2 Chamué 7:13 - Tupanaarü Ore

¹³ Rü nüma tá nixĩ i wüxi ya chopata ya taxü̃ne naxüxü̃. Rü choma rü guxü̃gutáma nüxü̃ charüngü̃xẽẽxü̃ nax duü̃xü̃gümaxã inacuáxü̃ca̱x.

2 Chamué 7:13 Referans Kwoze

Nüxíraxü̃xü̃ ga popera ga ãẽ̱xgacügüchiga 8:19

Natürü taxũtáma cuma cunaxü, rü wüxi i cune tá nixĩ i naxüxü̃”, ñanagürü nüxü̃ ga Cori ya Tupana.

Nüxíraxü̃xü̃ ga popera ga ãẽ̱xgacügüchiga 5:5

Rü ngẽmaca̱x nagu charüxĩnü nax chorü Tupanaca̱x chanaxüxü̃ ya wüxi ya napata ya taxü̃ne yema chaunatümaxã inaxunetaxü̃rüxü̃ nax choma tá yixĩxü̃ i naxca̱x chanaxüxü̃. Yerü Tupana rü ñanagürü tüxü̃ ga chaunatü: “Rü yimá cune ya cuchicüxü cuchicawa charütoxẽẽcü, rü yimá tá nixĩ ya naxücü ya chopata ya taxü̃ne”, ñanagürü tüxü̃.

Wiyaegü 89:4

—Rü tá cutaagümaxã chanaxuegu nax nümagü tá yixĩxü̃ i guxü̃gutáma cuchicüxü ãẽ̱xgacügü yixĩgüxü̃ i Iraétanüwa —ñacurügü nüxü̃.

Nüxíraxü̃xü̃ ga popera ga ãẽ̱xgacügüchiga 6:12

—Ñu̱xma nax cunaxüxü̃ ya chopata ya taxü̃ne, rü cumaxã nüxü̃ chixu, rü ngẽxguma chi chorü mugü nüxü̃ ixuxü̃ãcüma cumaxü̃gu rü chi nagu quixũxgu i guxü̃ma i chorü mugü, rü choma rü tá chayanguxẽxẽ ga yema uneta ga cunatü ga Dabímaxã nüxü̃ chixuxü̃ ga cuchiga. Rü petanüwa tá chamaxü̃ rü tagutáma pexna chixũgachi i pema i Iraéanecüã̱xgü i chorü duü̃xü̃gü nax pixĩgüxü̃ —ñanagürü.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Wiyaegü 89:29

Rü ngẽma nataagü rü nachicüxü guxü̃gutáma nüxí Iraéanecüã̱xgüarü ãẽ̱xgacügü nixĩgü ñu̱xmatáta nagu i naane.

2 Chamué 7:16

Rü cutaagü rü guxü̃gutáma ãẽ̱xgacü nixĩgü erü choma rü tá nüxna chadau. Rü ñu̱xma nax ãẽ̱xgacü quixĩxü̃ i cumax, rü ngẽxgumarüxü̃ ta rü tagutáma nataxu nax wüxi i cutaxa cuchicawa rütoxü̃ nax ãẽ̱xgacü yixĩxü̃’ ” —ñanagürü ga Tupana.

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.

Popera ga Yudíugü ga yaxõgüxü̃ca̱x ümatüxü̃ 3:3

Rü woo ga noxri rü Moichéxü̃ nitaégacüüxẽxẽ ga Tupana, natürü i ñu̱xma rü Moichéarü yexera Ngechuchuxü̃ nixĩ i yataégacüüxẽẽxü̃. Rü ngẽxgumarüxü̃ ta ya wüxi ya ĩpata ya ngexwaca ixüxü̃ne rü namaxã tataãxẽ, natürü ngẽma ĩpataarü üruxü̃ nixĩ i yexera namaxã itaãẽxü̃.

Ichaía 49:8

Rü nüma ya Cori ya Tupana rü ñanagürü ta: —Yexguma nawa nanguxgu ga ngunexü̃ nax chorü ngü̃xẽẽca̱x ípecaxü̃ rü choma rü pexü̃ chanawe̱x nax pexü̃ changechaü̃xü̃. Rü yexguma penaxwa̱xegu nax pexü̃ íchapoxü̃xü̃ rü pexü̃ charüngü̃xẽxẽxü̃. Rü ñu̱xma i choma rü tá pexna chadau nax wüxi i ngü̃xẽxẽ nüxü̃́ pixĩgüxü̃ca̱x i togü i duü̃xü̃gü. Rü ngẽmaca̱x i pemax, Pa Iraétanüxü̃x, rü wena tá nawa pemaxẽ i ngẽma naanegü ga perü uanügü chixexẽẽgüxü̃ rü ngẽmaãcü tá wena penamexẽxẽ i pechixü̃ane.

Wiyaegü 89:21

Rü choma rü guxü̃gutáma nüxü̃ charüngü̃xẽxẽxü̃ rü chorü poramaxã tá chanaporaxẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:10

Rü ngẽmaca̱x rü name i poraãcü cuxuãxẽ erü nüma ya Cori rü cuxü̃ naxuneta nax cuma cunaxüxü̃ca̱x ya yima napata ya üünene. ¡Rü ẽcü pora naxü, rü naxü i ngẽma nüma cuxü̃ namuxü̃! —ñanagürü ga Dabí.

Ore i mexü̃ ga Matéu ümatüxü̃ 16:18

Rü choma cumaxã nüxü̃ chixu rü cuma rü Pedru quixĩ. Rü ngẽma cuéga rü “nuta”, ñaxü̃chiga nixĩ. Rü cuma tá nixĩ i chorü duü̃xü̃gümaxã icucuáxü̃. Rü ngẽma yuarü pora rü taxũtáma nüxü̃ narüyexera i ngẽma chorü duü̃xü̃gü.

2 Chamué 7:27

Cumax, Pa Cori ya Guxãétüwa Ngẽxmaxex, rü marü choxü̃ nüxü̃ cucua̱xẽxẽ rü tá nüxna cudau i chautaagü nax guxü̃gutáma Iraétanüxü̃arü ãẽ̱xgacügü yixĩgüxü̃ca̱x. Rü ngẽmaca̱x i choma nax curü duü̃xü̃mare chixĩxü̃ rü chaugü ícharüpora nax cupe̱xewa curü ngü̃xẽẽca̱x íchaca̱xaxü̃.

Nüxíraxü̃xü̃ ga popera ga ãẽ̱xgacügüchiga 2:4

Rü ngẽxguma ngẽmaãcü cunaxüxgux rü Tupana rü tá cuwa nayanguxẽxẽ ga yema uneta ga chomaxã nüxü̃ yaxuxü̃ ga yexguma ñaxgu choxü̃: “Rü ngẽxguma chi yimá cune rü cutaagü rü mea chauga naxĩnüegu rü aixcüma cha̱u̱xca̱x namaxẽgu rü tama choxna yaxĩgachixgu, rü guxü̃gutáma natanüwa tá nixĩ i Iraéanecüã̱xgüarü ãẽ̱xgacü ne naxũxü̃, rü tagutáma nataxu nax wüxi i cutaxa i Iraéanecüã̱xgüarü ãẽ̱xgacü yixĩxü̃”, ñanagürü choxü̃.

Nüxíraxü̃xü̃ ga popera ga ãẽ̱xgacügüchiga 2:24

Rü Tupana ya ãẽ̱xgacüwa choxü̃ nguxẽẽcü rü choxna naxãcü i chaunatü i Dabíarü tochicaxü̃, rü chomaxã nanaxuegu nax ngẽma chaune rü chautaagü rü ãẽ̱xgacü tá yaxĩgüxü̃ i chowena. Rü ngẽmaca̱x Cori ya Tupanaégagu chanaxuegu rü ñaa tátama i ngunexü̃gu nayu i Adonía —ñanagürü.

Nüxíraxü̃xü̃ ga popera ga ãẽ̱xgacügüchiga 2:45

Natürü nüma ya Tupana rü tá choxü̃ narüngü̃xẽxẽ nax nape̱xewa guxü̃gutáma ãẽ̱xgacü yixĩgüxü̃ca̱x i ngẽma nataagü ya chaunatü —ñanagürü ga Charomóü̃.

Nüxíraxü̃xü̃ ga popera ga ãẽ̱xgacügüchiga 8:13

Natürü i ñu̱xmax rü cuxca̱x chanaxü ya wüxi ya cupata ya taxü̃ne nax guxü̃guma ngéma cumaxü̃xü̃ca̱x —ñanagürü.

Nüxíraxü̃xü̃ ga popera ga ãẽ̱xgacügüchiga 8:15

Rü ñanagürü: —Namecümaxüchi ya Cori ya Iraétanüxü̃arü Tupana erü nayanguxẽxẽ ga yema uneta ga chaunatü ga Dabímaxã nüxü̃ yaxuxü̃ ga yexguma ñaxgu nüxü̃:

Norü taxre ga popera ga ãẽ̱xgacügüchiga 21:4

Rü guma Tupanapata ga taxü̃nechiãwa rü nayaxüagü ga ãmaregüarü guruxü̃ naxca̱x ga tupananetachicüna̱xãgü woo nüma ga Tupana rü nüxü̃ nixu nax naxca̱xicatama yixĩxü̃ ga guma napata ga Yerucharéü̃wa.

Norü taxre ga to ga popera ga ãẽ̱xgacügüchiga ümatüxü̃ 33:4

Rü Cori ya Tupanapata ga taxü̃negu ínanaxüxü̃ ga tupananetagüarü ãmarearü guruü̃gü woo nüma ga Cori rü ñanagürü: —Daa chopata ya Yerucharéü̃wa ngẽxmane rü guxü̃gutáma choxrütama nixĩ —ñanagürü.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

2 Chamué 22:51

Cuma rü guxü̃guma cunaporamaexẽxẽ ya yimá ãẽ̱xgacü ya cuma nüxü̃ cuxunetacü. Rü cuma rü guxü̃guma nüxü̃ cungechaü̃ ya Dabí rü nataagü —ñanagürü ga Dabí ga norü wiyaewa.

Norü taxre ga popera ga ãẽ̱xgacügüchiga 8:19

Natürü nüma ga Cori ya Tupana rü tama Yudáaneca̱x chixexü̃ ínanguxẽẽchaü̃ yerü Dabíxü̃ nangechaü̃ rü namaxã nanaxuegu nax ngẽma natanüxü̃tanüwa rü tá ãẽ̱xgacüwa nanguxü̃.

Norü taxre ga popera ga ãẽ̱xgacügüchiga 21:7

Rü Cori ya Tupanapata ga taxü̃negu nayaxǘ ga wüxi ga Acheráchicüna̱xã ga nainaxca̱x. Rü yemaca̱x nixĩ ga Cori ya Tupana rü marü Dabímaxã rü nane ga Charomóü̃maxã nüxü̃ yaxuxü̃ rü ñanagürü: —Choma rü guxü̃nema ga Iraégüarü ĩanegütanüwa nüxü̃ chaxuneta ga Yerucharéü̃ nax nawa nangẽxmaxü̃ca̱x ya chopata. Rü yima chopata ya taxü̃newa tá guxü̃gutáma changexma.

Norü taxre ga to ga popera ga ãẽ̱xgacügüchiga ümatüxü̃ 6:16

Rü ngẽmaca̱x, Pa Corix, Pa Iraétanüxü̃arü Tupanax, rü ¡yanguxẽxẽ ga yema uneta ga chaunatü ga curü duü̃ ga Dabímaxã nüxü̃ quixuxü̃ ga yexguma ñacugu nüxü̃: “Rü cutaagü tá nixĩ i guxü̃gutáma ãẽ̱xgacügü ixĩgüxü̃ i Iraéanewa ega cuxrüxü̃ mea nagu namaxẽgu i chorü mugü”, ñacugu!

Yox 36:7

Rü guxü̃guma tüxna nadau ya yíxema mexü̃arü üruü̃gü. Rü ñu̱xũchi ãẽ̱xgacügüxü̃ narüngü̃xẽxẽ nax guxü̃guma duü̃xü̃gümaxã inacuáxü̃ca̱x.

Wiyaegü 72:17

Rü chanaxwa̱xe i duü̃xü̃gü guxü̃guma nüxna nacua̱xãchie i naéga ya ãẽ̱xgacü. Rü name nixĩ i duü̃xü̃gü guxü̃guma mea nachiga yadexagüxü̃ ñoma üa̱xcü guxü̃guma ibáxixü̃rüxü̃. Rü name nixĩ nax guxü̃ma i duxü̃xü̃gü mexü̃ namaxã uegugüxü̃ rü ngẽmaãcü guxü̃ma i nachixü̃anecüã̱xgü nüxü̃ icua̱xüü̃güxü̃.

Ichaía 9:6

Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.

Yeremía 33:17

Rü choma ya Cori ya Tupana rü ñachagürü: “Tagutáma nataxu nax wüxi i nataxa ya Dabí nax ãẽ̱xgacü tá yixĩxü̃ i Iraéchixü̃anewa.

Echequié 37:25

Rü nümagü rü nawa tá namaxẽ i ngẽma nachixü̃ane ga norü o̱xigü nawa maxẽxü̃ ga chorü duü̃ ga Acóbuna chaxãxü̃. Rü ngéma tá nixĩ i guxü̃gutáma nangẽxmagüxü̃ i nümagü, rü naxacügü, rü guxü̃ma i nataagü. Rü yimá chorü duü̃ ya Dabítaxa tá nixĩ ya guxü̃gutáma norü ãẽ̱xgacü ixĩcü.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Chacaría 6:12

Rü Yochuémaxã nüxü̃ ixu rü ñacurügü nüxü̃: “Tupana ya Guxãétüwa Ngẽxmacü rü ñanagürü cuxü̃: ‘Choma rü tá nua nüxü̃ chaxuneta i wüxi i yatü nax wena naxüaxü̃ca̱x ya chopata ya taxü̃ne. Rü naéga i ngẽma yatü rü Wena Namexẽẽcü, tá nixĩ. Rü nüma rü tá ãẽ̱xgacü nixĩ rü nagu tá nicu̱x i ãẽ̱xgacüchiru. Rü norü tochicaxü̃wa tá narüto rü ngéma tá duü̃xü̃gümaxã inacua̱x. Rü nacüwawa tá narüto i wüxi i chacherdóte. Rü ngẽma taxre rü tá nügüga naxĩnüe rü tá nügümaxã nataãẽgü’ ” —ñacurügü nüxü̃.