2 Chamué 2:9 - Tupanaarü Ore

⁹ Rü yéma chíxü̃maxã nanabaeru nax ãẽ̱xgacü yixĩxü̃ca̱x ga Garaáxanewa, rü Guechuríanewa, rü Yereéanewa, rü Efraíü̃anewa, rü Bẽyamíü̃anewa, rü guxü̃ma ga Iraéanewa.

2 Chamué 2:9 Referans Kwoze

Wiyaegü 108:8

Rü ngẽxgumarüxü̃ ta i Garaáxarü naane rü Manachéarü naane i natü i Yudáü̃arü éstewaama ngẽxmagüxü̃ rü choxrü nixĩ. Rü ngẽma Efraíü̃arü naane i churaragü i poraxü̃ nawa ne ĩxü̃ rü choxrü nixĩ. Rü ngẽxgumarüxü̃ ta i ngẽma Yudáarü naane i Iraétanüxü̃arü ãẽ̱xgacügü nawa ne ĩxü̃ rü choxrü nixĩ.

Yochué 19:18

Rü yema norü naanewa rü nayexmagü ga daa ĩanegü: Yereé, rü Quechuróx, rü Chunéü̃, rü Afaraíü̃, rü Chióü̃, rü Anaaráx, rü Rabíx, rü Quichióü̃, rü Ébe, rü Rémex, rü En-ganíü̃, rü En-adá, rü Bex-paché.

Iraétanüxü̃arü muxchiga 1:40

Rü Achétanüxü̃wa rü 41,500 nixĩ.

Yochué 22:9

Rü yemaacü ga Rubéü̃tanüxü̃, rü Gáxtanüxü̃, rü yema ngãxü̃tücumü ga Manachétanüxü̃ rü nüxna nixĩgachitanü ga yema togü ga Iraétanüxü̃ ga Chilówa ga Canaáü̃anewa yexmagüxü̃. Rü yemaacü naxca̱x nawoegu ga napatagü rü naanegü ga Garaáxarü naanewa yexmagüxü̃, yema Cori ya Tupana Moichémaxã nüxü̃ ixuxü̃rüxü̃.

1 Chamué 29:1

Rü nüma ga Firitéugüarü churaragüerugü rü Aféxgu nanangutaque̱xexẽxẽ ga guxü̃ma ga norü churaragü. Rü yoxni ga nüma ga Iraétanüxü̃ rü yema natüxacü ga ĩane ga Yereéwa yexmaxü̃gu nügü nanutaque̱xe.

2 Chamué 2:10

Rü yexguma inaxügüãgu nax Iraéanemaxã inacuáxü̃ ga Ibóchex rü 40 ga taunecü nüxü̃́ nayexma. Rü taxretama ga taunecü Iraéanecüã̱xgümaxã inacua̱x. Natürü ga yema Yudáanecüã̱xgü ga duü̃xü̃gü rü Dabíxü̃ nayauxgü nax norü ãẽ̱xgacü yixĩxü̃.

2 Chamué 3:6

Rü yema nügü nax nada̱i̱xü̃ ga Chaúarü churaragü namaxã ga Dabíarü churaragü rü inida. Rü Abnéx rü yexeraãcü napora namaxã ga Chaútanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:29

Rü Bẽyamíü̃tanüxü̃ ga Chaútanüxü̃ ixĩgüxü̃ rü 3,000 nixĩ ga norü mu. Rü nümagü rü Chaúarü churaragüchire̱x nixĩgü.

Yochué 16:5

Rü yema Efraíü̃tanüxü̃arü naanearü üyeane rü Atarú-adáxwa inaxügü ga éstewaama. Rü ínadaãchi ñu̱xmata guma ĩane ga Dauxü̃wa Yexmane ga Bex-oróü̃wa nangu.

Yochué 16:8

Rü Tapúawa inaxügü ga norü üyeane rü oéstewaama nada rü ñu̱xmata yema natüxacü ga Canáwa nangu, rü ñu̱xũchi Már Mediteráneuwa nangu. Rü yema nixĩ ga yema naane ga nayauxgüxü̃ ga Efraíü̃tücumü ga nügü yanuxü̃ ga nügütanüxü̃wa.

Yochué 16:9

Rü nayexma ta ga ñuxre ga ĩanegü rü ĩanexacügü ga Manachétücumüanewa yexmagüne ga Efraíü̃tanüxü̃na üxü̃ne.

Yochué 17:1

Rü ñaa nixĩ ga yema naane ga Yúche nane ga yacü ga Manachéarü duü̃xü̃gü yauxgüxü̃. Rü yexguma namaxü̃gu ga Moiché rü Manaché nane ga yacü ga Maquítanüxü̃na nanaxã ga Garaáxane rü Bacháü̃ane ga natü ga Yudáü̃arü éstewaama yexmaxü̃. Rü nüma ga Maquí rü Garaáxnatü nixĩ rü daiwa napora.

Yochué 18:11

Rü yexguma sortéu naxü̱xgu rü Bẽyamíü̃tücumüna naxǘ ga naane ga Yudátanüxü̃ane rü Yúchetanüxü̃anearü ngãxü̃wa üxü̃.

Yochué 18:20

Rü natü ga Yudáü̃ nixĩ ga norü üyeane ga éstewaama. Rü yemagü nixĩ ga norü üyeanegü ga yema naane ga Bẽyamíü̃tanüxü̃na naxãxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:30

Rü yema Efraíü̃tanüxü̃ ixĩgüxü̃ rü 20,800 nixĩ ga norü mu. Rü nümagü rü daiwa poraexü̃ nixĩgü rü natanüxü̃tanüwa rü natachigagü.