2 Chamué 5:3 - Tupanaarü Ore

³ Rü yemaacü ga yema duü̃xü̃gü rü Dabímaxã nidexagü ga Ebróü̃wa. Rü nüma ga Dabí rü Cori ya Tupanape̱xewa yema duü̃xü̃gümaxã inaxüga. Rü nüma ga yema duü̃xü̃gü rü Dabíxü̃ chíxü̃maxã nabaerugü rü yemaacü guxü̃ma ga Iraéanecüã̱xgüarü ãẽ̱xgacü nixĩ.

2 Chamué 5:3 Referans Kwoze

2 Chamué 2:4

Rü yemawena rü Ebróü̃wa nangugü ga Yudáanecüã̱x ga duü̃xü̃gü, rü chíxü̃maxã Dabíxü̃ nabaerugü nax Yudáanearü ãẽ̱xgacü yixĩxü̃ca̱x. Rü yexgumarüxü̃ ta Dabímaxã nüxü̃ yaxugüegu nax guma Garaáxanewa yexmane ga ĩane ga Yabécüã̱xgü yixĩxü̃ ga Chaúxü̃ íta̱xgüxü̃,

1 Chamué 23:18

Rü yexguma ga nüma ga Dabí rü Yonatáü̃ rü Cori ya Tupanape̱xewa nügümaxã inaxügagü. Rü yemawena ga Yonatáü̃ rü nataegu, rü nüma ga Dabí rü yexmatama Óregu narüxã̱ũ̱x.

1 Chamué 16:13

Rü nüma ga Chamué rü nanayaxu ga yema carnéruchatacu̱xre ga chíxü̃maxã ããcuxü̃, rü Dabíerugu nanaba ga naenexẽgüpe̱xewa. Rü yexgumatama ga Tupanaãxẽ rü Dabína nangu rü namaxã inacua̱x. Rü yemawena ga nüma ga Chamué rü narümoxẽ rü norü ĩane ga Ramáca̱x nataegu.

Norü taxre ga popera ga ãẽ̱xgacügüchiga 11:17

Rü yemawena nüma ga chacherdóte ga Yoiadá rü Tupanamaxã inaxüga nax nüma ga ãẽ̱xgacü rü guxü̃ma ga duü̃xü̃gü rü Tupanaga tá naxĩnüexü̃. Rü yexgumarüxü̃ ta rü ãẽ̱xgacümaxã inaxügagü ga duü̃xü̃gü nax nümagü rü tá aixcüma ãẽ̱xgacüga naxĩnüexü̃ rü nüma ga ãẽ̱xgacü rü duü̃xü̃gümaxã inaxüga nax nüma rü tá mea duü̃xü̃gümaxã inacuáxü̃.

2 Chamué 3:21

Rü ñu̱xũchi nüma ga Abnéx rü Dabíxü̃ ñanagürü: —Ñu̱xma rü tá cuxna chataegu nax namaxã changutaque̱xexẽẽxü̃ca̱x i guxü̃ma i Iraétanüxü̃ nax nüma nüxü̃ yaxugüxü̃ca̱x nax norü ãẽ̱xgacüxü̃ cuxü̃ naxunetagüxü̃ nax ngẽmaãcü i cumax, Pa Ãẽ̱xgacüx, rü ngẽma cuma cunaxwa̱xexü̃ãcü namaxã nax icucuáxü̃ca̱x —ñanagürü. Rü nüma ga Dabí rü Abnéxü̃ narümoxẽ, rü Abnéx rü taãẽxãcü nataegu.

Ãẽ̱xgacügü ga guxchaxü̃güarü mexẽxẽruü̃gü 11:11

Rü yexguma ga Yeté rü nawe narüxũ. Rü guxü̃ma ga ĩanecüã̱xgü rü norü ãẽ̱xgacüxü̃ rü ñu̱xũchi norü churaragüeruxü̃ nüxü̃ naxunetagü. Rü Mispáwa rü nüma ga Yeté rü Cori ya Tupanape̱xewa wena yema ãẽ̱xgacügümaxã nüxü̃ nixu ga yema ore ga noxri namaxã nüxü̃ yaxuxü̃.

Neemía 9:38

Rü yemaca̱x ga guxãma ga toma rü Tupanamaxã nüxü̃ tixu nax aixcüma tá naga taxĩnüexü̃ ga norü mugü. Rü nape̱xewa poperagu tanaxümatü ga yema namaxã nüxü̃ tixuxü̃. Rü toma ga ãẽ̱xgacügü, rü Lebítanüxü̃, rü chacherdótegü rü toéga nagu taxümatügü nax aixcüma tá tayanguxẽẽxü̃ ga yema torü uneta.

Norü taxre ga to ga popera ga ãẽ̱xgacügüchiga ümatüxü̃ 23:16

Rü yemawena ga Yoiadá rü nüma ga ãẽ̱xgacü rü ñu̱xũchi yema duü̃xü̃gü rü wüxi ga uneta nügümaxã naxügü nax nümagü rü guxü̃gutáma Tupanaga naxĩnüexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:3

Rü yexguma ga nüma ga Dabí rü Cori ya Tupanape̱xewa natanüxü̃ga naxĩnü. Rü nümagü rü Dabíxü̃ chíxü̃maxã nabaerugü nax Iraéanecüã̱xgüarü ãẽ̱xgacü yixĩxü̃ca̱x. Yerü yemaacü nixĩ ga Tupana ga Chamuémaxã nüxü̃ yaxuxü̃.

1 Chamué 11:15

Rü yemaca̱x guxü̃ma ga duü̃xü̃gü ga Iraéanecüã̱xgü rü Guirigáwa naxĩ. Rü yéma Cori ya Tupanape̱xewa Chaúxü̃ ningucuchixẽẽgü nax norü ãẽ̱xgacü yixĩxü̃ca̱x. Rü yemawena rü Tupanaca̱x nayagugü ga ãmaregü ga Tupanaarü ngüxmüxẽẽruü̃gü ixĩgüxü̃. Rü nüma ga Chaú rü guxü̃ma ga nümagü ga Iraéanecüã̱xgü rü poraãcü nataãẽgü.

Ínachoxü̃xü̃chiga 3:16

¡Rü ngéma naxũ rü nangutaque̱xexẽxẽ i guxü̃ma i Iraétanüxü̃arü ãẽ̱xgacügü, rü namaxã nüxü̃ ixu rü ñacugürü nüxü̃!: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü gumá nixĩ ga cha̱u̱xca̱x ngócü. Rü gumátama nixĩ ga chomaxã nüxü̃ ixucü nax pegu naxĩnüxü̃ rü nüxü̃ nacuáxü̃ nax ñuxãcü chixri pemaxã nachopetüxü̃ i ngẽma Equítuanecüã̱xgü.

Yochué 10:36

Rü guma ĩane ga Egróü̃wa inaxĩãchi rü ĩane ga Ebróü̃wa naxĩ rü naxca̱x ínayaxüãchi.

Nüxíraxü̃xü̃ ga popera ga ãẽ̱xgacügüchiga 1:34

Rü ngẽxguma chacherdóte ya Chadóx rü orearü uruxü̃ ya Natáü̃ nabaerugügu nax Iraéanecüã̱xgüarü ãẽ̱xgacü yixĩxü̃ca̱x ya Charomóü̃ ¡rü nagu picuegü i carnéruchatacu̱xre rü tagaãcü ñapegürügü: “¡Namaxü̃ ya ãẽ̱xgacü ya Charomóü̃!” ñapegürügü tá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:1

Rü guxü̃ma ga Iraéanecüã̱xgüarü ãẽ̱xgacügü rü nangutaque̱xegü rü ĩane ga Ebróü̃wa naxĩ rü Dabímaxã narüdexagü. Rü Dabíxü̃ ñanagürügü: —Toma rü cutanüxü̃tama tixĩgü.

2 Chamué 2:7

Rü ngẽmaca̱x i ñu̱xmax rü woo nax nayuxü̃ i Chaú rü ¡taxṹ i perümaãchitanüxü̃ rü taxṹ i pemuü̃exü̃! Erü ngẽma Yudáanecüã̱x i duü̃xü̃gü rü marü ãẽ̱xgacüxü̃ choxü̃ ningucuchixẽẽgü —ñaxü̃ ga Dabí.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:4

Natürü nüma ya Cori ya Iraétanüxü̃arü Tupana rü chautanüxü̃tanüwa choxü̃ nayaxu nax guxü̃guma Iraéanearü ãẽ̱xgacüxü̃ choxü̃ yaxĩxẽẽxü̃ca̱x. Rü yemaca̱x nüxü̃ naxuneta ga Yudátanüxü̃ nax yematücumüwa ãẽ̱xgacügü íchoxü̃tanücüüxü̃. Rü yema Yudátücumüwa nixĩ ga nüxü̃ naxunetaxü̃ ga chautanüxü̃tücumü, rü yema chauenexẽgütanüwa rü choxü̃ naxuneta nax guxü̃ma i Iraéanecüã̱xmaxã ichacuáxü̃ca̱x.