2 Chamué 3:1 - Tupanaarü Ore

¹ Rü yema nügü nax nada̱i̱xü̃ ga Chaúarü churaragü namaxã ga Dabíarü churaragü rü tama paxa nigue. Natürü Dabíarü pora rü yexera nixĩnagüchigü, rü Chaútanüxü̃arü pora rü ínarüxĩchigü.

2 Chamué 3:1 Referans Kwoze

Nüxíraxü̃xü̃ ga popera ga ãẽ̱xgacügüchiga 14:30

Rü guxü̃guma nügümaxã guerra naxü ga Roboáü̃ rü Yeruboáü̃.

Yox 8:7

Rü ngẽma curü ngẽmaxü̃gü i tá cuxü̃́ ngẽxmaxü̃ rü yema curü yemaxü̃gü ga noxri cuxü̃́ yexmagüxü̃arü yexera tá nixĩ.

2 Chamué 2:17

Rü yexguma ga yema togü ga churaragü rü inanaxügü nax nügü nada̱i̱xü̃. Rü Abnéxarü churaragüxü̃ narüporamaegü ga Dabíarü churaragü.

Efesios 6:12

Erü tama duü̃xü̃gü i taxrüxü̃ ãmachixü̃ rü ãxchina̱xãxü̃maxã nixĩ i yigü ida̱i̱xü̃. Natürü ngẽma namaxã yigü ida̱i̱xü̃ nixĩ i Chatanáarü duü̃xü̃gü i ngo̱xogü i chixexü̃gü i poraexü̃. Rü nümagü rü namaxã inacua̱x i ñoma i naanearü chixexü̃gü rü guxü̃wama daxũwa nangẽxmagü rü tüxü̃ narüporamaegüchaü̃.

Wiyaegü 84:7

Rü wüxichigü i ngunexü̃gu rü yexeraãcü tá tiporaetanü. Rü ngẽxguma curü ma̱xpǘne ya üünene ya Chióü̃wa tangugügu, rü ngéma tá cuxü̃ tadaugü, Pa Tupanax.

Yox 17:9

Natürü yíxema duẽxẽgü i aixcüma mexü̃ ixĩgüxe rü we̱xgu taxĩama. Rü yíxema ngearü chixexü̃ãxẽ rü tiporaetanü.

Gálatas 5:17

Erü ngẽma taxü̃nearü ngúchaü̃ rü tama Tupanaãxẽ i Üünexü̃arü ngúchaü̃maxã nawüxigu. Rü ngẽma Tupanaãxẽ i Üünexü̃arü ngúchaü̃ rü tama taxü̃nearü ngúchaü̃maxã nawüxigu. Erü ngẽma taxre i ngúchaü̃gü, rü nügüchi naxaie erü wüxichigü rü tamaxã inacuáxchaü̃. Rü ngẽmaca̱x i pema rü taxucürüwa penaxü i ngẽma pematama penaxwa̱xexü̃.

Ester 6:13

Rü yexguma nachiü̃wa nanguxgu rü naxma̱xmaxã rü namücügümaxã nüxü̃ nixu ga yema ngupetüxü̃. Rü nümagü nanangãxü̃gü rü ñanagürügü: —Ngẽma Yudíu i Maduquéu rü taxucürüwa nüxü̃ curüyexera, erü ngẽxguma chi ngẽmaãcü namaxã cunaxüxgux rü tá cuxchama chixexü̃ cuxca̱x ínangu —ñanagürügü.

Nüxíraxü̃xü̃ ga popera ga ãẽ̱xgacügüchiga 15:32

Rü gumá Yudáanecüã̱xarü ãẽ̱xgacü ga Achá, rü gumá Iraéanecüã̱xarü ãẽ̱xgacü ga Baachá rü nügümaxã guera naxüecha.

Nüxíraxü̃xü̃ ga popera ga ãẽ̱xgacügüchiga 15:16

Rü yexguma Baachá Iraéanearü ãẽ̱xgacüwa nguxgu rü Achámaxã nügü nadaiecha.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:2

Rü ichadawenü rü nüxü̃ chadau nax yéma nangóxü̃ ga wüxi ga cowaru ga cómüxü̃. Rü yema naétüwa rütoxü̃ rü nüxü̃́ nayexma ga wüxi ga norü würa. Rü wüxi ga nga̱xcueruxü̃ nüxna naxã. Rü nüma rü nagu narüxĩnü nax norü uanügüxü̃ tá narüporamaexü̃. Rü inaxũãchi nax norü uanügüxü̃ naporamaexü̃ca̱x.

2 Chamué 2:28

Rü yexgumatama ga Yoá rü nagu nicue ga norü carnéruchatacu̱xre rü yexguma ínayachaxãchitanü ga norü churaragü nax Iraéanecüã̱xgüarü churaragüwe yangexü̃tanüxü̃. Rü yexguma nüxü̃ narüchaue nax nügü nada̱i̱xü̃.

2 Chamué 5:10

Rü nüma ga Dabí rü yexeraãcü niporachigü. Rü nüma ga Cori ya Tupana ya Guxü̃étüwa Ngẽxmacü rü nüxü̃ narüngü̃xẽxẽ.

2 Chamué 22:44

Rü cuma nixĩ i naxme̱xwa choxü̃ ícunguxuchixẽẽxü̃ ga yema chautanüxü̃ ga choxü̃ ima̱xgüchaü̃xü̃. Rü choxna cudau rü choxü̃ curüngü̃xẽxẽ nax togü ga nachixü̃anegümaxã ichacuáxü̃ca̱x. Rü yemaacü ga yema duü̃xü̃gü ga noxri tama nüxü̃ chacuáxü̃ rü ñu̱xma rü choxü̃́ napuracüe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:9

Rü yemaacü ga Dabí rü guxü̃wama nanguchiga nax naporaxüchixü̃. Rü nüma ya Cori ya Tupana ya Guxãétüwa Ngẽxmacü rü naxü̃tawa nayexma.

Ester 9:4

Rü nüma ga Maduquéu rü ãẽ̱xgacüpatawa rü ãẽ̱xgacüarü ngü̃xẽẽruxü̃ ga mecü nixĩ. Rü guxü̃ma ga Achuéruchixü̃anegüwa rü nüxü̃ nacuáchigagü. Rü yemaacü wüxichigü ga ngunexü̃gu rü yexeraãcü napora.

Wiyaegü 18:43

Rü cuma rü choxü̃ ícunguxuchixẽxẽ naxme̱xwa ga duü̃xü̃gü ga tama chauga ĩnüechaü̃xü̃. Rü togü ga nachixü̃anegümaxã choxü̃ icucua̱xẽxẽ. Rü yemaacü ga yema duü̃xü̃gü ga noxri tama nüxü̃ chacuáxü̃ rü ñu̱xma rü chorü puracütanüxü̃ nixĩgü.

Wiyaegü 46:9

Yerü guxü̃wama ga ñoma i naanewa rü marü inayanaxoxẽxẽ nax nügü nada̱i̱xü̃ ga duü̃xü̃gü. Rü nüxü̃́ nayachixegüxẽxẽ ga norü würagü rü wocaxegü. Rü ínanagu ga naweü̃gü ga daiwa namaxã naxĩxü̃ne.

2 Chamué 3:6

Rü yema nügü nax nada̱i̱xü̃ ga Chaúarü churaragü namaxã ga Dabíarü churaragü rü inida. Rü Abnéx rü yexeraãcü napora namaxã ga Chaútanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:1

Rü yema Dabí nanegü ga Ebróü̃gu buexü̃ rü ñaagü nixĩ. Rü Anóü̃ nixĩ ga nane ga yacü. Rü naé rü Ainóaü̃ ga ĩane ga Yereécüã̱x iyixĩ. Rü gumá nai ga nane rü Danié nixĩ. Rü naé iyixĩ ga Abigái ga Carméxcüã̱x.