2 Chamué 4:9 - Tupanaarü Ore

^9-10 Dabí rü nanangãxü̃ rü ñanagürü: —Rü yimá Cori ya Tupana ga guxchaxü̃wa choxü̃ ínguxuchixẽẽcüégagu pemaxã nüxü̃ chixu rü yexguma nua naxũxgu ga wüxi ga yatü nax chomaxã nüxü̃ yaxuxü̃ca̱x nax nayuxü̃ ga Chaú rü nüma nagu naxĩnügu rü wüxi i ore i namaxã chataãẽxü̃chi nixĩ i cha̱u̱xca̱x. Natürü yema norü oregagutama chayayaxu rü Chicáxgu chayama̱x.

2 Chamué 4:9 Referans Kwoze

Wiyaegü 107:2

Rü ngẽxgumarüxü̃ ta rü name nixĩ i Tupanana moxẽ naxãgü i guxü̃ma i ngẽma duü̃xü̃gü ga norü uanügüme̱xẽwa Cori ínguxü̃xẽẽxü̃. Erü nümagü rü ngexta ínawoonexü̃wa ga nórtewa rü súrwa rü éstewa rü oéstewa rü Tupana rü wena nananutaque̱xexẽxẽ rü nachixü̃aneca̱x nanawoeguxẽxẽ.

Wiyaegü 34:17

Rü yíxema ixaixcümagüxe rü Cori ya Tupanaarü ngü̃xẽẽca̱x ítacagü, rü nüma rü nüxü̃ naxĩnü i tümaarü yumüxẽ rü guxü̃ma i tümaarü oegaãẽgüwa tüxü̃ ínanguxü̃xẽxẽ.

Nüxíraxü̃xü̃ ga popera ga ãẽ̱xgacügüchiga 1:29

Rü nüma ga ãẽ̱xgacü rü Tupanaégagu ngĩmaxã nüxü̃ nixu rü ñanagürü: —Yimá Tupana ya guxü̃ma ga guxchaxü̃wa choxü̃ ínguxuchixẽẽcüégagu cumaxã nüxü̃ chixu rü ñomatama i ngunexü̃gu rü cune ya Charomóü̃ tá nixĩ ya ngexwacaxü̃cü ya ãẽ̱xgacü. Rü yema ü̃pama Cori ya Iraéanecüã̱xgüarü Tupanaégagu cumaxã nüxü̃ chixuxü̃rüxü̃ rü nüma tá nixĩ i chowena chauchicawa natoxü̃ —ñanagürü.

Naanearü ügüchiga 48:16

Rü cuma nixĩ i cunamuxü̃ i curü orearü ngeruxü̃ i daxũcüã̱x nax choxü̃ ícupoxü̃xü̃ca̱x nawa i guxü̃ma i ãũcümaxü̃gü. ¡Rü mexü̃ namaxã naxuegu i ñaa buxü̃gü! Rü chanaxwa̱xe i ñaa buxü̃gügagu duü̃xü̃gü nüxna nacua̱xãchie i chauéga rü chorü o̱xi ga Abraáü̃éga rü chaunatü ga Ichaáéga. ¡Rü yamuxẽxẽ i naxacügü nax ngẽmaãcü namuxũchixü̃ca̱x i nataagü i ñoma i naanewa! —ñanagürü.

Wiyaegü 103:4

Rü nüma nixĩ i yuwa choxü̃ ínanguxuchixẽẽxü̃. Rü nüma rü poraãcü choxü̃ nangechaü̃ rü chomaxã namecüma.

Wiyaegü 71:23

Rü ngẽmaãcü taãẽãcüma cha̱u̱a̱xmaxã tá cuxca̱x chawiyae, rü cuxü̃ chicua̱xüxü̃ erü cuma rü choxü̃ cumaxẽxẽ.

Wiyaegü 34:22

Natürü nüma ya Cori ya Tupana rü tüxü̃ ínapoxü̃ ya yíxema norü duü̃xü̃gü ixĩgüxe. Rü tama poxcu tümamaxã naxuegu ya yíxema nüxü̃́ yaxõgüxe.

Wiyaegü 106:10

Rü yemaacü nixĩ ga norü uanügü ga naxchi aiexü̃me̱xẽwa ínanguxü̃xẽẽãxü̃.

2 Chamué 4:2

Rü nüma ga Ibóchex rü nüxü̃́ nayexma ga taxre ga yatü ga churaragü ga poraexü̃maxã icua̱xgüxü̃. Rü wüxi rü Baaná nixĩ ga naéga rü yema to rü Recáx nixĩ ga naéga. Rü nümagü rü Rimóü̃ ga Beerúxcüã̱x nanegü nixĩgü. Rü yemaca̱x Bẽyamíü̃tanüxü̃ nixĩgü, yerü guma ĩane ga Beerúx rü Bẽyamíü̃tanüxü̃na naxüchire̱x. Rü yema Beerúxcüã̱x rü Bẽyamíü̃tanüxü̃ nixĩgü woo nüxna naxĩgü ga guma ĩane nax Guitaíü̃wa naxĩxü̃. Rü ñu̱xma rü ta rü ngéma namaxẽ ñoma duü̃xü̃gü i tóxnamana ne ĩxü̃rüxü̃.

Wiyaegü 69:18

¡Rü nua naxũ rü choxü̃ rüngü̃xẽxẽ! ¡Rü naxme̱xwa choxü̃ ínanguxuchixẽxẽ i ngẽma chomaxã rüxuanügüxü̃!

1 Chamué 26:24

Rü ngẽma nax ñu̱xma curü maxü̃xü̃ changechaü̃xü̃rüxü̃, Pa Ãẽ̱xgacüx, rü ngẽxgumarüxü̃ ta chanaxwa̱xe nax Cori ya Tupana nüxü̃ nangechaü̃xü̃ i chorü maxü̃ rü nawa choxü̃ ínanguxuchixẽẽxü̃ i guxü̃ma i ñaa guxchaxü̃gü —ñanagürü.