2 Chamué 5:9 - Tupanaarü Ore

⁹ Rü yemawena ga Dabí rü guma ma̱xpǘne ga Chióü̃wa ngẽxmane ga ĩanegu nanaxü ga napata nax yéma norü churaragümaxã nayexmaxü̃ca̱x. Rü guma ĩane rü Dabíarü Ĩanegu nanaxüéga. Rü nanaxütapü̱xgü ga guxü̃wama. Rü yema toxṍõneacü ínamexẽẽgüãxü̃wa inaxügü ga naxtapü̱x, rü ĩanewaama nanadaxẽxẽ rü ñu̱xmata ãẽ̱xgacüpatawa nangu.

2 Chamué 5:9 Referans Kwoze

Nüxíraxü̃xü̃ ga popera ga ãẽ̱xgacügüchiga 9:24

Rü Faraóü̃xacü rü ixũxũ ga Dabíarü Ĩanewa, rü ĩpata ga Charomóü̃ ngĩxca̱x üxü̃newa ixũ. Rü nüma ga Charomóü̃ rü yéma toxṍõneacü nanamexẽẽane.

Nüxíraxü̃xü̃ ga popera ga ãẽ̱xgacügüchiga 9:15

Rü ñaa nixĩ ga yema puracügü ga ãẽ̱xgacü ga Charomóü̃ duü̃xü̃güxü̃ üxẽẽxü̃. Rü wüxi nixĩ ga Tupanapata ga taxü̃nearü ü, rü to nixĩ ga napataarü ü, rü waixü̃müarü mexẽẽane, rü ĩane ga Yerucharéü̃arü poxeguxü̃tapü̱xarü ü. Rü ñu̱xũchi nanamu nax yamexẽẽgüãxü̃ ga ĩanegü ga Achóx, rü Meguídu, rü Guéche.

Norü taxre ga to ga popera ga ãẽ̱xgacügüchiga ümatüxü̃ 32:5

Rü yemawena ga nüma ga Echequía rü pora naxü rü duü̃xü̃güxü̃ namu nax namexẽẽgüãxü̃ca̱x ga guma ĩanearü poxeguxü̃. Rü ñu̱xũchi naétügu nanaxügü ga daxũtaechicagü. Rü düxétüwaama rü nanaxü ga to ga norü poxeguxü̃. Rü ñu̱xũchi guma Dabíarü Ĩanearü éstewaama yexmaxü̃ rü waixü̃müarü günagüxü̃maxã ínanapoxegu. Rü nanaxü ga muxü̃ma ga naxnegü ga wocaegü rü poxü̃ruü̃gü.

Nüxíraxü̃xü̃ ga popera ga ãẽ̱xgacügüchiga 11:27

Rü yema Charomóü̃maxã naxca̱x narüxuanüãxü̃ ga Yeruboáü̃. Rü nüma ga Charomóü̃ rü ĩane ga Yerucharéü̃wa nanamexẽẽane rü nanamexẽẽtapü̱x ga norü poxeguxü̃ ga nanatü ga Dabíarü Ĩanewa.

2 Chamué 5:7

Natürü nüma ga Dabí rü norü churaragümaxã nagu naxĩgüama ga guma ma̱xpǘne ga Chióü̃ ga yema ĩanecüã̱xarü churaragü nagu ãchiü̃güne rü nüxna nayapu. Rü ngẽmaca̱x nixĩ i ñu̱xma i Dabíarü Ĩane ñaãcü naxugüãxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:8

Rü nüma ga Dabí rü nayaxüama ga guma ĩane nacüwawa ga yema dauxü̃taechica. Rü yoxni ga Yoá rü nayamexẽxẽ ga guma náigü ga Yerucharéü̃arü ĩgü ga nagu ínapogüexü̃wa.

Ãẽ̱xgacügü ga guxchaxü̃güarü mexẽxẽruü̃gü 9:20

Natürü ñu̱xma nax tama chaunatü ya Yedeóü̃maxã rü natanüxü̃maxã pemecümagüxü̃, rü pemaxã chanaxuegu rü Abimeréxwa tá üxü niyauxra, rü yima üxü tá nanadai i guxü̃ma i pemax i Chiquéü̃cüã̱xgü rü Bex-milócüã̱xgü. Rü ngẽxgumarüxü̃ ta i pemax rü pewa tá ínaxũxũ i üxüema i tá yamáxü̃ i Abimeréx —ñanagürü.

Ãẽ̱xgacügü ga guxchaxü̃güarü mexẽxẽruü̃gü 9:6

Rü yemawena rü guxü̃ma ga Chiquéü̃cüã̱x rü nangutaque̱xe naxü̃tagu ga gumá castaña ga nuta ya üünecü íyemaxü̃wa ga Chiquéü̃wa. Rü Abimeréxü̃ nimucuchigü norü ãẽ̱xgacüxü̃.

2 Chamué 5:8

Rü yexguma Dabí nüxü̃ ĩnügu ga yema Yebuchéutanüxü̃ ga nüxü̃ nax nacugüexü̃, rü norü churaragüxü̃ ñanagürü: —Ngẽma Yebuchéutanüxü̃ i chixri tachiga idexagüxü̃ rü naxchi chaxai. ¡Rü yima ĩanearü dexá nagu iyaxü̃wa pichocu rü penadaix i ngẽma ĩanecüã̱xgü i Yebuchéutanüxü̃ i nügütama ixugüexü̃ nax yangexetüxü̃ rü yachixeparaxü̃! —ñanagürü. Rü ngéma nixĩ i ne naxũxü̃ i ngẽma dexa i ñaxü̃: “Tama chanaxwa̱xe i ngẽma ingexetüxü̃ rü ichixeparaxü̃ nax chopatagu nachocuxü̃”, ñaxü̃.

Norü taxre ga popera ga ãẽ̱xgacügüchiga 12:20

Rü yema norü churaragüerugütama rü bexma nagu narüxĩnüe nax yama̱xgüchaü̃ãxü̃. Rü yema nama ga Chiláwa daxü̃wa yexmane ga napata ga Bex-milógu nayama̱xgü.

Wiyaegü 122:3

Pa Yerucharéü̃x, cuxü̃ naxügü nax cuwa nangutaque̱xegüxü̃ i Tupanaarü duü̃xü̃gü.

Ichaía 29:1

Wüxi i taxü̃ i ngechaü̃ nixĩ i cuxca̱x, Pa Yerucharéü̃ ya Dabíarü Ĩane Ixĩxü̃ne. Curü duü̃xü̃gü rü gucü ya taunecügu nanaxügüecha i norü petagü. Natürü i choma ya Cori ya Tupana rü tá guxchaxü̃ pexca̱x íchanguxẽxẽ. Rü aixta tá pexüe rü tá pexauxe erü yimá perü ĩane ya Yerucharéü̃ rü tá nigu ñoma ãmarearü guruü̃wa wüxi i ãmare iguxü̃rüxü̃.

2 Chamué 6:10

Rü yemaca̱x tama guma Dabíarü Ĩanewa nayangéxchaü̃ ga yema baú ga Cori ya Tupanaarü mugüchixü̃. Rü norü duü̃xü̃güxü̃ namu nax Obéx-edóü̃patawa nangegüãxü̃ca̱x. Rü nüma ga Obéx-edóü̃ rü wüxi ga yatü ga Gáxcüã̱x nixĩ.

Nüxíraxü̃xü̃ ga popera ga ãẽ̱xgacügüchiga 2:10

Rü nüma ga Dabí rü nayu. Rü norü o̱xigütanügu nayata̱xgü nagu ga yema Yerucharéü̃arü üyechigü ga Dabíarü Ĩanegu ãégaxü̃.

Norü taxre ga popera ga ãẽ̱xgacügüchiga 12:21

Rü yema norü churaragüerugü ga Yochacáx ga Chimáx nane rü Yochabá ga Choméx nane rü nayama̱xgü. Rü yexguma nayu̱xgu rü Dabíarü Ĩanegu nanata̱xgü. Rü nawena nane ga Amachía ãẽ̱xgacüxü̃ ningucuchi.

Neemía 3:15

Rü Charúü̃ ga Coroché nane ga Mispáanemaxã icuáxü̃ nixĩ ga yamexẽẽxü̃ ga yema ĩã̱x ga Dexáarü Chuxchuxü̃gu ãégaxü̃. Rü nanaxüpataétü ga yema ĩã̱x rü ñu̱xũchi nananucu ga norü ĩã̱xgü namaxã ga norü wãtaruü̃gü rü norü tairuü̃gü. Rü ñu̱xũchi nanamexẽxẽ ta ga yema Chiloéarü Dexápataxü̃arü naxtapü̱x ga Ãẽ̱xgacüarü Putüranecüwaama daxü̃ rü ñu̱xmata guma toxṍõnegü ga Dabíarü Ĩanewa rüdaenewa nangu.