2 Chamué 23:8 - Tupanaarü Ore

⁸ Rü ñaagü nixĩ i naégagü ga Dabíarü churaragü ga iporaexü̃ ga daiwa: Ibóchex, ga Axmóü̃cüã̱x ixĩxü̃, rü nüma nixĩ ga yema tomaepü̱x ga iporaxüchixü̃maxã inacuáxü̃. Rü wüxicana ga nüma rü wocaemaxã 800 ga yatü nadai.

2 Chamué 23:8 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:2

Rü Fáretanüxü̃ ga Yachobeáü̃ ga Chadié nane nixĩ ga yema nüxíratücumü ga 24,000 ga churaragümaxã icuáxü̃. Rü Yachibeáü̃me̱xẽwa nayexmagü ga guxü̃ma ga yema churaragüarü ãẽ̱xgacügü ga gumá nüxíraü̃cü ga tauemacügu puracüexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:32

Rü Yonatáü̃ ga Dabínepü nixĩ ga norü ucu̱xẽruxü̃. Rü nüma rü wüxi ga yatü ga mea naãẽxü̃ cuácü nixĩ. Rü Yeié ga Axmoní nane nixĩ ga ãẽ̱xgacü nanegüarü dauruxü̃.

Nüxíraxü̃xü̃ ga popera ga ãẽ̱xgacügüchiga 1:8

Natürü ga chacherdóte ga Chadóx, rü tama Adoníawa naxǘ, rü bai ga Benaía ga Yoiadá nane, rü bai ga gumá Tupanaarü orearü uruxü̃ ga Natáü̃, rü bai ga Chimí ga ãẽ̱xgacü ga Dabímücüxüchi ixĩcü, rü bai ga yema Dabíarü churaragü ga nüxü̃ rücua̱xmaegüxü̃ rü taxuxü̃ma naxügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:10

Rü ñaagü nixĩ ga yema Dabíarü churaragü ga yexera rüporamaegüxü̃ rü tama muü̃wa̱xegüxü̃ ga nüxü̃ rüngü̃xẽẽgüxü̃ ga yexguma ãẽ̱xgacü yixĩxgu. Rü nümagü rü wüxigu guxü̃ma ga Iraétanüxü̃maxã nixĩ ga Dabíxü̃ yangucuchixẽẽgüxü̃ nax ãẽ̱xgacü yixĩxü̃ca̱x, yema Cori ya Tupana Iraétanüxü̃maxã nüxü̃ ixuxü̃ãcüma.

Ãẽ̱xgacügü ga guxchaxü̃güarü mexẽxẽruü̃gü 15:15

Rü yexguma ga Chanchóü̃ rü nanayaxu ga wüxi ga búruchicüra ga yexma üxü̃ ga taxũta mea ipaxü̃. Rü yemamaxã tüxü̃ nadai ga 1,000 ga Firitéugü.

2 Chamué 10:7

Natürü nüma ga Dabí rü nüxü̃ nacua̱xama ga yema, rü yemaca̱x Yoáxü̃ inamuãchi guxü̃ma ga norü churaragümaxã.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:1

Rü yema Iraétanüxü̃arü churaragü rü 12 tücumügu nitoye. Rü wüxitücumüwachigü rü 24,000 ga churaragü nayexma. Rü yema churaragümaxã icua̱xgüxü̃ nixĩ ga yema yatügü ga natanüxü̃arü ãẽ̱xgacügü ixĩgüxü̃. Rü yema churaraerugütanüwa nayexma ga yema 1,000 ga churaragümaxã icua̱xgüxü̃, rü yema 100 ga churaragümaxã icua̱xgüxü̃, rü yema churaragüerugü ga Dabíaxü̃́ puracüexü̃. Rü guxcüma ga taunecügu rü yema wüxitücumüchigü rü wüxitama ga tauemacü nixĩ ga nadauxü̃taegüxü̃.