2 Chamué 24:1 - Tupanaarü Ore

¹ Cori ya Tupana rü wenaxarü Iraétanüxü̃arü chixexü̃gagu nanu. Rü yemaca̱x ga nüma ga Tupana rü Dabíãẽwa nananguxẽxẽ nax Iraécüã̱xgüca̱x guxchaxü̃ ínanguxẽẽxü̃. Rü Dabíxü̃ namu nax yaxugügüãxü̃ca̱x ga guxü̃ma ga duü̃xü̃gü ga Iraéanewa rü Yudáanewa yexmagüxü̃.

2 Chamué 24:1 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:1

Rü nüma ga Chataná rü Iraéanecüã̱xgümaxã nanu, rü yemaca̱x Dabíãẽwa ínananguxẽxẽ nax Iraéanecüã̱xgüxü̃ yaxugüxü̃ca̱x.

Ngechuchuarü ngúexü̃gü ga yamugüxü̃arü puracüchiga 4:28

Rü yemaacü ga yema ãẽ̱xgacügü rü nayanguxẽxẽ ga guxü̃ma ga yema cuma nũxcümama nagu curüxĩnüxü̃ rü nüxü̃ quixuxü̃ rü tá nax yanguxü̃.

Echequié 20:25

Rü düxwa chanayexrü nax nagu naxĩxü̃ca̱x ga yema tupananetagüarü mugü ga tama imexü̃ rü tama maxü̃ nüxna ãxü̃.

Echequié 14:9

Rü ngẽxguma wüxi i orearü uruü̃neta doraxü̃ ixuxgu, rü ngẽmaãcü tá nixĩ erü tama nüxna chanachu̱xu nax nüxü̃ yaxuxü̃ca̱x i ngẽma dora. Rü choma rü tá chanapoxcu, rü ñu̱xũchi chorü duü̃xü̃gü i Iraétanüxü̃pe̱xewa tá chanayuxẽxẽ.

2 Chamué 16:10

Natürü nüma ga ãẽ̱xgacü rü nanangãxü̃ rü ñanagürü: —Ñaa rü tama perü guxcha nixĩ, Pa Cheruiá Nanegüx. Rü ngẽxguma Tupanaarü mu yixĩxgu nax ta̱xacü chomaxã yaxugüxü̃ rü ¿texé tá tixĩ ya nüxna naxca̱x caxe i ngẽma inaxüxü̃? —ñanagürü.

2 Chamué 12:11

Rü choma i Cori ya Tupana rü cumaxã nüxü̃ chixu rü cumaxã chanaxuegu rü cutanüxü̃ tátama guxchaxü̃ cuxca̱x ínguxẽẽxü̃. Rü cupe̱xewa tátama tüxü̃ chade ya cuxma̱xgü rü ngẽma cutanüxü̃na tá tüxü̃ chamugü, rü guxãpe̱xewa tá tümamaxã namaxü̃.

1 Chamué 26:19

Choma i curü duü̃xü̃ nax chixĩxü̃ rü cuxü̃ chaca̱a̱xü̃ Pa Ãẽ̱xgacüx nax choxü̃́ icuxĩnüxü̃. Rü ngẽxguma chi Tupana cuxna ĩnügu, Pa Ãẽ̱xgacüx, nax chomaxã curüxuanüxü̃ca̱x ¡rü nayaxu i chorü ãmare nax chomaxã curüngü̃xmüxü̃ca̱x! Natürü ngẽxguma chi cumatama nagu curüxĩnügu nax chauxchi cuxaixü̃, rü Tupana tá nixĩ ya nüxü̃ cuácü nax cuxü̃́ naxütanüãxü̃ naxca̱x i ngẽma. Yerü cuma nixĩ ga Tupanaarü duü̃xü̃güarü naanewa choxü̃ ícuta̱xüchixü̃ nax ngẽmaãcü togü i tupanagüxü̃ chicua̱xüü̃xü̃ca̱x.

Ínachoxü̃xü̃chiga 7:3

Natürü choma rü tá Faraóü̃xü̃ íchayataiãchiãẽxẽxẽ rü taxũtáma pexü̃́ nayaxõ. Rü Equítuanewa rü muxü̃tama i cua̱xruü̃gü i ãũcümaxü̃ tá ichawe̱x.

Naanearü ügüchiga 50:20

Pema nagu perüxĩnüegu rü chixexü̃ chomaxã pexüxü̃, natürü Tupana rü mexü̃xü̃ nananguxuchixẽxẽ ga yema chixexü̃ ga chomaxã pexüxü̃. Rü yemaca̱x ãẽ̱xgacüxü̃ choxü̃ ningucuchixẽxẽ i nua nax ngẽmaãcü namaxẽxü̃ca̱x i muxü̃ma i duü̃xü̃gü.

Naanearü ügüchiga 45:5

Natürü tama chanaxwa̱xe i penaxĩ̱xãchiãẽtanü rü pegüchitama pexaie naxca̱x ga yema chomaxã nax petaxegüxü̃. Yerü Tupana nixĩ ga woetama pepe̱xegu nua choxü̃ mucü nax tama taiyamaxã peyuexü̃ca̱x.

2 Tesalonicenses 2:11

Rü ngẽmaca̱x ya Tupana rü nanangexrü i ngẽma duü̃xü̃gü nax ínatüexü̃ca̱x rü yaxõgüãxü̃ca̱x i ngẽma doramare ixĩxü̃.

Lebítanüxü̃arü puracüchiga 10:6

Rü yemawena ga Moiché rü nayaxucu̱xẽ ga Aróü̃ rü nanegü ga Ereachá rü Itamá rü ñanagürü: —¡Taxũtáma pegü pexĩxerugüxẽxẽ rü pegüchirugu pegáugüe nax ngẽmaãcü ipenawéxü̃ca̱x i perü ngechaü̃ naxca̱x i ngẽma yuexü̃! Erü ngẽxguma ngẽmaãcü penaxü̱xgu rü ngürüãchi pema rü tá ta peyue rü guxü̃táma i Iraétanüxü̃maxã nanu ya Tupana. Natürü name nax guxü̃ma i ngẽma togü i Iraétanüxü̃ naxca̱x auxexü̃ i ngẽma taxre i norü chixexü̃gagu Cori ya Tupana daixü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:2

Rü Torá nanegü nixĩ ga Uchí, rü Refaía, rü Yerié, rü Yamái, rü Ixcháü̃, rü Chamué. Rü nümagü nixĩ ga Torátanüxü̃maxã inacua̱xgüxü̃. Rü norü o̱xigürüxü̃ churaragü ga tama muü̃wa̱xegüxü̃ nixĩgü. Rü yexguma Dabí maxü̃gu rü 22,600 wa nangu ga yema Torátanüxü̃arü mu.

Ãẽ̱xgacügü ga guxchaxü̃güarü mexẽxẽruü̃gü 2:14

Rü yemaca̱x ga nüma ga Cori ya Tupana rü poraãcü yema Iraétanüxü̃maxã nanu rü nüxna nixũgachi nax yema ingĩ́ta̱a̱xgüxü̃ rü norü yemaxü̃güca̱x nangĩ̱xgüxü̃ca̱x, rü yema norü uanügü ga Iraéanearü ngaicamagu ngẽxmagüxü̃ rü guxü̃guma nüxü̃ naporamaegüxü̃ca̱x. Rü nüma ga Iraétanüxü̃ rü taxucürüwama nügü ínapoxü̃gü.

Ãẽ̱xgacügü ga guxchaxü̃güarü mexẽxẽruü̃gü 2:20

Rü yemaca̱x ga Tupana rü Iraétanüxü̃maxã nanu rü ñanagürü: —Ñaa duü̃xü̃gü rü nayanaxoxẽẽgü ga yema uneta ga norü o̱xigümaxã nüxü̃ chixuxü̃, rü tama chauga naxĩnüechaü̃.

Norü taxre ga popera ga ãẽ̱xgacügüchiga 3:6

Rü yemaca̱x ga Iraéanearü ãẽ̱xgacü ga Yoráü̃ rü ínaxũxũ ga ĩane ga Chamáriawa nax guxü̃ma ga Iraéanewa yexmagüxü̃ ga norü churaragüxü̃ yangugüãxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:40

Rü guxü̃ma ga yemagü rü Achétaagü nixĩgü. Rü natanüxü̃maxã inacua̱xgü, rü churaragü ga tama muü̃wa̱xegüxü̃ nixĩgü, rü ñu̱xũchi yatügü ga nüxü̃ icua̱xgüxü̃ nixĩgü. Rü yema popera ga guxü̃ma ga nügütanüxü̃ nagu iwǘgüxü̃wa rü nayexma ga 26,000 ga yatügü ga daica̱x ímemaregüxü̃.

Norü taxre ga to ga popera ga ãẽ̱xgacügüchiga ümatüxü̃ 32:25

Natürü yemaétüwa rü nüma ga Echequía rü tama Tupanana moxẽ naxã naxca̱x ga yema norü ngü̃xẽxẽ rü nügü nicua̱xüxü̃. Rü yemaca̱x nüma ga Tupana rü Echequíamaxã nanu. Rü yexgumarüxü̃ ta guxü̃ma ga Yudáanecüã̱xgümaxã rü Yerucharéü̃cüã̱xgümaxã nanu.