2 Chamué 5:1 - Tupanaarü Ore

¹ Rü to ga ngunexü̃gu rü guxü̃ma ga Iraéanecüã̱xgütücumüarü ãẽ̱xgacügü rü Ebróü̃wa naxĩ nax Dabímaxã yanadexagüxü̃ca̱x, rü ñanagürügü: —Toma rü cutanüxü̃xü̃chi tixĩgü.

2 Chamué 5:1 Referans Kwoze

Efesios 5:30

Rü guxãma i yixema nax yaxõgüxü̃ rü Cristuxü̃ne tixĩgü rü wüxigu naxü̃newa taxügü.

2 Chamué 19:13

Rü yexgumarüxü̃ ta yema chacherdótegüca̱x yéma namuga nax Amachámaxã nüxü̃ yaxugüexü̃ca̱x ga ore ga ñaxü̃: —Cuma rü chautanüxü̃xüchi quixĩ, rü Tupanaégagu cumaxã nüxü̃ chixu rü Yoáchicüxü tá chorü churaragümaxã icucua̱x. Rü Tupana poraãcü choxü̃ poxcu ega tama chayanguxẽẽgu i ngẽma ore i nüxü̃ chixuxü̃ —ñaxü̃.

Naanearü ügüchiga 29:14

Rü Labáü̃ rü ñanagürü nüxü̃: —Aixcümaxü̃chi cuma rü chautanüxü̃xüchi quixĩ —ñanagürü. Rü wüxi ga tauemacü Labáü̃xü̃tawa nayexma ga Acóbu.

Popera ga Yudíugü ga yaxõgüxü̃ca̱x ümatüxü̃ 2:14

Rü nüma ga Ngechuchu rü woo Tupana nax yixĩxü̃ natürü duü̃xü̃rüxü̃ãcü ñoma ga naanewa naxũ nax taxrüxü̃ naxãmachixü̃ca̱x rü naxãgüxü̃ca̱x nax tachicüxü nayuxü̃ca̱x rü yemaacü yanaxoxẽẽãxü̃ca̱x ga Chatanáarü pora ga namaxã tüxü̃ iyanatauxẽẽchaü̃xü̃.

Ãẽ̱xgacügü ga guxchaxü̃güarü mexẽxẽruü̃gü 9:2

—Name nax Chiquéü̃arü ãẽ̱xgacügümaxã pidexagüxü̃ rü namaxã nüxü̃ pixuxü̃ nax namexü̃ nax wüxitama i ãẽ̱xgacü tamaxã icuáxü̃, rü tama guxü̃ma i ngẽma 70 i Yedeóü̃ nanegü. ¡Rü nüxna pecua̱xãchi nax choma rü petanüxü̃xü̃chi chixĩxü̃! —ñanagürü.

Wenaxarü naxümatü ga Tupanaarü mugü 17:15

Rü ngẽxguma tá nüxü̃ pexunetagu i wüxi i perü ãẽ̱xgacü i réi, rü name i nüxü̃ pexuneta i wüxi i petanüxü̃tama i Cori ya perü Tupana nüxü̃ unetaxü̃. Rü tama name i nüxü̃ pexuneta i wüxi i duü̃xü̃ i to i nachixü̃anecüã̱x i tama petanüxü̃ ixĩxü̃.

Yochué 10:36

Rü guma ĩane ga Egróü̃wa inaxĩãchi rü ĩane ga Ebróü̃wa naxĩ rü naxca̱x ínayaxüãchi.

2 Chamué 19:43

Rü yexguma nüma ga Iraéanecüã̱xgü rü nanangãxü̃gü rü ñanagürügü: —Natürü i toma rü perü yexera 10 e̱xpü̱xcüna toxü̃́ nangẽxma i tauxcha nax ãẽ̱xgacüna tangaicamagüxü̃ erü pexü̃ tarümumae. ¿Rü ngẽmaca̱x tü̱xcüü̃ toxü̃ pexoe? ¿Rü tama ẽ̱xna toxíra yixĩxü̃ ga nagu tarüxĩnüexü̃ nax tanataeguxẽẽxü̃ ya ãẽ̱xgacü? —ñanagürügü. Natürü nüma ga yema Yudáanecüã̱xgü rü yexeraãcü Iraéanecüã̱xgümaxã niporagatanücüxü.

2 Chamué 2:32

Rü nüma ga Yoá rü ñu̱xũchi yema norü duü̃xü̃gü rü Beréü̃wa nanangegü ga Achaéxü̃ne rü yexma nanatüxü̃tagu nayata̱xgü. Rü nüma ga Yoá rü norü churaragümaxã guxü̃ ga chütaxü̃ inaxĩ, rü moxü̃ãcü pa̱xmama Ebróü̃wa nangugü.

2 Chamué 19:14

Rü nüma ga Dabí rü yemaacü nanangüxmüexẽxẽ ga yema Yudáanecüã̱xgü. Rü guxü̃ma ga nümagü rü Dabíca̱x yéma namugagü nax guxü̃ma ga norü duü̃xü̃gümaxã nataeguxü̃ca̱x.