2 Chamué 3:8 - Tupanaarü Ore

⁸ Rü yemaca̱x ga Abnéx rü poraãcüma Ibóchexmaxã nanu naxca̱x nax nüxü̃ nax naxoregüxü̃. Rü nanangãxü̃ rü ñanagürü: —¿Ẽ̱xna wüxi i airumare i Yudáca̱x puracüxü̃ chixĩ? Choma rü aixcüma mea cunatü ga Chaúga chaxĩnü, rü natanüxü̃axü̃́, rü namücügüaxü̃́ chapuracü. Rü ñu̱xũchi tama Dabíme̱xẽgu cuxü̃ changu̱xẽxẽ. ¿Rü tü̱xcüü̃ i ñu̱xma rü choxü̃ quixu nax ngẽma ngexü̃maxã pecadu chaxüxü̃?

2 Chamué 3:8 Referans Kwoze

2 Chamué 9:8

Natürü nüma ga Mepi-bóchex rü ãẽ̱xgacüpe̱xegu nanangücuchi rü ñanagürü nüxü̃: —¿Tü̱xcüü̃ chaugu curüxĩnü i choma i curü duü̃xü̃ chixĩxü̃, Pa Ãẽ̱xgacüx, ega ngẽxguma taxuwama cuxü̃́ chamexgux? —ñanagürü.

2 Chamué 16:9

Rü yexguma ga Abichái ga Cheruiá nane rü ãẽ̱xgacü ga Dabíxü̃ ñanagürü: —Pa Ãẽ̱xgacüx ¿tü̱xcüü̃ taxu ñacurügümare nüxü̃ i ñaa yatü i tama naãxẽxü̃ cuáxü̃ nax ta̱xacü cumaxã yaxugüxü̃? ¡Rü choxü̃ namu nax chayadaeeruxü̃ca̱x! —ñanagürü.

Ichaía 37:23

¿Rü texéchiga nixĩ ga chixri quidexaxü̃ rü texémaxã nixĩ ga cuguxchigaxü̃? ¿Rü texémaxã nixĩ ga quipuraxü̃ rü cunuxetüxü̃? Rü cumaxã nüxü̃ chixu rü chomaxã nixĩ i cunuxü̃ i choma i Iraétanüxü̃arü Tupana ya Üünecü.

Wiyaegü 76:10

Rü ngẽma norü nu i ngẽma cumaxã rüxuanügüxü̃ rü curü cua̱xüxü̃ruxü̃ tá nayanguxuchi. Rü woo ngẽxguma íxrarüwa nanuegu rü curü nga̱xcueruxü̃ nayanguxuchi i ngẽma.

Norü taxre ga popera ga ãẽ̱xgacügüchiga 8:13

Rü Achaé nanangãxü̃ rü nüxü̃ ñanagürü: —Natürü choma nax curü ngü̃xẽẽruxü̃ chixĩxü̃ rü ñoma wüxi i airu i taxuwama mexü̃rüxü̃ chixĩ. ¿Rü ñuxãcü tá chanaxüxü̃ i ngẽma? —ñanagürü. Rü Erichéu nanangãxü̃ rü nüxü̃ ñanagürü: —Cori ya Tupana rü choxü̃ nüxü̃ nacua̱xẽxẽ rü cuma tá nixĩ i Chíriaanearü ãẽ̱xgacü quixĩxü̃ —ñanagürü.

2 Chamué 5:2

Rü woo yexguma Chaú Iraéanearü ãẽ̱xgacü ixĩxgu, rü cuma nixĩ ga aixcüma daiwa tomaxã icucuáxü̃. Rü ñu̱xũchi nüma ga Cori ya Tupana rü nüxü̃ nixu nax cuma tá quixĩxü̃ i tomaxã icucuáxü̃ rü guxü̃ma i Iraéanecüã̱xgüarü ãẽ̱xgacü tá quixĩxü̃ —ñanagürügü.

2 Chamué 3:18

Rü ñu̱xma rü marü nawa nangu erü Cori ya Tupana rü Dabímaxã nanaxuegu nax nüma tá yixĩxü̃ i ínanguxü̃xẽẽãxü̃ i Iraétanüxü̃ naxme̱xwa i Firitéugü, rü ñu̱xũchi naxme̱xwa i guxü̃ma i norü uanügü —ñanagürü.

2 Chamué 3:9

¡Rü Cori ya Tupana choxü̃ poxcu ega ngẽxguma taxũtáma Dabíaxü̃́ chanatauxchaxẽxẽgu ga yema Cori ya Tupana Dabímaxã ueguxü̃! Yerü nüma ga Tupana rü Dabímaxã nüxü̃ nixu nax Chaútanüxü̃na naya̱u̱xãxü̃ nax ãẽ̱xgacü yixĩgüxü̃, rü Dabíxü̃ naxuneta nax nüma namaxã inacuáxü̃ca̱x i Iraéane rü Yudáane i Dáü̃arü ĩanewa inaxügü rü ñu̱xmata Bechébagu yacuáx —ñanagürü.

1 Chamué 15:28

Rü yexguma ga Chamué rü Chaúxü̃ ñanagürü: —Ñu̱xmatatama nixĩ i cuxna naya̱u̱xãxü̃ nax Iraétanüxü̃arü ãẽ̱xgacü quixĩxü̃, rü tá to i Iraétanüxü̃ i cuxü̃ rü yexera rümemaexü̃na nanaxã.

Wenaxarü naxümatü ga Tupanaarü mugü 23:18

Rü taxũtáma Tupanapatawa penange i diẽru i ngẽma nacüma i chixexü̃wa ne ũxü̃ nax ngẽmaãcü penaxütanüxü̃ca̱x i wüxi i uneta i Tupanamaxã pexüxü̃. Erü ngẽma nacüma rü Tupanape̱xewa rü poraãcü nachixe.

2 Chamué 2:8

Natürü ga Abnéx ga Néx nane ga Chaúarü churaragümaxã icuácü, rü nayaga ga Chaú nane ga Ibóchex rü ĩane ga Maanaíü̃wa namaxã naxũ.