2 Chamué 24:6 - Tupanaarü Ore

⁶ Rü yemawena rü Garaáxanewa rü ñu̱xũchi Cadéanewa ga Itítanüxü̃chixü̃anewa yexmanewa naxĩ. Rü Dáü̃anewa nangugü rü ñu̱xũchi ĩane ga Chidóü̃wa naxĩ.

2 Chamué 24:6 Referans Kwoze

Yochué 19:28

Rü yemaacü nawa nada ga Axdóü̃, rü Reóx, rü Amóü̃, rü Caná rü ñu̱xmata nawa nangu ga guma taxü̃ne ga ĩane ga Chidóü̃.

Ãẽ̱xgacügü ga guxchaxü̃güarü mexẽxẽruü̃gü 1:31

Rü yexgumarüxü̃ ta ga Achétanüxü̃ rü taxucürüwa Canaáü̃tanüxü̃xü̃ ínawoxü̃ ga Acówa rü Chidóü̃wa rü Aráxwa rü Achíxwa rü Erebáwa rü Aféxwa rü ñu̱xũchi Reóxwa. Rü yemaca̱x ga nüma ga Achétanüxü̃ rü yema Canaáü̃tanüxü̃tanügu naxãchiü̃gü.

Yochué 19:47

Natürü ga yema norü naane rü naxíxra rü tama nüxü̃́ ningu. Rü yemaca̱x ga ñuxre ga Dáü̃tanüxü̃ rü naxca̱x ínayaxüãchi ga guma ĩane ga Lechéü̃, rü nanadai ga guxü̃ma ga norü duü̃xü̃gü rü noxrüxü̃ nanayauxgü ga guma ĩane. Rü guma ĩanewa namaxẽ, rü ñu̱xũchi nanaxüchicüxü ga naéga, rü Dáü̃gu nanaxüégagü nax yemaacü norü o̱xina nawa nacua̱xãchigüxü̃ca̱x. Rü yema nixĩ ga naane ga Dáü̃tücumüarü duü̃xü̃güna üxü̃ norü ĩanegümaxã rü norü ĩanexacügümaxã.

Yochué 11:8

Rü nüma ga Cori ya Tupana rü nanaporamaexẽxẽ ga Iraétanüxü̃. Rü yemaca̱x norü uanügüxü̃ nibuxmüxẽxẽ rü nawe nangẽgü ñu̱xmata guma ĩane ga taxü̃ne ga Chidóü̃wa rü Mirepóx-maíü̃wa nangugü rü ñu̱xmata Mispáarü éstewaama yexmaxü̃ ga doxonexü̃wa nangugü. Rü bai ga wüxi ga maxü̃xü̃ ga íyaxüxü̃, rü guxü̃xü̃ma nadai.

Iraétanüxü̃arü muxchiga 32:39

Rü yema Manaché nane ga Maquítanüxü̃ rü Garaáxanegu nachocu rü ñu̱xũchi nayapugü rü ínanawoxü̃ ga yema Amoréutanüxü̃ ga yéma maxẽxü̃.

Iraétanüxü̃arü muxchiga 32:1

Rü yema Rubéü̃tanüxü̃ rü Gáxtanüxü̃ rü namuxũchi ga naxü̃nagü. Rü yexguma nüxü̃ nadaugügu ga yema Yachéxane rü Garaáxane nax namexü̃ nax naxü̃nagü nawa nayaexẽẽxü̃, rü Moichéxü̃tawa rü chacherdóte ga Ereacháxü̃tawa rü ñu̱xũchi yema duü̃xü̃gümaxã icua̱xgüxü̃xü̃tawa naxĩ. Rü nüxna nayacagü rü ñanagürügü:

Naanearü ügüchiga 31:21

Rü nixũmare namaxã ga guxü̃ma ga yema nüxü̃́ yexmaxü̃. Rü paxãma nawa nangu ga yema natü ga Eufráte. Rü nixüe rü nixũchigü ñu̱xmata ga ma̱xpǘneanexü̃ ga Garaáxgu ãégaxü̃wa nangu.

Naanearü ügüchiga 10:15

Rü Canaáü̃ nixĩ ga nanatü ga Chidóü̃ ga nüxíraü̃cü ga nane. Rü nai ga nane nixĩ ga Éx. Rü Canaáü̃wa nangóe ga Yebuchéugü, rü Amoréutanüxü̃, rü Guerguechéugü, rü Ebéugü, rü Arachéugü, rü Chinéugü, rü Arbadéugü, rü Chemaréugü rü Amatéugü. Rü yixcama ga guxü̃ma ga yema Canaáü̃tanüxü̃ rü nügüna nixĩgü. Rü yema norü naane ga nawa nayexmagüxü̃ ga Canaáü̃tanüxü̃, rü ĩane ga Chidóü̃wa inaxügü rü Gueráxanemaxã nangau rü ñu̱xmata ĩane ga Gáchawa nangu. Rü yéma rü ĩanegü ga Chodóma, rü Gomóra, rü Axmá, rü Cheboíü̃wa nada rü ñu̱xmata ĩane ga Léchawa nangu.