2 Chamué 5:6 - Tupanaarü Ore

⁶ Rü nüma ga ãẽ̱xgacü ga Dabí rü norü churaragümaxã Yerucharéü̃wa naxĩ nax naxca̱x íyaxü̃ãchixü̃ca̱x ga yema Yebuchéutanüxü̃ ga yema naanegu ãchiü̃güxü̃. Rü nüma ga Yebuchéutanüxü̃ rü nagu narüxĩnüe nax taxũtáma Dabíaxü̃́ natauxchaxü̃ ga guma ĩanegu nax naxücuxü̃. Rü yemaca̱x ñanagürügü nüxü̃: —Cuma rü taxũtáma nuxã cuxücu erü woo ngẽma ingexetüxü̃ rü ichixeparaxü̃ rü ningu nax ínapoxü̃güãxü̃ ya daa ĩane nax tama nagu cuxücuxü̃ca̱x —ñanagürügü.

2 Chamué 5:6 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 1:8

Rü yema Yudátanüxü̃ rü Yerucharéü̃ca̱x ínayaxüãchi rü taramaxã nanadai ga yema Yebútanüxü̃ ga yéma maxẽxü̃. Rü yemawena nayagugü ga guma ĩane.

Yeremía 37:10

Rü woo marü nüxü̃ perüporamaegügu i ngẽma Cadéugüarü churaragü i pexca̱x íyaxüãchixü̃ rü ñuxrexicatama i norü churaragü i napíexü̃ íyaxügügu i norü pegüchicawa, rü ngẽmagü rü tá ínarüdagü rü tá nawa nanangixichigü ya daa ĩane ya Yerucharéü̃” —ñanagürü.

Ãẽ̱xgacügü ga guxchaxü̃güarü mexẽxẽruü̃gü 1:21

Natürü yema Bẽyamíü̃tanüxü̃ rü taxucürüwa ínanawoxü̃ ga yema Yebútanüxü̃ ga Yerucharéü̃gu ãchiü̃güxü̃. Rü ngẽmaca̱x woo ñu̱xma rü ta i ngẽma Yebútanüxü̃ rü Bẽyamíü̃tanüxü̃ rü wüxigu Yerucharéü̃wa namaxẽ.

Yochué 15:63

Natürü yema Yudátanüxü̃ rü taxucürüwama Yerucharéü̃wa ínanawoxü̃ ga Yebuchéugü ga yexma ãchiü̃güxü̃. Rü ngẽmaca̱x i ngẽma Yebuchéugü rü ñu̱xma rü ta wüxigu Yudátanüxü̃maxã Yerucharéü̃wa namaxẽ.

Popera ga Yudíugü ga yaxõgüxü̃ca̱x ümatüxü̃ 7:1

Rü gumá Melquichedéx rü ĩane ga Charéü̃arü ãẽ̱xgacü nixĩ. Rü naétü Tupana ya Guxü̃étüwa Ngẽxmacüpe̱xewa duü̃xü̃güarü chacherdóte nixĩ. Rü yexguma Abraáü̃ napataca̱x taeguxgu nawena nax to ga nachixü̃anearü ãẽ̱xgacügümaxã nügü nada̱i̱xü̃ rü nüxü̃ naporamaexü̃, rü Melquichedéx rü namawa Abraáü̃pe̱xegu nayangu. Rü nüma ga Melquichedéx rü Tupanaégagu Abraáü̃maxã mexü̃ naxuegu.

Naanearü ügüchiga 14:18

Rü yexgumarüxü̃ ta ga Melquichedéx ga ĩane ga Charéü̃arü ãẽ̱xgacü ga Tupana ya Guxü̃étüwa Ngẽxmacüarü chacherdóte, rü yematama namawa Abráü̃na nanaxã ga paũ rü bínu.

Yochué 10:3

Rü yemaca̱x ga nüma ga Adonichéde rü yéma namuga naxca̱x ga Yoáü̃ ga ĩane ga Ebróü̃arü ãẽ̱xgacü, rü Piráü̃ ga ĩane ga Yamúxarü ãẽ̱xgacü, rü Yapía ga ĩane ga Láquiarü ãẽ̱xgacü, rü Debíx ga ĩane ga Egróü̃arü ãẽ̱xgacü.

2 Chamué 22:30

Rü curü ngü̃xẽẽmaxã rü tá naxca̱x íchayagoõchi i chorü uanü. Rü norü ĩanegüarü poxeguxü̃étüwa tá chaxüpetü.

Ucu̱xẽgüchiga 21:22

Ngẽma cua̱x nüxü̃́ ngẽxmaxü̃ rü naxca̱x ínayagoõchi ya wüxi ya ĩane ya meama ípoxegune, rü nayawa̱xgüxẽxẽ i naxtapü̱x i norü duü̃xü̃gü nagu yaxõgüxü̃. Rü ngẽmaãcü nayapu ya yima ĩane.

Yeremía 21:13

Rü Cori ya Tupana rü ñanagürü ta: “Pa Ĩane ya Yerucharéü̃x, cuma rü doxonexü̃maxã icucua̱x ñoma wüxi ya nuta ya taxüchicü ya doxonexü̃wa ngẽxmacürüxü̃. Natürü choma ya Cori ya Tupana rü poraãcü cumaxã chanu. Pemax rü ñapegürügü: ‘¿Rü ta̱xacü tá nüxü̃́ natauxcha nax taxca̱x íyaxüãchixü̃? ¿Rü ta̱xacü tá nüxü̃́ natauxcha nax nua tórü cu̱xchicaxü̃wa nangugüxü̃?’ ñaperügügü.