2 Chamué 22:2 - Tupanaarü Ore

^2-3 Rü ñanagürü: —Cumax, Pa Corix, rü chorü poxü̃ruxü̃ quixĩ, rü chorü cu̱xchicaxü̃ quixĩ, rü chorü nguxuchixẽẽruxü̃ quixĩ, rü chorü Tupana quixĩ, rü nuta ya chorü poxü̃ruxü̃ quixĩ, rü chorü tüpe̱xeruxü̃ quixĩ, rü chorü maxẽẽruxü̃ quixĩ, rü ma̱xpǘnetape̱xewa ngẽxmaxü̃ i chorü cu̱xchicaxü̃ i nagu changaxixü̃ quixĩ. Rü ngẽmaãcü chorü maxẽẽruxü̃ quixĩ. Rü cuma nixĩ i chorü uanügüme̱xẽwa choxü̃ ícunguxuchixẽẽxü̃ nax tama choxü̃ yama̱xgüxü̃ca̱x.

2 Chamué 22:2 Referans Kwoze

Wiyaegü 71:3

Rü cuma nixĩ i nuta ya tacü ya chorü cu̱xchicaxü̃ quixĩxü̃. Rü guxü̃gutáma cuxü̃tagu charücúxü̃. Rü cuma nixĩ i nüxü̃ quixuxü̃ nax choxü̃ tá ícupoxü̃xü̃. Erü cuma nixĩ i nuta ya tacü ya chorü cu̱xchicaxü̃ quixĩxü̃.

Wiyaegü 31:3

Rü cuma nixĩ i chorü poxü̃ruxü̃ rü chorü cu̱xchicaxü̃. ¡Rü cuégaxü̃ cungechaü̃gagu choxna nadau rü chomaxã inacua̱x!

Wiyaegü 144:2

Rü nüma nixĩ i aixcüma chomücü yixĩxü̃ rü chorü poxü̃ruxü̃ yixĩxü̃. Rü naxca̱x nixĩ i chiñaxü̃ nax ngẽxma chicúxü̃ca̱x. Rü nüma nixĩ i chorü nguxuchixẽẽruxü̃ rü chorü tüpe̱xeruxü̃. Rü namaxã nixĩ i chaugü chatüpe̱xexü̃. Rü nüma nixĩ i cho̱xme̱xwa nangẽxmagüxẽẽãxü̃ i ĩanegü.

Wiyaegü 91:2

Rü choma rü ñachagürü cuxü̃: —Pa Corix, cuxicatama nixĩ i chorü cu̱xchicaxü̃ quixĩxü̃, rü chorü poxü̃ruxü̃ quixĩxü̃ rü chorü Tupana ya cuxü̃́ chayaxõcü quixĩxü̃ —ñachagürü cuxü̃.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

1 Chamué 2:2

Rü tataxuma ya texé ya cuxrüxü̃ üünexe, Pa Corix. Rü tataxuma ya texé cuxrüxü̃ duü̃xü̃güna dauxe, Pa Torü Tupanax. Rü nataxuma i ta̱xacü i cuxü̃ rüporamaexü̃.

Ore i mexü̃ ga Matéu ümatüxü̃ 16:18

Rü choma cumaxã nüxü̃ chixu rü cuma rü Pedru quixĩ. Rü ngẽma cuéga rü “nuta”, ñaxü̃chiga nixĩ. Rü cuma tá nixĩ i chorü duü̃xü̃gümaxã icucuáxü̃. Rü ngẽma yuarü pora rü taxũtáma nüxü̃ narüyexera i ngẽma chorü duü̃xü̃gü.

Wiyaegü 42:9

Rü ñachagürü nüxü̃ ya Tupana ya chorü poxü̃ruxü̃: —¿Tü̱xcüü̃ choxü̃ curüngü̃ma? ¿Rü ta̱xacüca̱x i ñu̱xma rü ngechaü̃ãcü ichixũxü̃ rü choxü̃ nua nachixeãẽgüxü̃ i chorü uanügü? —ñachagürü.

1 Chamué 23:25

Rü nüma ga Chaú rü norü churaragü rü inaxĩãchi nax naxca̱x nayadaugüxü̃ca̱x. Rü yexguma yemaxü̃ nacua̱xgu ga Dabí, rü guma ma̱xpǘnearü ãxmaxü̃wa nixĩgachi rü tóxnamana naxĩ ga Maóü̃arü chianexü̃wa. Rü nüma ga Chaú rü yema Maóü̃arü chianexü̃gu naxücu nax yexma Dabíca̱x nadauxü̃ca̱x.

1 Chamué 24:2

Rü yexguma ga Chaú rü 3,000 ga churaragü nidexechi ga guxü̃ma ga Iraéanecüã̱xgütanüwa, rü Dabíca̱x nayadaugü nagu ga yema ma̱xpǘnearü tuãchi.

2 Chamué 22:32

¿Rü texé tixĩ ya Coriétüwa Tupana ixĩxẽ? ¿Rü nangemaxü̃ i ta̱xacü i to i Tupanarüxü̃ nüxü̃́ tauxchaxü̃ nax tüxü̃ ínapoxü̃xü̃?

2 Chamué 22:33

Rü nüma ya Tupana nixĩ i choxü̃ naporaxẽẽxü̃. Rü yimá nixĩ ya iyanawe̱xãchixẽẽcü i chaucüma.

2 Chamué 23:3

Iraétanüxü̃güarü Tupana ya norü poxü̃ruxü̃ ixĩcü rü chomaxã nidexa rü ñanagürü: “Yimá ãẽ̱xgacü ya mea norü duü̃xü̃gümaxã icuácü rü mea Tupanaga ĩnücü, rü ñoma ngunexü̃arü dexemaxü̃ irügoxü̃rüxü̃ nixĩ. Rü ñoma üa̱xcü i pa̱xmama ngearü caixanexü̃wa ibáxichixü̃ rü pucüwena maxẽ naxügüxẽẽxü̃rüxü̃ nixĩ”, ñanagürü.

Ucu̱xẽgüchiga 18:10

Naéga ya Cori ya Tupana, rü wüxi i poxü̃ruxü̃ i poraxü̃ nixĩ. Rü ngẽmaca̱x ngẽma mexü̃gu maxü̃xü̃ i duü̃xü̃, rü naxca̱x nixũ nax naxü̃tagu nügü yanacúxü̃ca̱x.