2 Chamué 22:9 - Tupanaarü Ore

⁹ Rü naxmaraü̃wa ínaxũxũ ga caixemaxü̃, rü naã̱xwa ínaxũxũ ga üxüema ga nawa iyuxü̃, rü naã̱xwa ínachoxü̃ ga ã́xwe ga inaixcü.

2 Chamué 22:9 Referans Kwoze

Popera ga Yudíugü ga yaxõgüxü̃ca̱x ümatüxü̃ 12:29

Erü tórü Tupana, rü wüxi ya üxü ya guxü̃ma ixaxẽẽcü nixĩ.

Abacú 3:5

Rü nape̱xegu nixũ i da̱xaweanegü i ãũcümaxü̃gü, rü naweama ne naxũ i üxü i poraxüchixü̃.

Yeremía 15:14

Rü ñu̱xma rü tá perü uanügüme̱xẽwa pexü̃ changexmagüxẽxẽ, rü wüxi i naane i tama nüxü̃ pecuáxü̃wa tá pexü̃ nagagü. Erü poraãcüxüchima pemaxã chanu rü ñoma wüxi ya üxü ya pexü̃ iguxü̃rüxü̃ tá pexü̃ chagu̱xẽxẽ —ñanagürü ya Tupana.

Ichaía 30:27

Dücax, nüma ya Cori ya Tupana rü yáxü̃wa ne naxũ. Rü ngẽma norü nu rü ninai caixemaxü̃ i pamüemaxü̃maxã. Rü ngẽma naberagü rü numaxã nanapagü. Rü yima norü conü rü ñoma üxüema i tüxü̃ iguxü̃rüxü̃ nixĩ.

Wiyaegü 18:15

Rü yexguma Tupana norü numaxã nangaxgu ga yema uanügü rü naétü cue ñaxgu rü nipachitama ga már rü nango̱x ga yema naane naétügu üxü̃.

Wiyaegü 18:8

Rü naxmaraü̃wa rü caxixü̃ ínaxũxũ. Rü naã̱xwa ínaxũxũ ga üxüema ga ñoma ga naane ixaxẽẽxü̃, rü ínaxũxũ ga ã́xwe ga inaicü.

Yox 4:9

Rü nüma ya Cori ya Tupana rü norü numaxã wüxiarü cue ñaxü̃maxãtama nixĩ i nadaiaxü̃ i ngẽma chixexü̃ ügüxü̃.

2 Chamué 22:16

Rü Cori ya Tupana rü naga ga ãũcümaxü̃gagu rü yema poraãcü cue ñaxü̃gagu rü nangótama ga már rü nango̱x ga yema ñoma i naanearü aixepewa ngẽxmaxü̃.

2 Chamué 22:13

Rü yema norü ya̱u̱xracüümaxã naxãẽmacüane rü inaixcü ga ã́xwe narüyixixü̃.

Wenaxarü naxümatü ga Tupanaarü mugü 32:22

Rü ngẽma chorü nu rü ñoma üxüxemarüxü̃ niyaura. Rü ngẽma üxüema rü woo naanearü aixepewa nangu nax yayauraxü̃. Rü tá nixa i ñoma i naane rü guxü̃ma i nanetüarü o i nawa ngẽxmagüxü̃. Rü woo yima ma̱xpü̃́negü rü tá niyaurapǘnegü.

Ínachoxü̃xü̃chiga 24:17

Rü yema Cori ya Tupanaarü üüne rü yema Iraétanüxü̃ca̱x nango̱x nawa ga guma ma̱xpǘne ga ngextá yexeraãcü ínachuchitaeruxü̃wa. Rü ñoma wüxi ga üxüema ga nawa ixaxü̃nerüxü̃ nixĩ ga nüxü̃ nadaugügu.

Ínachoxü̃xü̃chiga 19:18

Rü guxü̃wama ga guma ma̱xpǘne ga Chinaí rü narücaxi yerü Tupana rü üxüemamaxã yexma ínarüxĩ. Rü yema caxixü̃ rü ñoma wüxi ga üxüemarüxü̃ nixĩ. Rü yexgumatama ga guma ma̱xpǘne rü poraãcü nixĩã̱xcüxü.

Ichaía 30:33

Erü nũxcümacürüwatama nixĩ ga Achíriaanearü churaragüca̱x rü norü ãẽ̱xgacüca̱x ínamexẽẽãxü̃ i wüxi i nachica i taxü̃ rü mátamaxü̃ i üxü nawa ngẽxmaxü̃. Rü ngéma nangẽxma ya tacü ya üxü i muxü̃ma i üxü nawa ngẽxmane. Rü nüma ya Cori ya Tupana rü wüxi i cuemaxã tá nayanaixẽxẽ. Rü ñoma üxüema i achúfremaxã inaixü̃rüxü̃ tá nixĩ.