2 Chamué 24:11 - Tupanaarü Ore

¹¹ Yexguma moxü̃ãcü pa̱xmama naba̱i̱xãchigu ga Dabí, rü nümax ga Cori ya Tupana rü norü orearü uruxü̃ ga Gáx ga Dabíarü ngü̃xẽẽruxü̃ ixĩcümaxã nidexa rü ñanagürü nüxü̃:

2 Chamué 24:11 Referans Kwoze

1 Chamué 22:5

Rü wüxi ga ngunexü̃gu ga Tupanaarü orearü uruxü̃ ga Gáx rü Dabíxü̃ naxuxcu̱xẽ rü ñanagürü: —¡Taxṹ i ngẽma ãxmaxü̃gu curüxã́ũxü̃! ¡Rü Yudáarü naanewa naxũ! —ñanagürü. Rü yemaca̱x ga nüma ga Dabí rü nixũ rü naixnecü ga Érewa nangu.

1 Chamué 9:9

(Nũxcüma yexguma wüxi ga Iraétanüxü̃ Tupanana caxchaü̃gu rü ñanagürü: “¡Ngĩxã nüxna tayaca ya yimá Ẽxü̃guxü̃xü̃ Cuácü!” ñanagürü. Rü nũxcüma rü “Ẽxü̃guxü̃xü̃ Cua̱xcümaxã nanaxugü”, natürü i ñu̱xma rü “Orearü Uruxü̃maxã nanaxugü”.)

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:29

Rü guxü̃ma ga yema Dabí üxü̃ ga yexguma ãẽ̱xgacü yixĩxgu rü yema popera ga Tupanaarü orearü uruxü̃ ga Chamué ümatüxü̃gu naxümatü. Rü yexgumarüxü̃ ta ga yema Dabí üxü̃ rü naxümatü nagu ga yema popera ga Tupanaarü orearü uruxü̃ ga Natáü̃ ümatüxü̃, rü nagu ga yema popera ga Tupanaarü orearü uruxü̃ ga Gáx ümatüxü̃ ga Dabíchiga.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:19

Rü yexguma Achubá yuxguwena rü nüma ga Caréx rü Efrátamaxã naxãxma̱x. Rü yemawa nüxü̃́ nayexma ga wüxi ga nane ga Úru ga naéga.

2 Chamué 24:12

—¡Dabíxü̃tawa naxũ rü chauégagu namaxã nüxü̃ ixu i ñaa chorü ore!: “Choma rü tomaepü̱x i poxcugu namaxã charüxĩnü, rü chanaxwa̱xe i nüxü̃ nixu i ngexü̃rüü̃xü̃ i nanaxwa̱xexü̃ nax chanaxüxü̃” —ñanagürü nüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:9

Rü yexguma ga Cori ya Tupana rü Dabíarü ucu̱xẽruxü̃ ga Gáxü̃ namu, yerü guma nixĩ ga Dabímaxã Tupanaarü orexü̃ ixucü. Rü nüma ga Tupana rü Gáxü̃ ñanagürü:

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:5

Rü yemagü nixĩ ga nanegü ga Emáü̃ ga Dabíarü ucu̱xẽruxü̃. Rü 14 nixĩ ga nanegü rü 3 iyixĩ ga naxacügü. Rü namune rü nüxü̃́ nayexma ga pora yerü woetama yemaacü Tupana namaxã nanaxuegu.

Norü taxre ga to ga popera ga ãẽ̱xgacügüchiga ümatüxü̃ 29:25

Rü nüma ga Echequía rü guma Tupanapata ga taxü̃negu nanamugü ga Lebítanüxü̃ ga platíyugümaxã rü árpagümaxã rü árpaxacügümaxã paxetagüxü̃. Rü yemaacü nixĩ ga Dabímaxã rü Tupanaarü orearü uruü̃gü ga Gáxmaxã rü Natáü̃maxã nüxü̃ yaxuxü̃ ga Cori ya Tupana.

2 Chamué 12:1

Rü nüma ga Cori ya Tupana rü norü orearü uruxü̃ ga Natáü̃xü̃ namu ga Dabíxü̃tawa nax naxũxü̃ca̱x. Rü yexguma Natáü̃ Dabíxü̃tawa nguxgu, rü ñanagürü nüxü̃: —Wüxi ga ĩanewa nayexma ga taxre ga yatü. Wüxi rü namuarü yemaxü̃ã̱xü̃chi rü yema to rü nangearü yemaxü̃ã̱x.