̱xgacü quixĩ, rü aixcüma meama guxü̃maxã icucua̱x.

Ore i mexü̃ ga Cuáü̃ ümatüxü̃ 12:34

Rü yema duü̃xü̃gü nanangãxü̃gü, rü ñanagürügü: —Ngẽma mugü i ümatüxü̃wa nüxü̃ tadaugü nax guxü̃gutáma namaxechaxü̃ ya Cristu. ¿Rü ñuxãcü i cuma rü ñacurügü: “Tupana Nane ya duü̃xü̃xü̃ ixĩcü rü curuchawa tá nipota”, ñacurügü? ¿Rü texé tixĩ ya yíxema Tupana Nane ya duü̃xü̃xü̃ ixĩxẽ? —ñanagürügü.

Norü taxre ga popera ga ãẽ̱xgacügüchiga 19:34

Rü chomatama tá nüxna chadau ya daa ĩane rü tá íchanapoxü̃ erü taguma nüxü̃ charüngüma ya chorü duü̃ ya Dabí rü chayanguxẽxẽ i ngẽma nüxü̃ chixuxü̃”, ñanagürü ga Tupana —ñanagürü ga Ichaía.

Wiyaegü 72:5

Rü ngẽmaãcü ya yimá ãẽ̱xgacü rü name nax guxü̃guma naga naxĩnüexü̃ i norü duü̃xü̃gü, ngẽxgumarüxü̃ ya üa̱xcü rü tauemacü rü guxü̃guma inabaigüxü̃rüxü̃.

Ore i mexü̃ ga Matéu ümatüxü̃ 16:18

Rü choma cumaxã nüxü̃ chixu rü cuma rü Pedru quixĩ. Rü ngẽma cuéga rü “nuta”, ñaxü̃chiga nixĩ. Rü cuma tá nixĩ i chorü duü̃xü̃gümaxã icucuáxü̃. Rü ngẽma yuarü pora rü taxũtáma nüxü̃ narüyexera i ngẽma chorü duü̃xü̃gü.

1 Chamué 25:28

¡Rü choxü̃́ nüxü̃ irüngüma nax cupe̱xewa íchatüxü̃! Rü aixcümaxü̃chi Cori ya Tupana rü tá cuxü̃ narüngü̃xẽxẽ nax cuma rü cutaagü rü guxü̃gutáma Iraétanüxü̃maxã ipecua̱xgüxü̃. Erü cuma rü naxca̱x cugü icuxã nax nüxü̃ curüporamaexü̃ca̱x i Cori ya Tupanaarü uanügü. Rü ñu̱xma nax cumaxü̃xü̃gu rü naxca̱x íchaca nax tagutáma ta̱xacürü chixexü̃ cuxü̃ üpetüxü̃.

2 Chamué 7:17

Natáü̃ rü meama Dabímaxã nüxü̃ nixu ga guxü̃ma ga yema nüxü̃ nadauxü̃, rü ñu̱xũchi yema nüxü̃ naxĩnüxü̃.

Wiyaegü 89:4

—Rü tá cutaagümaxã chanaxuegu nax nümagü tá yixĩxü̃ i guxü̃gutáma cuchicüxü ãẽ̱xgacügü yixĩgüxü̃ i Iraétanüwa —ñacurügü nüxü̃.

Yeremía 17:25

Rü ngẽxguma ngẽmaãcü penaxauregu i ngẽma ngunexü̃, rü guxü̃gutáma Dabítanüxü̃ nixĩ i Yudáanearü ãẽ̱xgacügü ixĩgüxü̃ rü Dabíarü tochicaxü̃wa rütogüxü̃. Rü nümagü rü guxü̃gutáma norü carugümaxã rü norü cowarugümaxã daa ĩanegu nachocu namaxã i norü ngü̃xẽẽruü̃gü rü Yudáanecüã̱xgü rü Yerucharéü̃cüã̱xgü. Rü daa ĩane rü guxü̃gutáma duü̃xü̃gümaxã naxããcu.

Yeremía 33:17

Rü choma ya Cori ya Tupana rü ñachagürü: “Tagutáma nataxu nax wüxi i nataxa ya Dabí nax ãẽ̱xgacü tá yixĩxü̃ i Iraéchixü̃anewa.

2 Chamué 22:51

Cuma rü guxü̃guma cunaporamaexẽxẽ ya yimá ãẽ̱xgacü ya cuma nüxü̃ cuxunetacü. Rü cuma rü guxü̃guma nüxü̃ cungechaü̃ ya Dabí rü nataagü —ñanagürü ga Dabí ga norü wiyaewa.

Nüxíraxü̃xü̃ ga popera ga ãẽ̱xgacügüchiga 2:4

Rü ngẽxguma ngẽmaãcü cunaxüxgux rü Tupana rü tá cuwa nayanguxẽxẽ ga yema uneta ga chomaxã nüxü̃ yaxuxü̃ ga yexguma ñaxgu choxü̃: “Rü ngẽxguma chi yimá cune rü cutaagü rü mea chauga naxĩnüegu rü aixcüma cha̱u̱xca̱x namaxẽgu rü tama choxna yaxĩgachixgu, rü guxü̃gutáma natanüwa tá nixĩ i Iraéanecüã̱xgüarü ãẽ̱xgacü ne naxũxü̃, rü tagutáma nataxu nax wüxi i cutaxa i Iraéanecüã̱xgüarü ãẽ̱xgacü yixĩxü̃”, ñanagürü choxü̃.

Norü taxre ga popera ga ãẽ̱xgacügüchiga 8:19

Natürü nüma ga Cori ya Tupana rü tama Yudáaneca̱x chixexü̃ ínanguxẽẽchaü̃ yerü Dabíxü̃ nangechaü̃ rü namaxã nanaxuegu nax ngẽma natanüxü̃tanüwa rü tá ãẽ̱xgacüwa nanguxü̃.

Norü taxre ga to ga popera ga ãẽ̱xgacügüchiga ümatüxü̃ 6:16

Rü ngẽmaca̱x, Pa Corix, Pa Iraétanüxü̃arü Tupanax, rü ¡yanguxẽxẽ ga yema uneta ga chaunatü ga curü duü̃ ga Dabímaxã nüxü̃ quixuxü̃ ga yexguma ñacugu nüxü̃: “Rü cutaagü tá nixĩ i guxü̃gutáma ãẽ̱xgacügü ixĩgüxü̃ i Iraéanewa ega cuxrüxü̃ mea nagu namaxẽgu i chorü mugü”, ñacugu!

Yox 36:7

Rü guxü̃guma tüxna nadau ya yíxema mexü̃arü üruü̃gü. Rü ñu̱xũchi ãẽ̱xgacügüxü̃ narüngü̃xẽxẽ nax guxü̃guma duü̃xü̃gümaxã inacuáxü̃ca̱x.

Ichaía 9:6

Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.

Echequié 37:25

Rü nümagü rü nawa tá namaxẽ i ngẽma nachixü̃ane ga norü o̱xigü nawa maxẽxü̃ ga chorü duü̃ ga Acóbuna chaxãxü̃. Rü ngéma tá nixĩ i guxü̃gutáma nangẽxmagüxü̃ i nümagü, rü naxacügü, rü guxü̃ma i nataagü. Rü yimá chorü duü̃ ya Dabítaxa tá nixĩ ya guxü̃gutáma norü ãẽ̱xgacü ixĩcü.