2 Chamué 7:10 - Tupanaarü Ore

^10-11 Rü ñu̱xũchi wüxi ga naane naxca̱x chamexẽxẽ ga yema chorü duü̃xü̃gü i Iraétanüxü̃. Rü yéma chanangugüxẽxẽ nax noxrütama naanewa namaxẽxü̃ca̱x i ngextá taxúema nachixeãẽgüxü̃wa rü woo chixexü̃ i duü̃xü̃gü tama nagu idauxcüraxü̃güxü̃wa ga noxrirüxü̃ ga yexguma nüxü̃ chaxunetagu ga ãẽ̱xgacügü ga guxchaxü̃arü mexẽẽruü̃gü. Rü tá cumaxã ichanangüxmüexẽxẽ i guxü̃ma i ngẽma curü uanügü nax tama cuxoegaãẽxü̃ca̱x. Rü tá cuxü̃́ nangẽxma i cutaagü.

2 Chamué 7:10 Referans Kwoze

Amúx 9:15

Rü norü naanewa tá chanangexmagüxẽxẽ i ngẽma Iraétanüxü̃, rü tagutáma texé nawa ítanawoxü̃ i ngẽma norü naane i choma nüxna chaxãxü̃. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:9

Rü chorü duü̃xü̃gü i Iraétanüxü̃ca̱x chanamexẽxẽ ga wüxi ga naane. Rü yemawa nixĩ ga chanangugüxẽẽxü̃ nax norü naanegutama naxãchiü̃güxü̃ca̱x i ngextá taxúema ínachixewexü̃wa rü bai i ngẽma norü uanügü ga noxri chixri namaxã icua̱xgüxü̃.

Yeremía 24:6

Rü ngẽma naanewa rü nüxna tá chadau rü ñaa nachixü̃aneca̱x tá chanawoeguxẽxẽ. Rü nua tá nüxü̃ charüngü̃xẽxẽxü̃ rü tagutáma wena chanadai. Rü ñoma wüxi i nanetü itoxü̃rüxü̃ nua tá chanangexmagüxẽxẽ rü tagutáma wena íchanawoxü̃.

Ichaía 60:18

Rü ngẽma perü naanewa rü marü tagutáma máetachigaxü̃ rü chixexü̃chigaxü̃ pexĩnüe rü ngẽma perü naane rü marü tagutáma texé tanachixexẽxẽ. Rü ngẽma Yerucharéü̃arü poxeguxü̃tápü̱x rü “Nguxü̃xẽxẽruxü̃”, tá nixĩ i naéga. Rü ngẽma norü ĩã̱xgü rü “Cua̱xüxü̃”, tá nixĩ i naéga.

Echequié 28:24

Rü ngẽxguma i ngẽma Iraétanüxü̃ rü marü taxũtáma wena ngúxü̃ ningegü nagagu i ngẽma nachixü̃anegü i nüxna ngaicamagüxü. Rü nümagü rü taxũtáma naxchi naxaie. Rü ngẽmaãcü tá nüxü̃ quicua̱xãchi nax choma yixĩxü̃ ya Cori ya Tupana.

Wiyaegü 80:8

Rü Equítuanewa toxü̃ ícugaxü̃ ñoma wüxi i úba i ngexwaca rüxüxü̃ i to i naanewa ngexü̃ rü ngẽxma yatoxü̃rüxü̃. Rü toxca̱x ícunawoxü̃ ga yema duü̃xü̃gü ga tama cuxü̃́ yaxõgüxü̃ nax yema nachica ga nawa ícunawoxü̃xü̃gu toxü̃ cumugüxü̃ca̱x.

Yeremía 18:9

Rü ngẽxgumarüxü̃ ta ega choma chanaxwa̱xegu rü choxü̃́ natauxcha nax chanaporaxẽẽxü̃ rü chanataxẽẽxü̃ i wüxi i nachixü̃ane.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:4

Rü nüma tá ínanapi i naxgüü̃xẽtü i guxü̃ma i ngẽma duü̃xü̃gü. Rü marü taxũtáma texé tayu, rü taxũtáma texé tümaarü ngechaü̃maxã taxaxu, rü taxũtáma texé ngúxü̃ tingegü. Erü guxü̃ma ga yema noxri yexmaxü̃ rü marü inayarüxo”, ñanagürü.

Ochéa 2:18

Rü ngẽma ngunexü̃gügu rü ngẽma Iraéanecüã̱xgüxü̃ tá charüngü̃xẽxẽxü̃. Rü ngẽma naeü̃gü i düraexü̃, rü werigü, rü ãxtapegü rü tá ichanangüxmüexẽxẽ nax tama ngẽma duü̃xü̃güxü̃ nachixeãẽgüxü̃ca̱x. Rü tá ichanaxoxẽxẽ ya würagü rü taragü. Rü ngẽma norü uanügü rü tá ichanangüxmüexẽxẽ nax tama wena naxca̱x íyaxü̃ãchixü̃ca̱x, rü ngẽmaãcü i chorü duü̃xü̃gü rü nataãẽgüxü̃ca̱x.

Ínachoxü̃xü̃chiga 15:17

Pa Chorü Tupanax, ¡nawa toxü̃ nagagü ya yima ma̱xpǘne ya üünene nax ngéma tangexmagüxü̃ca̱x rü ngẽma naane i cumatama nüxü̃ cuxunetaxü̃ nax ngẽmawa tamaxẽxü̃ca̱x, rü nawa ya yima cupata ya cumatama cuxüxü̃ne!

Ichaía 5:7

Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.

Ichaía 5:2

Rü nanaxaiegumüane rü inananugü ga nutagü rü yema rümemaexü̃ ga úba yexma natogü. Rü yemanecügu nanaxü ga wüxi ga dauxü̃taechica rü wüxi ga nachica ga bínu nawa naxüxü̃. Rü nüma ga chomücü rü nagu narüxĩnü nax yema úba rü chi yamaixcuraxü̃ ga norü o, natürü ga yema úbagü rü ningúchia̱x ga norü o.

Wiyaegü 44:4

Pa Chorü Ãẽ̱xgacü, Pa Chorü Tupanax, chanaxwa̱xe icunaporamaexẽẽxü̃ i curü duü̃xü̃gü.

Ãẽ̱xgacügü ga guxchaxü̃güarü mexẽxẽruü̃gü 4:3

Rü nüma ga Yabíü̃ rü nüxü̃́ nayexma ga 900 ga daiwexü̃ ga fierunaxca̱x ga cowaru itúgüne. Rü 20 ga taunecü poraãcü chixri Iraétanüxü̃maxã inacua̱x. Rü yemaca̱x ga yema Iraétanüxü̃ rü düxwa Cori ya Tupanaarü ngü̃xẽẽca̱x ínacagüe.

1 Chamué 13:17

Natürü yema Firitéugüarü churaragütanüwa rü ínachoxü̃ ga tomaepü̱xchimü ga churaragü. Rü wüxichimüü̃ rü Chuáanewa yexmane ga ĩane ga Ofáwaama naxĩ.

Ínachoxü̃xü̃chiga 1:22

Rü yemaca̱x ga nüma ga Faraóü̃ rü norü duü̃xü̃güxü̃ namu nax taxtü ga Níruwa tüxü̃ nawoü̃xü̃ca̱x ga guxema Iraétanüxü̃arü õxchanagü ga iyatüxe. Natürü ga guxema i ngexe ga õxchanagü rü tama tüxü̃ nadai.

Norü taxre ga popera ga ãẽ̱xgacügüchiga 21:8

Rü ngẽxguma ngẽma Iraétanüxü̃ yanguxẽẽgüãgu rü nagu namaxẽgu i guxü̃ma i chorü mugü rü ngu̱xẽẽtaegü ga chorü duü̃ ga Moichémaxã nüxü̃ chixuxü̃, rü choma rü tagutáma wena íchanawoxü̃ nawa i ngẽma naane ga norü o̱xigüna chaxãxü̃ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 33:8

Rü ngẽxguma chorü duü̃xü̃gü i Iraétanüxü̃ rü yanguxẽẽgüãgu, rü nagu namaxẽgu i chorü mugü rü ngu̱xẽẽtaegü ga Moichéna chaxãxü̃, rü taxũtáma íchanawoxü̃ nawa i ngẽma naane ga norü o̱xigüna chaxãxü̃ —ñanagürü.

Wiyaegü 44:2

Rü cumatama nixĩ ga ñaa naanewa ícuwoxü̃xü̃ ga yema duü̃xü̃gü ga tama cuxü̃́ yaxõgüxü̃. Rü cunadai ga yema duü̃xü̃gü nax nachicüxü ñaa naanegu cuxãchiü̃güxẽẽxü̃ca̱x ga torü o̱xigü.

Wiyaegü 80:9

Rü cunamexẽxẽ ga yema naane naxca̱x ga yema úba. Rü yema úba rü mea narüxü rü naxãxchuma̱xã rü guxü̃wama ga yema nachixü̃anewa rü nimu.

Ichaía 60:21

Rü guxü̃ma i ngẽma Yerucharéü̃wa maxẽxü̃ rü duü̃xü̃gü i aixcüma mexü̃gu rüxĩnüexü̃ tá nixĩgü. Rü guxü̃gutáma nachixü̃anearü yora tá nixĩgü. Rü ngẽma duü̃xü̃gü rü ñoma wüxi i nanetü i chomatama ichatoxü̃rüxü̃ tá nixĩgü rü ngẽmatanüwa tá nango̱x i chorü pora.