2 Chamué 22:51 - Tupanaarü Ore

⁵¹ Cuma rü guxü̃guma cunaporamaexẽxẽ ya yimá ãẽ̱xgacü ya cuma nüxü̃ cuxunetacü. Rü cuma rü guxü̃guma nüxü̃ cungechaü̃ ya Dabí rü nataagü —ñanagürü ga Dabí ga norü wiyaewa.

2 Chamué 22:51 Referans Kwoze

Wiyaegü 144:10

Rü cuma nixĩ i nachixü̃anegüarü ãẽ̱xgacügüxü̃ curüngü̃xẽẽxü̃ nax norü uanügüxü̃ naporamaegüxü̃ca̱x. Rü cuma nixĩ ga curü duü̃ ga Dabíxü̃ ícunguxũchixẽẽxü̃ naxme̱xwa ga norü uanügü. ¡Rü ñu̱xma rü choxü̃ ínapoxü̃ nax tama norü taramaxã choxü̃ yama̱xgüxü̃ca̱x i chorü uanügü! ¡Rü choxü̃ napu naxme̱xwa i ñaa chorü uanügü i dorata̱a̱xgüxü̃ i norü doramaxã choxü̃ íxuaxü̃güxü̃!

Wiyaegü 89:29

Rü ngẽma nataagü rü nachicüxü guxü̃gutáma nüxí Iraéanecüã̱xgüarü ãẽ̱xgacügü nixĩgü ñu̱xmatáta nagu i naane.

Wiyaegü 89:20

Rü nüma nixĩ ya yimá chorü duü̃ ya Dabí. Rü yexguma chorü chíxü̃ i üünexü̃maxã chanabaerugu, rü nüxü̃ chaxuneta nax chorü duü̃xü̃güarü ãẽ̱xgacü yixĩxü̃ca̱x.

Wiyaegü 18:50

Cuma rü guxü̃guma chorü uanügüxü̃ choxü̃ curüporamaexẽxẽ erü cumatama choxü̃ cuxuneta i choma i Dabí nax Iraétanüxü̃arü ãẽ̱xgacü chixĩxü̃ca̱x. Rü cuma rü guxü̃guma choxü̃ cungechaü̃ rü nüxü̃ cungechaü̃ i chaunegü rü chautaagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Yeremía 30:9

Rü nümagü i chorü duü̃xü̃gü rü chorü ngúchaü̃ tá nixĩ i naxügüxü̃ i choma ya Cori nax norü Tupana chixĩxü̃. Rü yimá Dabítaxa i choma nüxü̃ chaxunetacü tá nixĩ i norü ãẽ̱xgacü” —ñanagürü.

Wiyaegü 91:2

Rü choma rü ñachagürü cuxü̃: —Pa Corix, cuxicatama nixĩ i chorü cu̱xchicaxü̃ quixĩxü̃, rü chorü poxü̃ruxü̃ quixĩxü̃ rü chorü Tupana ya cuxü̃́ chayaxõcü quixĩxü̃ —ñachagürü cuxü̃.

Wiyaegü 89:36

Rü ngẽma nataagü rü nüxí nachicüxü guxü̃gutáma Iraéanecüã̱xgüarü ãẽ̱xgacügü nixĩgü ñoma üa̱xcü ibáixechaxü̃rüxü̃.

Wiyaegü 89:26

Rü nüma rü tá ñanagürü choxü̃: “Cuma nixĩ i chaunatü quixĩxü̃ rü chorü Tupana ya choxü̃ ípoxü̃cü rü choxna daucü quixĩxü̃”, ñanagürü tá.

Wiyaegü 48:3

Rü Yerucharéü̃wa ngẽxmane ya ãẽ̱xgacüpatagüwa nixĩ i nangẽxmaxü̃ ya Tupana. Rü nüma ya Tupana rü nügü nango̱xẽxẽ nax yima ĩanearü poxü̃ruxü̃ ya aixcüma poracü yixĩxü̃.

Wiyaegü 21:1

Pa Cori Pa Tupanax, curü poragagu, rü nataãẽxü̃chi ya yimá ãẽ̱xgacü. Rü aixcüma nataãxẽ erü cuma rü norü uanügüxü̃ cunaporamaexẽxẽ.

Wiyaegü 3:3

Natürü cumax, Pa Corix, rü chorü poxü̃ruxü̃ quixĩ. Rü cuma nixĩ i choxü̃ cuporaxẽẽxü̃, rü choxü̃́ cunangúchaü̃xẽẽxü̃ nax tama chamuü̃xü̃ca̱x.

2 Chamué 22:2

Rü ñanagürü: —Cumax, Pa Corix, rü chorü poxü̃ruxü̃ quixĩ, rü chorü cu̱xchicaxü̃ quixĩ, rü chorü nguxuchixẽẽruxü̃ quixĩ, rü chorü Tupana quixĩ, rü nuta ya chorü poxü̃ruxü̃ quixĩ, rü chorü tüpe̱xeruxü̃ quixĩ, rü chorü maxẽẽruxü̃ quixĩ, rü ma̱xpǘnetape̱xewa ngẽxmaxü̃ i chorü cu̱xchicaxü̃ i nagu changaxixü̃ quixĩ. Rü ngẽmaãcü chorü maxẽẽruxü̃ quixĩ. Rü cuma nixĩ i chorü uanügüme̱xẽwa choxü̃ ícunguxuchixẽẽxü̃ nax tama choxü̃ yama̱xgüxü̃ca̱x.

Wiyaegü 89:24

Rü choma rü poraãcü tá nüxü̃ changechaü̃, rü namaxã tá chixaixcüma. Rü tá yexeraãcü chayaporaxẽxẽchigü.

2 Chamué 7:16

Rü cutaagü rü guxü̃gutáma ãẽ̱xgacü nixĩgü erü choma rü tá nüxna chadau. Rü ñu̱xma nax ãẽ̱xgacü quixĩxü̃ i cumax, rü ngẽxgumarüxü̃ ta rü tagutáma nataxu nax wüxi i cutaxa cuchicawa rütoxü̃ nax ãẽ̱xgacü yixĩxü̃’ ” —ñanagürü ga Tupana.

2 Chamué 23:1

Ñaa nixĩ ga nawa iyacuáxü̃ ga Dabíarü dexa. Rü nüma ya Dabí ya Ichaxí nane nixĩ ga gumá yatü ga Tupana natachigaxẽẽcü. Rü nüma nixĩ ga Acóbuarü Tupana nüxü̃ unetaxü̃ nax Iraéanearü ãẽ̱xgacü yixĩxü̃ca̱x. Rü nüma ya Dabí nixĩ ya Iraétanüwa meama wiyaexü̃ nacuáxü̃. Rü nüma rü ñanagürü: