2 Chamué 22:4 - Tupanaarü Ore

⁴ Rü cuxü̃́ nixĩ i namexü̃, Pa Corix, nax ticua̱xüü̃güxü̃. Rü ngẽxguma ãũcümaxü̃wa changexmagu rü aita cuxca̱x chaxüxgu, rü cuma rü chorü uanügüme̱xẽwa choxü̃ ícupoxü̃.

2 Chamué 22:4 Referans Kwoze

Wiyaegü 18:3

Rü cumax, Pa Cori, Pa Tupanax, nixĩ i namexü̃ nax cuxü̃ ticua̱xüü̃xü̃. Rü ngẽxguma ãũcümaxü̃wa changexmagu, rü aita cuxca̱x chaxüxgu, rü cuma rü chorü uanügüme̱xẽwa choxü̃ ícupoxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:12

Rü tagaãcü ñanagürügü: “Yimá Carnéru ga pecaduarü ütanüca̱x yucü rü yimá nixĩ yamecü nax guxü̃arü ãẽ̱xgacü yixĩxü̃, rü guxü̃arü yora yixĩxü̃. Rü name nax guxü̃ i cua̱x nüxü̃́ ngẽxmaxü̃, rü guxü̃arü yexera naporaxü̃. Rü nüma nixĩ i namexü̃ nax guxãma nüxü̃ ngechaü̃güxü̃ rü nataxẽẽgüxü̃ rü nüxü̃ icua̱xüü̃güxü̃”, ñanagürügü.

Romanos 10:13

Erü Tupanaarü ore i ümatüxü̃wa rü ñanagürü: “Guxãma ya yíxema tórü Corina caxe nax tüxna naxããxü̃ca̱x i maxü̃, rü tá tanayaxu i tümaarü maxü̃ i taguma gúxü̃”, ñanagürü.

Wiyaegü 96:4

Erü nüma ya Cori ya Tupana rü guxãétüwa nangẽxma, rü ngẽmaca̱x name nax nüxü̃xicatama icua̱xüü̃güxü̃. Erü nüma rü naxãũcümaxü̃chi rü guxü̃ma i ngẽma duü̃xü̃gü namaxã tupanaã́xü̃étüwa nangẽxma.

Wiyaegü 48:1

Nüma ya Cori ya Tupana rü guxãétüwa nangẽxma rü name nax nüxü̃ icua̱xüü̃güxü̃ nawa ya yima norü ĩane ya norü ma̱xpǘne ya üünene ya Chióü̃wa ngẽxmane.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.

Wiyaegü 116:17

Rü ngẽmaca̱x tá moxẽ cuxna chaxã rü naxü̃nagü tá cuxca̱x chadai rü íchanagu. Rü ngẽmaãcü tá cuxü̃ chicua̱xüxü̃ Pa Cori Pa Tupanax.

Wiyaegü 116:13

Rü nape̱xewa tá chanange i chorü ãmare i bínuchíü rü tá nüxü̃ chicua̱xüxü̃ yerü yuwa choxü̃ ínapoxü̃.

Wiyaegü 116:4

Rü yexguma ga choma rü Cori ga Tupanaca̱x aita chaxü rü ñachagürü: —¡Pa Corix, choxü̃ namaxẽxẽ! —ñachagürü.

Wiyaegü 106:2

¿Rü texé nüxü̃ tacua̱x nax nüxü̃ tixuxü̃ i guxü̃ma i ngẽma nüma norü poramaxã naxüxü̃? ¿Rü texé nüxü̃ tacua̱x nax nüma nanaxwa̱xexü̃ãcüma nüxü̃ ticua̱xüxü̃?

Wiyaegü 66:2

¡Rü perü wiyaemaxã penataxẽxẽ i naéga i üünexü̃! ¡Rü perü wiyaegümaxã nüxü̃ picua̱xüü̃gü!

Wiyaegü 56:9

Rü ngẽxguma curü ngü̃xẽẽca̱x cuxna chacaxgu, Pa Tupanax, rü ngẽma chomaxã rüxuanüã̱xgüxü̃ rü tá cuxcha̱xwa nibuxmü. Rü choma rü meama nüxü̃ chacua̱x nax chauétüwa cuchogüxü̃.

Wiyaegü 55:16

Natürü i choma rü tá Tupanana chaca̱a̱ma, rü nüma ya Cori rü tá choxü̃ ínapoxü̃.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Wiyaegü 34:6

Rü daa yatü ya taxuxü̃ma ixĩcü rü Cori ya Tupanana naca, rü nüma nüxü̃ naxĩnü rü ínananguxuchixẽxẽ nawa ga guxü̃ma ga norü oegaãẽgü.

Neemía 9:5

Rü ñu̱xũchi yema Lebítanüxü̃ ga Yochué, rü Caxmié, rü Baní, rü Achaxnía, rü Cherebía, rü Odía, rü Chebanía rü Petaía rü duü̃xü̃güxü̃ ñanagürügü: —¡Ẽcü, ipechigü rü ñu̱xma rü guxü̃guma nüxü̃ picua̱xüü̃gü ya Cori ya Tupana! Rü naéga rü naxüüne rü guxü̃étüwa nangẽxma. Rü ngẽmaca̱x name nixĩ i nüxü̃ ticua̱xüü̃gü —ñanagürügü.

Norü taxre ga to ga popera ga ãẽ̱xgacügüchiga ümatüxü̃ 20:22

Rü yexguma inaxügügu ga nax nawiyaegüxü̃, rü nüma ga Cori ya Tupana rü ínanatüexẽxẽ ga yema Amóü̃tanüxü̃ rü Moátanüxü̃ rü yema ma̱xpǘne ga Cheícüã̱xgü ga yéma ĩxü̃ nax Yudátanüxü̃maxã nügü nada̱i̱xü̃ca̱x. Rü yemaacü ga yema Yudátanüxü̃arü uanügü rü nügütama nadai.