2 Chamué 21:16 - Tupanaarü Ore

¹⁶ Rü yemaca̱x wüxi ga Firitéu ga máchanexü̃ ga Ibí-benoxgu ãégaxü̃ rü Dabíxü̃ nimáxchaü̃. Rü guma naxne ga wocae rü 3 quíruarü yexera naya. Rü nacüwawa irütu ga norü tara ga yexwaca̱xü̃cü.

2 Chamué 21:16 Referans Kwoze

2 Chamué 21:20

Rü Gáxwa rü nayexma ga to ga dai. Yéma rü nayexma ga wüxi ga yatü ga Firitéu ga máchanexü̃chixü̃ ga 6 tanüme̱xẽxü̃ ga wüxichigü ga naxme̱xwa rü wüxichigü ga nacutüwa. Rü nüma ga yema Firitéu rü nataxa nixĩ ga yema duü̃xü̃gü ga imáchanexü̃chixü̃.

2 Chamué 21:18

Yemawena rü Góxgu Firitéugümaxã nügü nadai ga Iraéanecüã̱xgü. Rü yema daigu ga Chibecái ga Uchátanüxü̃ rü nayama̱x ga wüxi ga Firitéu ga Cháxgu ãégaxü̃. Rü nüma ga Cháx rü máchanexü̃tanüxü̃ nixĩ.

2 Chamué 21:22

Rü yema ãgümücü ga imáchanexü̃ rü guma Gáxcüã̱x ga Refátanüxü̃ nixĩgü. Natürü nüma ga Dabí rü norü churaragüerugümaxã nanadai ga yema ãgümücü ga imáchanexü̃.

2 Chamué 5:18

Rü yexguma ga nüma ga Firitéugü rü Refaíü̃arü doxonexü̃wa nangugü rü yexma nügü ninu.

Wenaxarü naxümatü ga Tupanaarü mugü 9:2

Rü ngẽma duü̃xü̃gü i ngéma maxẽxü̃ rü nipora rü nimáchane yema máchanecü ga Anáxtaagürüxü̃. Pemax rü marü nüxü̃ pecua̱x ga yema ore ga ñaxü̃: “Rü texé tapora nax ngẽma Anáxtanüxü̃ imáchanexü̃ daixe”, ñaxü̃.

Wenaxarü naxümatü ga Tupanaarü mugü 3:11

(Rü gumá ãẽ̱xgacü ga Óxicatama nixĩ ga íyaxücü ga Refátanüxü̃tanüwa. Rü yema norü pechicaxü̃ rü fierumünaxca̱x nixĩ, rü 4 metruarü ngãxü̃ nixĩ ga norü ma̱x rü wixgutaa̱x taxre ga metru nixĩ ga norü tatachinü. Rü ñu̱xma rü ta rü Amóü̃tanüxü̃arü ĩane ya Rabáwa nangẽxma.)

Wenaxarü naxümatü ga Tupanaarü mugü 2:21

Rü yema duü̃xü̃gü ga Refátanüxü̃ rü naporaxüchi rü namuxũchi. Rü yema duü̃xü̃gü rü ñoma Anáxtanüxü̃rüxü̃ nimáchanexü̃chi. Natürü ga Cori ya Tupana rü Amóü̃tanüxü̃xü̃ namu nax nadaiaxü̃ca̱x. Rü yemaacü ga yema Amóü̃tanüxü̃ rü yexma naxãchiü̃gü.

Wenaxarü naxümatü ga Tupanaarü mugü 2:10

(Rü nũxcüma ga yema naane rü Éntanüxü̃ nawa namaxẽxü̃. Rü yema duü̃xü̃gü rü nitaxü̃ne rü namuxũchi. Rü nimáchane yema Anáxtanüxü̃rüxü̃.

Wenaxarü naxümatü ga Tupanaarü mugü 1:28

Rü ñaperügügü ta: “Rü ñu̱xma ¿rü ngextá tá taxĩ? Rü tatanüxü̃ i ngugüwa ĩxü̃ rü nüxü̃ nixugügü rü ngéma nax nangemaxü̃ i duü̃xü̃gü i tüxü̃ rüporamaegüxü̃ rü tüxü̃ rümáchanemaegüxü̃, rü nangẽxmaxü̃ ya ĩanegü ya itaxü̃ne ya imáchanearü poxeguã̱xgüne, rü nüxü̃ nadaugüxü̃ ga Anáxtanüxü̃ ga imáchanexü̃chixü̃. Rü guxü̃ma ga yema nixĩ ga toxü̃ íyaxoetanüãchixẽẽxü̃”, ñaperügügü.

Naanearü ügüchiga 14:5

Rü gumá taunecüwena rü nüma ga Queduraúme, rü ñu̱xũchi yema ãẽ̱xgacügü ga nawa ügüxü̃, rü Atarú Canaíü̃anewa naxĩ. Rü yexma nayadai ga Refátanüxü̃. Rü ñu̱xũchi Ámgu nayadai ga Chúxtanüxü̃ rü Chabé-quiriataíü̃gu nayadai ga Éntanüxü̃.

Naanearü ügüchiga 6:4

Rü yexguma Tupanaarü duü̃xü̃güaxü̃́ yaxãxacügu ga yema ngexü̃gü ga ñoma ga naanecüã̱x, rü yéma nixĩ ga nangóexü̃ ga yema yatügü ga imáchanexü̃chixü̃. Rü yema yatügü nixĩ ga nũxcüma tachigagüxü̃ rü iporaxüchixü̃.

Iraétanüxü̃arü muxchiga 13:22

Rü yema chianexü̃ ga Néguewaama nachocu rü ñu̱xmata ĩane ga Ebróü̃wa nangugü. Rü guma ĩanegu nixĩ ga naxãchiü̃güxü̃ ga Aimáü̃tanüxü̃, rü Checháitanüxü̃ rü Tarmáitanüxü̃ ga Anáxtaagü ixĩgüxü̃. Rü guma ĩane ga Ebróü̃ rü marü nũxcüma naxü. Rü marü 7 ga taunecü nüxíra naxü naxü̃pa ga guma ĩane ga Choáü̃ ga Equítuanewa yexmane.

Iraétanüxü̃arü muxchiga 13:28

Natürü ngẽma duü̃xü̃gü i ngẽxma ãchiü̃güxü̃ rü nipora, rü yimá norü ĩanegü rü nita rü meama ínipoxegugü. Rü to ga yéma nüxü̃ tadauxü̃ nixĩ ga gumá Anáxtaagü i naxrüü̃tama imáchanexü̃chixü̃.

Yochué 15:14

Rü nüma ga Caréx rü guma ĩanewa nixĩ ga ínawoxü̃ãxü̃ ga nataagü ga yema tomaepü̱x ga Anáx nanegü. Rü wüxi nixĩ ga Chechái, rü to nixĩ ga Aimáü̃, rü to nixĩ ga Tarmái.

Wenaxarü naxümatü ga Tupanaarü mugü 2:11

Rü duü̃xü̃gü nagu rüxĩnüegu nax Refátanüxü̃ yaxĩgüxü̃, natürü ga Moátanüxü̃ rü Éntanüxü̃maxã nanaxugü.

Yochué 11:22

Rü yemaacü bai ga wüxi ga Anátanüxü̃ ga íyaxüxü̃ ga Iraétanüxü̃arü naanewa. Rü Gáchaarü naanewa, rü Gáxarü naanewa rü Adúxarü naanewaxicatama nixĩ ga íyaxüxü̃ ga Anátanüxü̃.

1 Chamué 17:7

Rü gumá norü wocae rü 5 chentímetruarü yexera nixĩ ga norü tamena̱xã rü namagu rü fierunaxca̱x nixĩ rü 6 quíru naya. Rü Goriáxpe̱xegu nixũchigü ga yema norü poxü̃ruü̃arü ngeruxü̃.