2 Chamué 4:11 - Tupanaarü Ore

¹¹ Rü ñu̱xma nax pegütama pixugüxü̃ rü yexeraãcü tauxcha choxü̃́ nangẽxma nax pexü̃ chadaixü̃, erü pema rü chixexü̃arü üruxü̃ pixĩgü yerü peyama̱x ga wüxi ga yatü ga taxuxü̃ma ga chixexü̃ üxü̃ ga yexguma napatagutama nacayane. Rü ngẽmaca̱x pemaxã nüxü̃ chixu rü tá penaxütanü naxca̱x nax peyamáxü̃. Rü ñoma i naanewa tá pexü̃ chayarüxoxẽxẽ —ñanagürü.

2 Chamué 4:11 Referans Kwoze

Wiyaegü 9:12

Rü nüma ya Tupana rü tümaca̱x nanu ya yíxema togü chixri tümamaxã icua̱xgüxe. Rü tama nüxü̃ inarüngüma i ngẽma tümaarü axu ya yíxema ngúxü̃ ingegüxe.

Nüxíraxü̃xü̃ ga popera ga Cuáü̃ ümatüxü̃ 3:12

Rü tama tanaxwa̱xe nax Caíü̃rüxü̃ ixĩgüxü̃. Nüma rü Chatanáarü duü̃xü̃ nixĩ rü naenexẽxü̃ nima̱x. ¿Rü ta̱xacüca̱x nixĩ ga yamáaxü̃? Nayama̱x yerü yema nüma naxüxü̃ rü tama name, rü yema naenexẽ üxü̃ rü name.

Abacú 1:12

Dücax, Pa Corix, Pa Chorü Tupanax ¿tama ẽ̱xna i cuma i guxü̃guma cungexmaechaxü̃? Erü cuma rü üünecü rü taguma yucü quixĩ. Pa Corix, Pa Chorü Poxü̃ruxü̃x, cuma nixĩ i pora nüxna cuxãxü̃ i ngẽma Cadéugü nax nawa cuyanguxẽẽxü̃ca̱x i ngẽma poxcu i tomaxã cuxueguxü̃.

Abacú 1:4

Rü duü̃xü̃gü rü tama aixcüma nagu namaxẽ i ngẽma Tupanaarü mugü rü tochixü̃anearü mugü. Rü ngẽma mugü i duü̃xü̃güétüwa idexaxü̃ rü tama naga naxĩnüe. Rü ngẽma duü̃xü̃gü i chixexü̃gu maxẽxü̃ rü tüxü̃ napoxcu ya yíxema mexü̃ ügüxe. Rü ngẽmaãcü ínayatoxẽẽgü i ngẽma aixcüma we̱xguxü̃ —ñanagürü.

Yeremía 10:11

Rü Tupana rü ñanagürü: —¡Pa Iraétanüxü̃x, ngẽma duü̃xü̃gü i tama choxü̃ cua̱xgüxü̃maxã nüxü̃ pixu rü ngẽma tupananetachicüna̱xãgü i tama dauxü̃guxü̃ i naane ügüxü̃ rü tama ñoma i naane ügüxü̃, rü tá inayarüxogü i ñoma i naanewa, rü bai i wüxi tá íyaxüxü̃ i daxũguxü̃ i naanetüü̃wa! —ñanagürü.

Ucu̱xẽgüchiga 25:26

Ngẽxguma yimá yatü ya taxuxü̃ma i chixexü̃ ücü namuü̃gu rü yadu̱xruxgu nape̱xewa i ngẽma chixexü̃ üxü̃, rü ñoma puchu i dexá i buxchíüxü̃ nawa ixũxũrüxü̃ nixĩ.

Ucu̱xẽgüchiga 2:22

Natürü ngẽma duü̃xü̃gü i chixexü̃gu maxẽxü̃ i tama Tupanaga ĩnüexü̃ rü tá ínawoxü̃ i ñaa naanewa.

Wiyaegü 109:15

¡Rü guxü̃guma nüxna nacua̱xãchi i ngẽma chixexü̃ i naxüxü̃! ¡Rü duü̃xü̃güãẽwa ínapi i naéga!

Nüxíraxü̃xü̃ ga popera ga ãẽ̱xgacügüchiga 2:32

Rü nüma ya Tupana rü yumaxã tá Yoáaxü̃́ nanaxütanü naxca̱x ga yema chixexü̃ ga naxüxü̃. Yerü nanadai ga taxre ga yatügü ga aixcüma norü yexera mexü̃ ügüxü̃ rü mea maxẽxü̃. Rü nüma ga Yoá rü chorü papa ga Dabíechita nayama̱x ga Abnéx ga Néx nane ga Iraéanearü churaragümaxã icuácü, rü nayama̱x ga Amachá ga Yéte nane ga Yudáanearü churaragümaxã icuácü.

2 Chamué 3:39

Rü ngẽmaca̱x i choma rü woo Tupana choxü̃ unetaxü̃ nax ãẽ̱xgacü chixĩxü̃ rü chaugü chacua̱x nax chaturaxü̃ nape̱xewa i ngẽma taxü̃ i chixexü̃ i naxüexü̃ i Cheruiá nanegü i tama chauga ĩnüexü̃. ¡Rü Cori ya Tupana tüxna naxã i tümaarü poxcu ya yíxema ñaa chixexü̃ üxe! —ñanagürü.

2 Chamué 3:27

Rü yexguma Ebróü̃wa nanguxgu ga Abnéx, rü Yoá rü guma ĩanearü ĩã̱xwa Abnéxü̃ naga nax namaxãxicatama yadexaxü̃ca̱x. Rü yexma nanacanapütüwe rü nayu. Rü yexma nüxü̃́ ningutanü ga naenexẽ ga Achaéxü̃ nax yamáxü̃.

Ínachoxü̃xü̃chiga 21:12

Rü texé ya tümamücüxü̃ imáxe rü tüma rü tá ta noxtacüma tayu.

Ínachoxü̃xü̃chiga 9:15

Rü ngẽxguma chi choma chanaxwa̱xegu nax cuxü̃ rü curü duü̃xü̃güxü̃ chapoxcuxü̃ namaxã i wüxi i da̱xaweane i poraxü̃ rü marü chi peyue.

Naanearü ügüchiga 7:23

Rü Noé rü guxü̃ma ga guma wapuruwa yexmagüxü̃icatama namaxẽ. Natürü guxü̃ma ga yema togü ga tama wapuruwa yexmagüxü̃ rü nayue ga duü̃xü̃gü, rü naeü̃gü, rü naxü̃nagü, rü naeü̃gü ga ixãxpe̱xatüxü̃ rü naeü̃gü ga naxtanecamaxã waixü̃müanegu ixĩxü̃.

Naanearü ügüchiga 6:13

rü yemaca̱x ga Tupana rü Noéxü̃ ñanagürü: —Ñu̱xma rü marü tá chayanaxoxẽxẽ i guxü̃ma i duü̃xü̃gü erü nagagu nangẽxma i taxü̃ i máeta i ñaa naanewa. Rü ngẽmaca̱x tá chayanaxoxẽxẽ i ngẽma duü̃xü̃gü wüxigu namaxã i guxü̃ma i ñoma i naanewa ngẽxmaxü̃.

Naanearü ügüchiga 4:11

Rü ngẽmaca̱x i ñu̱xma rü marü cuchixexü̃gu rü tá ícuta̱xüchi nawa i ñaa naane i nagu cunabaxẽẽxü̃ i nagü ya cuenexẽ.

2 Chamué 16:8

Ñu̱xma rü Tupana cuxü̃ napoxcu yerü cuma rü cunadai ga Chaútanüxü̃ nax cuma nachicüxü ãẽ̱xgacü quixĩxü̃ca̱x. Rü ngẽmaca̱x i ñu̱xma rü Cori ya Tupana rü cune ya Acharóü̃xü̃ ningucuchixẽxẽ nax ãẽ̱xgacü yixĩxü̃ca̱x. Rü ngẽma nixĩ i curü natanü erü wüxi i máetaxü̃ quixĩ —ñanagürü.