2 Chamué 24:3 - Tupanaarü Ore

³ Natürü ga Yoá rü ãẽ̱xgacüxü̃ nangãxü̃ga rü ñanagürü: —Rü yima Cori ya curü Tupana, Pa Ãẽ̱xgacüx, rü name nax 100 e̱xpü̱xcüna ñu̱xmaarü yexera yamuxẽẽxãxü̃ i curü duü̃xü̃gü, rü name nax cumax, Pa Ãẽ̱xgacüx, cumaxü̃xü̃ nax nüxü̃ cudauxü̃ca̱x i ngẽma. ¿Natürü tü̱xcüü̃ i cunaxwa̱xexü̃ nax cuyaxugüxü̃, Pa Ãẽ̱xgacüx? —ñanagürü.

2 Chamué 24:3 Referans Kwoze

Wenaxarü naxümatü ga Tupanaarü mugü 1:11

Rü chanaxwa̱xe nax yimá nũxcümaü̃güxü̃ i perü o̱xigüarü Tupana rü ñu̱xmaarü yexera 1,000 e̱xpü̱xcüna pexü̃ yamuxẽẽxü̃. Rü yema Tupana pemaxã naxueguxü̃ãcüma, chanaxwa̱xe i pexü̃ narüngü̃xẽxẽ.

Wiyaegü 115:14

Rü chanaxwa̱xe, Pa Iraétanüxü̃x, nax Cori ya Tupana pexü̃ imuxẽẽxü̃ rü yamuxẽẽãxü̃ i pexacügü.

Ichaía 60:5

Rü ngẽxguma ngẽmaxü̃ pedaugügu rü tá poraãcü petaãẽgü rü taãẽmaxã tá penapagü. Rü ngẽma márpechinüwa ngẽxmagüxü̃ i nachixü̃anegücüã̱x rü tá pexca̱x ngéma nanana i norü ngẽmaxü̃gü.

Ucu̱xẽgüchiga 14:28

Wüxi i ãẽ̱xgacüca̱x, rü taãxẽ nixĩ ega namuxgu i ngẽma duü̃xü̃gü i namaxã inacuáxü̃, natürü ngẽxguma noxretama i duü̃xü̃gümaxã inacua̱xgu rü natura.

2 Chamué 10:12

¡Taxṹ i cumuü̃xü̃ rü cugü naporaxẽxẽ! ¡Rü ngĩxã yigü namaxã tadai naxca̱x i tórü nachixü̃ane rü tóxrü Cori ya Tupanaarü ĩanegü! Rü nüma ya tórü Cori ya Tupana rü tá nanaxü i ngẽma nüma nüxü̃ nacuáxü̃ nax namemaexü̃ —ñanagürü.

2 Chamué 24:4

Natürü nüma ga ãẽ̱xgacü rü Yoáxü̃ rü yema churaragüerugüxü̃ namuama nax duü̃xü̃güxü̃ yaxugüexü̃ca̱x. Rü nüma ga Yoá rü yema togü ga churaragüeru rü ãẽ̱xgacüna nixĩgachitanü nax yemaacü naxügüã̱xü̃ca̱x nax yaxugüãxü̃ca̱x ga guxü̃ma ga duü̃xü̃gü ga Iraéanewa yexmagüxü̃.