2 Chamué 4:1 - Tupanaarü Ore

¹ Rü yexguma Chaú nane ga Ibóchex nüxü̃ cuáchigagu ga Abnéx rü Ebróü̃gu nax nayuxü̃, rü poraãcü narümaãchi. Rü guxü̃ma ga Iraéanecüã̱xgü rü poraãcü namuü̃e.

2 Chamué 4:1 Referans Kwoze

Édra 4:4

Rü yexguma ga nüma ga yema uanügü ga yema naanegu ãxchiü̃güxü̃ rü inanaxügüe nax chixri yema Yudátanüxü̃chiga yadexagüxü̃ nax íyachaxãchigüxü̃ca̱x ga yema puracü.

Ichaía 13:7

Rü ngẽxguma i guxü̃ma i duü̃xü̃gü i Babiróniacüã̱x rü tá inarümaachitanü rü tá ningearü poraã̱x.

Yeremía 6:24

Rü Yerucharéü̃wa i duü̃xü̃gü rü ñanagürügü: —Marü nüxü̃ taxĩnüe i nachiga i ngẽma uanügü. Rü ngẽma nax tamuü̃exü̃ rü taturae. Rü poraãcü tangechaü̃gü, rü ngúxü̃ tingegü ñoma wüxi i ngexü̃ i íxraxacüchaü̃xü̃rüxü̃.

Chofonía 3:16

Rü ngẽma ngunexü̃gu rü duü̃xü̃gü rü Yerucharéü̃cüã̱xgümaxã tá nüxü̃ nixu rü ñanagürügü tá: —¡Petaãxẽgü, Pa Chióü̃cüã̱xgü, rü taxṹ i pemuü̃exü̃! ¡Rü taxṹ i pegü peturaexẽẽxü̃!

Yeremía 50:43

Rü nüma ya Babiróniaanearü ãẽ̱xgacü rü ngẽxguma nüxü̃ nacuáchigagu nax ínangugüchaxü̃xü̃ i ngẽma uanügü, rü norü muü̃maxã inayanguãxẽ rü naxoegaãxẽ rü poraãcü ngúxü̃ ningẽgü ñoma wüxi i ngexü̃ i íxraxacüchaü̃xü̃rüxü̃.

Ichaía 35:3

Rü ngẽma turaexü̃ ¡rü penaporaãchitanüxẽxẽ! Rü ngẽma ipaexü̃ ¡rü nüxü̃ perüngü̃xẽxẽ!

Neemía 6:9

Rü yemaacü toxü̃ naxãxũnegü, yerü toxü̃ namuü̃exẽẽchaü̃ nax nüxü̃ tarüchauexü̃ca̱x nax tapuracüexü̃. Natürü ga choma rü yexeraãcü chanaxüama ga yema puracü.

2 Chamué 17:2

Rü ñu̱xma yapayane rü naturayane rü tá naxca̱x íchayagoõchi rü tá chanamuü̃xẽxẽ. Rü ngẽxguma i guxü̃ma i norü duü̃xü̃gü rü tá nüxna nibuxmü, rü tá nüxica chayama̱x ya ãẽ̱xgacü.

2 Chamué 3:27

Rü yexguma Ebróü̃wa nanguxgu ga Abnéx, rü Yoá rü guma ĩanearü ĩã̱xwa Abnéxü̃ naga nax namaxãxicatama yadexaxü̃ca̱x. Rü yexma nanacanapütüwe rü nayu. Rü yexma nüxü̃́ ningutanü ga naenexẽ ga Achaéxü̃ nax yamáxü̃.

2 Chamué 2:8

Natürü ga Abnéx ga Néx nane ga Chaúarü churaragümaxã icuácü, rü nayaga ga Chaú nane ga Ibóchex rü ĩane ga Maanaíü̃wa namaxã naxũ.