2 Chamué 23:12 - Tupanaarü Ore

¹² Natürü nüma ga Chamá rü yema naanearü ngãxü̃wa nüxica nayaxǘ rü yema naane ínapoxü̃ rü Firitéugüxü̃ nadai. Rü nüma ga Cori ya Tupana rü Chamáxü̃ narüngü̃xẽxẽ rü yemaca̱x yema Firitéugüxü̃ narüporamae.

2 Chamué 23:12 Referans Kwoze

Ucu̱xẽgüchiga 21:31

Ngẽma churara rü nanamexẽxẽ i norü cowaru nax daiwa naxũxü̃ca̱x. Natürü Tupana nixĩ ya yimá pora nüxna ãcü nax norü uanügüxü̃ naporamaexü̃ca̱x.

2 Chamué 23:10

Natürü nüma ga Ereachá rü tama niña. Rü yema Firitéugüxü̃ nadaiama, rü woo nipa̱xme̱xüchi natürü tama nüxü̃ ninge̱x ga norü tara. Rü yema ngunexü̃gu rü Cori ya Tupana yexeraãcü norü uanügüxü̃ nanaporamaexẽxẽ. Rü yemaxü̃ nax nadaugüxü̃ ga Iraéanearü churaragü, rü Ereacháca̱x nawoegu nax nügüaxü̃́ nadeaxü̃ca̱x ga yema yemaxü̃gü ga norü uanügüna napuxü̃xü̃.

Wiyaegü 44:2

Rü cumatama nixĩ ga ñaa naanewa ícuwoxü̃xü̃ ga yema duü̃xü̃gü ga tama cuxü̃́ yaxõgüxü̃. Rü cunadai ga yema duü̃xü̃gü nax nachicüxü ñaa naanegu cuxãchiü̃güxẽẽxü̃ca̱x ga torü o̱xigü.

Wiyaegü 3:8

Rü cuma nixĩ, Pa Corix, i ãũcümaxü̃wa toxü̃ ícunguxü̃xẽẽxü̃. ¡Rü mexü̃ namaxã naxuegu i curü duü̃xü̃gü!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:13

Rü nüma ga Ereachá nixĩ ga Dabíxü̃tawa nayexmaxü̃ ga Pax-damíü̃wa ga yexguma Firitéugü daica̱x yexma ngutaque̱xegügu. Yéma nayexma ga wüxi ga chebádanecü. Rü yexguma Firitéugücha̱xwa yabuxmügu ga Iraétanüxü̃, rü nüma ga Ereachá rü Dabímaxã yema chebádanecüarü ngãxü̃wa Firitéugüxü̃ nananguxẽẽgü. Rü ínanapoxü̃ ga yema naane rü Firitéugüxü̃ narüporamaegü. Rü yemaacü nüma ga Cori ya Tupana rü poraãcü nanaporamaexẽẽgü.