Biblia Todo Logo
Bib sou entènèt

- Piblisite -




2 Chamué 7:12 - Tupanaarü Ore

12 Erü ngẽxguma cuma tá cuyu̱xgu, rü wüxi ya cune tá chanamu nax Iraéanecüã̱xgüarü ãẽ̱xgacü yixĩxü̃ca̱x. Rü ngẽma ãẽ̱xgacü rü tá napora erü chomatátama chanaporaxẽxẽ.

Gade chapit la Kopi




2 Chamué 7:12
36 Referans Kwoze  

Natürü nüma ga Dabí rü wüxi ga Tupanaarü orearü uruxü̃ nixĩ. Rü yemaca̱x nüxü̃ nacua̱x rü wüxi ga nataxa tá nixĩ i ãẽ̱xgacü ya Cristuxü̃ ingucuchicü, yerü ga Tupana rü yemaacü namaxã inaxuneta.


Rü nüma ya Cori ya Tupana rü nayanguxẽxẽ i ngẽma norü uneta. Rü yema nüxü̃ yaxuxü̃rüxü̃ rü ñu̱xmax rü chaunatü ga Dabíchicüxü Iraétanüxü̃arü ãẽ̱xgacü chixĩ rü namaxã ichacua̱x. Rü ñu̱xmax, rü chanaxü ya wüxi ya napata ya taxü̃ne naxca̱x ya tórü Cori ya Iraétanüxü̃arü Tupana.


Rü yexguma marü naturagu ga Dabí ga nax nayuxü̃, rü nane ga Charomóü̃xü̃ naxuxcu̱xẽ rü ñanagürü:


Rü yexguma namaxü̃xgu ga Dabí, rü nüxü̃ narüngü̃xẽxẽ ga norü duü̃xü̃gü, yexgumarüxü̃ ga Tupana namuxü̃. Natürü nayu, rü nanatüxü̃tagu rü naéxü̃tagu nata̱x ga naxü̃ne, rü niyixi.


Rü ngẽxguma marü cuyu̱xguwena, rü choma rü tá nüxü̃ chaxuneta i wüxi i cune nax nüxí ãẽ̱xgacü yixĩxü̃ca̱x.


Rü yexguma ga Cori ya Tupana rü Moichémaxã nidexa rü ñanagürü: —Marü paxa tá cuyu, rü ñaa chorü duü̃xü̃gü i Iraétanüxü̃ rü paxa tá nawe narüxĩ i ngẽma tupananetagü i ngẽma naane i tá peyaxuxü̃wa ngẽxmagüxü̃. Rü ngẽxguma rü tá choxna nixĩgachitanü, rü ngẽmaãcü tá nagu narüchixe i ngẽma uneta i namaxã chaxüxü̃.


Rü yixema nax yaxõgüxü̃ nax Ngechuchu nayuxü̃ rü wena namaxü̃xü̃, rü ngẽxgumarüxü̃ ta tayaxõgü nax Tupana tá wüxigu Ngechuchumaxã ínadagüxẽxẽxü̃ i guxü̃ma i ngẽma nüxü̃́ yaxõgüãcüma yuexü̃.


Natürü chanaxwa̱xe nax nüxü̃ pecuáxü̃ i Tupanaarü ĩnü i ẽxü̃guxü̃ ga noxri nüxicatama nüxü̃ nacuáxü̃. Rü dücax, taxũtáma guxã tayue, natürü guxãxü̃ne rü tá naxüchicüü.


Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü tá wüxi i cua̱xruxü̃ nixĩ naxca̱x i guxü̃ma i duü̃xü̃gü. Rü guxü̃ i nachixü̃anegücüã̱x rü tá naxca̱x nayadaugü rü naxca̱x nangutaque̱xegü. Rü ngẽma nachica i nawa nangẽxmaxü̃ rü tá naxüüne.


Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.


Erü ngẽxguma taxúxexü̃tama cuxunetagu naxü̃pa nax cuyuxü̃, Pa Ãẽ̱xgacüx, rü chaune i Charomóü̃ rü ñu̱xũchi i choma rü Adonía rü tá toxü̃ nadai —ngĩgürügü ga Bechabé.


Rü guxü̃ma i marü yuexü̃ rü tá ínarüdagü. Rü nümaxü̃ rü maxü̃ i taguma gúxü̃ca̱x tá ínarüdagü, rü togü rü ãneca̱x rü poxcuca̱x tá ínarüdagü.


Rü ngẽma nataagü rü nachicüxü guxü̃gutáma nüxí Iraéanecüã̱xgüarü ãẽ̱xgacügü nixĩgü ñu̱xmatáta nagu i naane.


Natürü nüma ga Tupana rü nanangãxü̃ rü ñanagürü: —Ngẽma tá cuwena nayaxuxü̃ i curü ngẽmaxü̃gü rü cunexüchi tá nixĩ rü tama wüxi i duü̃xü̃ i to i nachixü̃anecüã̱x ixĩxü̃ —ñanagürü.


Ñaa nixĩ ga yema nũxcümaü̃güxü̃ ga duü̃xü̃gü ga Ngechuchu ya Cristu natanüwa ngóxü̃. Rü yematanüwa rü Dabí nixĩ ga wüxi, rü Abraáü̃ nixĩ ga to.


Rü nüma rü wüxi ya ãẽ̱xgacü ya tachigacü tá nixĩ. Rü Tupana ya Guxü̃étüwa Ngẽxmacü Nane tá nixĩ i naéga. Rü Cori ya Tupana rü tá norü o̱xi ga Dabírüxü̃ ãẽ̱xgacüxü̃ nayaxĩxẽxẽ.


Rü yexguma inanaxügü ga namaxã nax nango̱xẽẽãxü̃ ga guxü̃ma ga Tupanaarü ore ga nachiga ümatüxü̃. Rü yema Tupanaarü ore ga Moiché ümatüxü̃maxã inanaxügü. Rü ñu̱xũchi namaxã nüxü̃ nixu ga guxü̃ma ga yema Tupanaarü ore ga nũxcümaü̃güxü̃ ga Tupanaarü orearü uruü̃gü ümatügüxü̃.


Rü ñanagürü: “¡Namecümaxüchi ya Cori ya Iraéanearü Tupana ya ñu̱xma naxwa̱xecü nax wüxi i chaune chorü tochicaxü̃wa rütoxü̃ nax chauchicüxü ãẽ̱xgacü yixĩxü̃ca̱x, rü ñu̱xma chamaxyanetama rü nüxü̃ chadau yema chomaxã nüxü̃ yaxuxü̃rüxü̃”, ñanagürü ga Dabí —ñanagürü ga Yonatáü̃.


Rü ngẽxguma ngẽmaãcü cunaxüxgux rü Tupana rü tá cuwa nayanguxẽxẽ ga yema uneta ga chomaxã nüxü̃ yaxuxü̃ ga yexguma ñaxgu choxü̃: “Rü ngẽxguma chi yimá cune rü cutaagü rü mea chauga naxĩnüegu rü aixcüma cha̱u̱xca̱x namaxẽgu rü tama choxna yaxĩgachixgu, rü guxü̃gutáma natanüwa tá nixĩ i Iraéanecüã̱xgüarü ãẽ̱xgacü ne naxũxü̃, rü tagutáma nataxu nax wüxi i cutaxa i Iraéanecüã̱xgüarü ãẽ̱xgacü yixĩxü̃”, ñanagürü choxü̃.


Rü ngẽmaca̱x nagu charüxĩnü nax chorü Tupanaca̱x chanaxüxü̃ ya wüxi ya napata ya taxü̃ne yema chaunatümaxã inaxunetaxü̃rüxü̃ nax choma tá yixĩxü̃ i naxca̱x chanaxüxü̃. Yerü Tupana rü ñanagürü tüxü̃ ga chaunatü: “Rü yimá cune ya cuchicüxü cuchicawa charütoxẽẽcü, rü yimá tá nixĩ ya naxücü ya chopata ya taxü̃ne”, ñanagürü tüxü̃.


Rü ñanagürü: —Namecümaxüchi ya Cori ya Iraétanüxü̃arü Tupana erü nayanguxẽxẽ ga yema uneta ga chaunatü ga Dabímaxã nüxü̃ yaxuxü̃ ga yexguma ñaxgu nüxü̃:


Natürü taxũtáma cuma cunaxü, rü wüxi i cune tá nixĩ i naxüxü̃”, ñanagürü nüxü̃ ga Cori ya Tupana.


Natürü nüma ga Cori ya Tupana rü tama Yudáaneca̱x chixexü̃ ínanguxẽẽchaü̃ yerü Dabíxü̃ nangechaü̃ rü namaxã nanaxuegu nax ngẽma natanüxü̃tanüwa rü tá ãẽ̱xgacüwa nanguxü̃.


Rü ñu̱xmax, Pa Cori Pa Tupanax ¡ẽcü yanguxẽxẽ ga yema chaunatü ga Dabímaxã nüxü̃ quixuxü̃ rü tá nüxü̃ curüngü̃xẽxẽ i nanegü rü nataagü! Erü ñu̱xma rü marü ãẽ̱xgacüxü̃ choxü̃ cuxuneta natanüwa i ngẽma muxũchixü̃ i curü duü̃xü̃gü i ñoma naxnecüte̱xerüxü̃ imuxü̃.


¿Rü tama ẽ̱xna nüxü̃ pecua̱x nax Cori ya Iraétanüxü̃arü Tupana rü Dabímaxã rü nataagümaxã naxueguãxü̃ nax nüma tá guxü̃guma Iraéanearü ãẽ̱xgacügü yixĩgüxü̃ca̱x?


Natürü nüma ga Cori ya Tupana rü tama inayanaxoxẽẽchaü̃ nax Dabítanüxü̃ rü Iraétanüxü̃arü ãẽ̱xgacügü yixĩgüxü̃. Yerü nüma ga Tupana rü marü Dabímaxã inaxuneta nax guxü̃gutáma Dabítaagü yixĩxü̃ i Iraétanüxü̃arü ãẽ̱xgacügü. Rü yexgumarüxü̃ ta Dabí nanegümaxã inaxuneta nax guxü̃gutáma nangẽxmaxü̃ i nataagü i ãẽ̱xgacüwa nguxü̃.


Rü guxü̃ma ga yema Yerucharéü̃gu ngutaque̱xexü̃ rü ãẽ̱xgacü ga Yoámaxã wüxi ga uneta naxügü ga Tupanapata ga taxü̃newa. Rü yexguma ga nüma ga Yoiadá rü ñanagürü nüxü̃: —Dücax, daa nixĩ ya nane ga tórü ãẽ̱xgacü ya Ocochía. Rü ñu̱xmax rü daa nane tá nixĩ ya tórü ãẽ̱xgacü ixĩcü, yerü nüma ya Tupana rü Dabímaxã nanaxuegu nax ngẽma nataagü rü tá ãẽ̱xgacü yaxĩgüxü̃.


Cuma rü guxü̃guma cunaporamaexẽxẽ ya yimá ãẽ̱xgacü ya cuma nüxü̃ cuxunetacü. Rü cuma rü guxü̃guma nüxü̃ cungechaü̃ ya Dabí rü nataagü —ñanagürü ga Dabí ga norü wiyaewa.


Rü nüma ga Dabí rü nayu. Rü norü o̱xigütanügu nayata̱xgü nagu ga yema Yerucharéü̃arü üyechigü ga Dabíarü Ĩanegu ãégaxü̃.


Natürü taxũtáma cuma nixĩ i cunaxüxü̃. Rü yimá cune ya tá cuxü̃́ ngẽxmacü tá nixĩ ya naxücü ya yima chopata ya taxü̃ne”, ñanagürü ga Tupana.


Rü cuma rü cuyanguxẽxẽ ga curü uneta ga chaunatü ga Dabímaxã nüxü̃ quixuxü̃ ga daa cupatachiga. Rü ñoma i ngunexü̃gu rü aixcümaxü̃chima nango̱x ga yema nüxü̃ quixuxü̃.


Rü choma ya Cori ya Tupana rü ñachagürü: “Tagutáma nataxu nax wüxi i nataxa ya Dabí nax ãẽ̱xgacü tá yixĩxü̃ i Iraéchixü̃anewa.


Swiv nou:

Piblisite


Piblisite