2 Chamué 5:7 - Tupanaarü Ore

⁷ Natürü nüma ga Dabí rü norü churaragümaxã nagu naxĩgüama ga guma ma̱xpǘne ga Chióü̃ ga yema ĩanecüã̱xarü churaragü nagu ãchiü̃güne rü nüxna nayapu. Rü ngẽmaca̱x nixĩ i ñu̱xma i Dabíarü Ĩane ñaãcü naxugüãxü̃.

2 Chamué 5:7 Referans Kwoze

Nüxíraxü̃xü̃ ga popera ga ãẽ̱xgacügüchiga 2:10

Rü nüma ga Dabí rü nayu. Rü norü o̱xigütanügu nayata̱xgü nagu ga yema Yerucharéü̃arü üyechigü ga Dabíarü Ĩanegu ãégaxü̃.

2 Chamué 6:16

Rü yexguma Dabíarü Ĩanewa nanguxgu ga baú ga Cori ya Tupanaarü mugü nawa yexmaxü̃, rü Micá ga Chaú naxacü rü beü̃tánawa íidauxuchi. Rü nüxü̃ nax nadauxü̃ ga ãẽ̱xgacü ga Dabí ga íiyuxãchiü̃xü̃ rü íyañaãchiü̃xü̃ nape̱xewa ga Cori ya Tupana, rü ngĩma rü poraãcü naxcha̱xwa ixãne.

2 Chamué 6:12

Rü ãẽ̱xgacü ga Dabímaxã nüxü̃ nixugüe nax yema baú ga Cori ya Tupanaarü mugü nawa yexmaxü̃gagu Tupana rü Obéx-edóü̃xü̃ nangü̃xẽẽxü̃ wüxigu namaxã ga naxacügü rü guxü̃ma ga norü yemaxü̃güwa. Rü yemaca̱x ga nüma ga Dabí rü yéma naxũ rü norü taãẽmaxã Obéx-edóü̃patawa nayayaxu ga yema baú ga Tupanaarü mugü nawa yexmaxü̃. Rü Yerucharéü̃wa yexmane ga Dabíarü Ĩanewa nanange.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:1

Rü yemawena ichadawenü, rü nüxü̃ chadau ga gumá Carnéruxacü ga guma ma̱xpǘne ga Chióü̃étügu chicü. Rü naxü̃tawa nayexma ga 144,000 ga duü̃xü̃gü ga nacatüwa ixãégaxü̃ namaxã ga gumá Carnéruxacüéga rü Nanatü ya Tupanaéga.

Popera ga Yudíugü ga yaxõgüxü̃ca̱x ümatüxü̃ 12:22

Erü ñu̱xma i pema rü marü nüxna pengaicamagü ya yima ma̱xpǘne ya Chióü̃ ya yimá Tupana ya Maxü̃cüarü ĩane ya daxũgune ya Yerucharéü̃. Rü marü nüxna pengaicamagü i ngẽma muxũchixü̃ma i norü orearü ngeruü̃gü i daxũcüã̱x i Tupanaxü̃ icua̱xüü̃güxü̃.

Romanos 9:33

Rü ngẽmachiga nixĩ i Tupanaarü ore i ümatüxü̃ i ñaxü̃: “Choma rü Chióü̃gu chanaxǘ ya wüxi ya nuta ya Yudíugüarü guxcharuxü̃ ixĩcü. Rü ngẽma duü̃xü̃gü i nüxü̃́ yaxõgüxü̃, rü aixcüma tá namaxẽ”, ñanagürü.

Miquéa 4:2

Rü muxũchixü̃tama i duü̃xü̃gü tá ngéma nangugü rü ñanagürügü tá: —¡Nua pexĩ rü ngĩxã daa ma̱xpǘnewa dauxü̃ taxĩgü nax nawa ingugüxü̃ca̱x ya yima Acóbutanüxü̃arü Tupanapata ya taxü̃ne nax nüma tüxü̃ nangúexẽẽxü̃ca̱x i ngẽma mexü̃ i nacüma nax ngẽmagu ixĩxü̃ca̱x! —ñanagürügü tá. Erü daa ma̱xpǘne ya Chióü̃wa tá nixĩ ya Cori ya Tupana i tüxü̃ nangúexẽxẽxü̃. Rü Yerucharéü̃wa tá nixĩ i ne naxũxü̃ i norü ore.

Ichaía 59:20

Rü Tupana rü tá tüxü̃ ínanguxü̃xẽxẽ ya yíxema Chióü̃cüã̱xgü rü guxãma ya Acóbutaagü ya nüxü̃ rüxoexe i tümaarü chixexü̃gü. Rü Cori ya Tupanatama nixĩ i ngẽma ñaxü̃.

Ichaía 12:6

¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Wiyaegü 132:13

Rü nüma ga Cori rü nüxü̃ naxuneta ga yima ma̱xpǘne ga Chióü̃ nax yimagu naxãchiü̃xü̃ca̱x.

Wiyaegü 87:2

Rü nüma ya Cori ya Tupana rü poraãcü nüxü̃ nangechaü̃ ya yima ĩane guxü̃nema ya naigü ya Iraéanearü ĩanearü yexera.

Wiyaegü 51:18

Pa Cori Pa Tupanax ¡cuxü̃́ nangechaxü̃tümüxü̃ ya yima cupata ya Chióü̃wa ngẽxmane erü nüxü̃ cungechaü̃! ¡Rü curü duü̃xü̃güxü̃ rüngü̃xẽxẽ nax wena inachixẽẽxü̃ca̱x ya Yerucharéü̃arü poxeguxü̃!

Wiyaegü 48:12

¡Rü ẽcü, nüxü̃ ípeyachoegu ya yima ĩane ya Chióü̃ rü peyaxugü i ngẽma norü dauxü̃taechicagü rü ñuxre yixĩxü̃!

Wiyaegü 9:11

¡Rü naxca̱x pewiyaegü ya Cori ya Tupana ya Chióü̃wa ãẽ̱xgacü ixĩcü! ¡Rü guxü̃ i nachixü̃anegüwa nüxü̃ pixu i ngẽma mexü̃gü i naxüxü̃!

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Norü taxre ga to ga popera ga ãẽ̱xgacügüchiga ümatüxü̃ 24:16

Rü Dabíarü Ĩanearü tauquegu nanata̱xgü ga ãẽ̱xgacügü nagu ta̱xgüxü̃gu, yerü nüma ga Yoiadá rü Iraétanüxü̃pe̱xewa rü Cori ya Tupanape̱xewa rü ñu̱xũchi Tupanapata ga taxü̃newa mexü̃ naxü.

Norü taxre ga to ga popera ga ãẽ̱xgacügüchiga ümatüxü̃ 5:2

Rü nüma ga Charomóü̃ rü Yerucharéü̃gu nanangutaque̱xexẽxẽ ga yema Iraéanearü ãẽ̱xgacütücumü, rü guxü̃ma ga yema 12 ga Iraétücumügüarü ãẽ̱xgacügü, rü guxü̃ma ga papagü ga natanüxü̃maxã icua̱xgüxü̃. Rü yemaacü nanangutaque̱xexẽxẽ nax ma̱xpǘne ga Chióü̃wa yayauxgüãxü̃ca̱x ga yema baú ga Tupanaarü mugü nagu nuxü̃, rü guma yexwaca̱xü̃ne ga Tupanapata ga taxü̃newa nangegüaxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:7

Rü yemawena ga nüma ga Dabí rü yema dauxü̃taechicagu naxãchiü̃. Rü yemaca̱x nixĩ ga Dabíarü Ĩanemaxã naxugüãxü̃.

Nüxíraxü̃xü̃ ga popera ga ãẽ̱xgacügüchiga 8:1

Rü yexguma ga Charomóü̃ rü Yerucharéü̃wa naxca̱x nangema ga guxü̃ma ga yema norü ngü̃xẽẽruü̃gü ga ãẽ̱xgacügü rü guxü̃ma ga yema ãẽ̱xgacügü ga wüxichigü ga Iraéanecüã̱xtücumümaxã icua̱xgüxü̃. Rü nanangutaque̱xexẽxẽ nax Chióü̃wa yayauxgüãxü̃ca̱x ga yema baú ga Cori ya Tupanaarü mugü nawa yexmaxü̃ nax Tupanapatawa nangegüãxü̃ca̱x.

Nüxíraxü̃xü̃ ga popera ga ãẽ̱xgacügüchiga 3:1

Rü Charomóü̃ rü Equítuanearü ãẽ̱xgacü ga Faraóü̃xacümaxã naxãxma̱x rü yemaacü Faraóü̃tanüxü̃ nügü nixĩxẽxẽ. Rü nüma ga Charomóü̃ rü Dabíarü Ĩane ga Yerucharéü̃wa yexmanewa ngĩxü̃ naga. Rü yéma ngĩxü̃ nayexmaxẽxẽ ñu̱xmata yangu ga guma ãẽ̱xgacüpata rü guma Tupanapata ga taxü̃ne rü ñu̱xũchi yema Yerucharéü̃arü poxeguxü̃.

2 Chamué 6:10

Rü yemaca̱x tama guma Dabíarü Ĩanewa nayangéxchaü̃ ga yema baú ga Cori ya Tupanaarü mugüchixü̃. Rü norü duü̃xü̃güxü̃ namu nax Obéx-edóü̃patawa nangegüãxü̃ca̱x. Rü nüma ga Obéx-edóü̃ rü wüxi ga yatü ga Gáxcüã̱x nixĩ.

2 Chamué 5:9

Rü yemawena ga Dabí rü guma ma̱xpǘne ga Chióü̃wa ngẽxmane ga ĩanegu nanaxü ga napata nax yéma norü churaragümaxã nayexmaxü̃ca̱x. Rü guma ĩane rü Dabíarü Ĩanegu nanaxüéga. Rü nanaxütapü̱xgü ga guxü̃wama. Rü yema toxṍõneacü ínamexẽẽgüãxü̃wa inaxügü ga naxtapü̱x, rü ĩanewaama nanadaxẽxẽ rü ñu̱xmata ãẽ̱xgacüpatawa nangu.

2 Chamué 5:8

Rü yexguma Dabí nüxü̃ ĩnügu ga yema Yebuchéutanüxü̃ ga nüxü̃ nax nacugüexü̃, rü norü churaragüxü̃ ñanagürü: —Ngẽma Yebuchéutanüxü̃ i chixri tachiga idexagüxü̃ rü naxchi chaxai. ¡Rü yima ĩanearü dexá nagu iyaxü̃wa pichocu rü penadaix i ngẽma ĩanecüã̱xgü i Yebuchéutanüxü̃ i nügütama ixugüexü̃ nax yangexetüxü̃ rü yachixeparaxü̃! —ñanagürü. Rü ngéma nixĩ i ne naxũxü̃ i ngẽma dexa i ñaxü̃: “Tama chanaxwa̱xe i ngẽma ingexetüxü̃ rü ichixeparaxü̃ nax chopatagu nachocuxü̃”, ñaxü̃.

Nüxíraxü̃xü̃ ga popera ga ãẽ̱xgacügüchiga 9:24

Rü Faraóü̃xacü rü ixũxũ ga Dabíarü Ĩanewa, rü ĩpata ga Charomóü̃ ngĩxca̱x üxü̃newa ixũ. Rü nüma ga Charomóü̃ rü yéma toxṍõneacü nanamexẽẽane.

Yeremía 21:13

Rü Cori ya Tupana rü ñanagürü ta: “Pa Ĩane ya Yerucharéü̃x, cuma rü doxonexü̃maxã icucua̱x ñoma wüxi ya nuta ya taxüchicü ya doxonexü̃wa ngẽxmacürüxü̃. Natürü choma ya Cori ya Tupana rü poraãcü cumaxã chanu. Pemax rü ñapegürügü: ‘¿Rü ta̱xacü tá nüxü̃́ natauxcha nax taxca̱x íyaxüãchixü̃? ¿Rü ta̱xacü tá nüxü̃́ natauxcha nax nua tórü cu̱xchicaxü̃wa nangugüxü̃?’ ñaperügügü.

Neemía 3:15

Rü Charúü̃ ga Coroché nane ga Mispáanemaxã icuáxü̃ nixĩ ga yamexẽẽxü̃ ga yema ĩã̱x ga Dexáarü Chuxchuxü̃gu ãégaxü̃. Rü nanaxüpataétü ga yema ĩã̱x rü ñu̱xũchi nananucu ga norü ĩã̱xgü namaxã ga norü wãtaruü̃gü rü norü tairuü̃gü. Rü ñu̱xũchi nanamexẽxẽ ta ga yema Chiloéarü Dexápataxü̃arü naxtapü̱x ga Ãẽ̱xgacüarü Putüranecüwaama daxü̃ rü ñu̱xmata guma toxṍõnegü ga Dabíarü Ĩanewa rüdaenewa nangu.

Wiyaegü 48:3

Rü Yerucharéü̃wa ngẽxmane ya ãẽ̱xgacüpatagüwa nixĩ i nangẽxmaxü̃ ya Tupana. Rü nüma ya Tupana rü nügü nango̱xẽxẽ nax yima ĩanearü poxü̃ruxü̃ ya aixcüma poracü yixĩxü̃.