2 Chamué 6:10 - Tupanaarü Ore

¹⁰ Rü yemaca̱x tama guma Dabíarü Ĩanewa nayangéxchaü̃ ga yema baú ga Cori ya Tupanaarü mugüchixü̃. Rü norü duü̃xü̃güxü̃ namu nax Obéx-edóü̃patawa nangegüãxü̃ca̱x. Rü nüma ga Obéx-edóü̃ rü wüxi ga yatü ga Gáxcüã̱x nixĩ.

2 Chamué 6:10 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:5

Rü Achá nixĩ ga namaxã icuáxü̃ ga yema Lebítanüxü̃ ga Dabí nüxü̃ unetaxü̃. Rü Acháweama naxü ga Chacaría, rü Chacaríaweama naxügü ga Yeié, rü Chemiramóx, rü Yexié, rü Matatía, rü Eriá, rü Benaía, rü Obéx-edóü̃ rü Yeié. Rü wüxichigü rü nüxü̃́ nayexma ga norü paxetaruxü̃ ga árpa ga ixíxraxü̃ rü árpa ga ítáxü̃ ga napaxgüxü̃. Rü Acháx nixĩ ga platiyuarü paxruxü̃ ixĩxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:18

Rü yexgumarüxü̃ ta nüxü̃ naxunetagü ga Lebítanüxü̃ ga yema tomaepü̱x ga paxetatanüxü̃arü ngü̃xẽẽruü̃gü. Rü yemagü nixĩ ga Chacaría, rü Yaachié, rü Chemiramóx, rü Yeié, rü Uní, rü Eriá, rü Benaía, rü Maachía, rü Matatía, rü Eriferéu rü Meneía. Rü nüxü̃ naxunetagü ta ga yema Tupanapataarü ĩã̱xarü dauruü̃gü ga Obéx-edóü̃ rü Yeié.

2 Chamué 18:2

Rü yemawena rü tomaepü̱xtücumügu nayayauxye ga norü churaragü. Rü wüxitücumümaxã inacua̱x ga Yoá. Rü totücumümaxã inacua̱x ga Abichái ga Cheruiá nane ga Yoáenexẽ ixĩcü. Rü yema totücumümaxã inacua̱x ga Itái ga ĩane ga Gáxcüã̱x ixĩcü. Rü ñu̱xũchi ga nüma ga Dabí rü guxü̃ma ga yema norü churaragüxü̃ ñanagürü: —Choma rü tá ta pexü̃ íchixümücü i daiwa —ñanagürü.

2 Chamué 15:19

Rü nüma ga ãẽ̱xgacü ga Dabí rü Itái ga Gáxcüã̱xü̃ ñanagürü: —¿Tü̱xcüü̃ towe curüxũ i cuma? Rü name nixĩ i cutaegu rü ngẽma ngexwaca̱xü̃xü̃ i ãẽ̱xgacümaxã cungexma. Erü cumax rü to i nachixü̃anecüã̱x quixĩ rü cuchixü̃anewa cuxü̃ ínata̱xüchigü.

2 Chamué 5:7

Natürü nüma ga Dabí rü norü churaragümaxã nagu naxĩgüama ga guma ma̱xpǘne ga Chióü̃ ga yema ĩanecüã̱xarü churaragü nagu ãchiü̃güne rü nüxna nayapu. Rü ngẽmaca̱x nixĩ i ñu̱xma i Dabíarü Ĩane ñaãcü naxugüãxü̃.

2 Chamué 5:9

Rü yemawena ga Dabí rü guma ma̱xpǘne ga Chióü̃wa ngẽxmane ga ĩanegu nanaxü ga napata nax yéma norü churaragümaxã nayexmaxü̃ca̱x. Rü guma ĩane rü Dabíarü Ĩanegu nanaxüéga. Rü nanaxütapü̱xgü ga guxü̃wama. Rü yema toxṍõneacü ínamexẽẽgüãxü̃wa inaxügü ga naxtapü̱x, rü ĩanewaama nanadaxẽxẽ rü ñu̱xmata ãẽ̱xgacüpatawa nangu.