2 Chamué 2:7 - Tupanaarü Ore

⁷ Rü ngẽmaca̱x i ñu̱xmax rü woo nax nayuxü̃ i Chaú rü ¡taxṹ i perümaãchitanüxü̃ rü taxṹ i pemuü̃exü̃! Erü ngẽma Yudáanecüã̱x i duü̃xü̃gü rü marü ãẽ̱xgacüxü̃ choxü̃ ningucuchixẽẽgü —ñaxü̃ ga Dabí.

2 Chamué 2:7 Referans Kwoze

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

2 Chamué 10:12

¡Taxṹ i cumuü̃xü̃ rü cugü naporaxẽxẽ! ¡Rü ngĩxã yigü namaxã tadai naxca̱x i tórü nachixü̃ane rü tóxrü Cori ya Tupanaarü ĩanegü! Rü nüma ya tórü Cori ya Tupana rü tá nanaxü i ngẽma nüma nüxü̃ nacuáxü̃ nax namemaexü̃ —ñanagürü.

1 Chamué 31:7

Rü yexguma yema Iraétanüxü̃ ga natü ga Yudáü̃arü éstewaama maxẽxü̃ ga doxonexü̃arü tocutügu ãpatagüxü̃ nüxü̃ daugügu ga nax yabuxmüxü̃ ga Iraétanüxü̃arü churaragü, rü Chaú rü ñu̱xũchi nanegü rü nax nayuexü̃, rü norü ĩanegüna nibuxmü rü naxĩgü. Rü yexguma ga nüma ga Firitéugü rü yéma nangugü, rü yexma naxãchiü̃gü nagu ga guma ĩanegü.

1 Chamué 4:9

Pa Firitéugüarü Churaragüx, ¡taxṹ ipemuü̃exü̃ rü perümaãchitanüxü̃! ¡Rü guxü̃ i perü poramaxã namaxã pegü pedai i ngẽma Iraétanüxü̃ nax ngẽmaãcü tama norü puracütanüxü̃xü̃ pexü̃ yaxĩgüxẽxẽxü̃ca̱x yema nümagü rü tórü puracütanüxü̃ yaxĩgügurüxü̃! —ñanagürügü.

Naanearü ügüchiga 15:1

Rü yemawena ga Abráü̃ rü Cori ya Tupana rü nanango̱xetüxẽxẽ rü namaxã nidexa rü ñanagürü nüxü̃: —¡Taxuca̱xma cumuü̃, Pa Abráü̃! Erü choma nixĩ i curü poxü̃ruxü̃. Rü ngẽma ngü̃xẽxẽ i tá cuxna chaxãxü̃ rü tá nataxüchi —ñanagürü.

1 Corintios 16:13

¡Rü pexuãxẽgü nax taxuxü̃ma i chixexü̃gu peyixü̃ca̱x! ¡Rü meama peyaxõgüama woo ta̱xacü pexü̃ üpetügu! Rü name nixĩ i peporaeama rü taxuca̱xma pemuü̃e.

2 Chamué 2:6

¡Rü Tupana rü pemaxã namecüma rü pemaxã nixaixcüma! Rü chomax rü tá ta pemaxã chamecüma naxca̱x ga yema mexü̃ ga pexüxü̃.

2 Chamué 2:8

Natürü ga Abnéx ga Néx nane ga Chaúarü churaragümaxã icuácü, rü nayaga ga Chaú nane ga Ibóchex rü ĩane ga Maanaíü̃wa namaxã naxũ.

Neemía 2:18

Rü yexguma namaxã nüxü̃ chixuxgu nax ñuxãcü Tupana poraãcü choxü̃ rüngü̃xẽẽxü̃ rü yema ore ga ãẽ̱xgacü ga Artayére chomaxã nüxü̃ ixuxü̃, rü nüma ga duü̃xü̃gü rü choxü̃ nangãxü̃gü rü ñanagürügü: —¡Ngĩxã itanaxügü nax namexẽxẽxü̃ ya daa ĩanearü poxeguxü̃! —ñanagürügü. Rü inanaxügüe ga nax napuracüexü̃.

2 Chamué 5:3

Rü yemaacü ga yema duü̃xü̃gü rü Dabímaxã nidexagü ga Ebróü̃wa. Rü nüma ga Dabí rü Cori ya Tupanape̱xewa yema duü̃xü̃gümaxã inaxüga. Rü nüma ga yema duü̃xü̃gü rü Dabíxü̃ chíxü̃maxã nabaerugü rü yemaacü guxü̃ma ga Iraéanecüã̱xgüarü ãẽ̱xgacü nixĩ.

Norü taxre ga popera ga ãẽ̱xgacügüchiga 11:12

Rü yexguma nüma ga Yoiadá rü ínanamuxũchi ga guma bucü ga ãẽ̱xgacü ga Ocochía nane rü naeruwa nayanga̱xcuchi ga nanatüarü ãẽ̱xgacüpate̱xe. Rü nüxna nanaxã ga yema popera ga nawa nüxü̃ yaxuxü̃ nax ãẽ̱xgacü yixĩxü̃. Rü chíxü̃maxã nanabaeru rü yemawena rü nanaxunagü nax ãẽ̱xgacü yixĩxü̃. Rü guxü̃ma ga duü̃xü̃gü rü nanapepünegü rü tagaãcü ñanagürügü: —Namaxü̱̃x ya ãẽ̱xgacü! —ñanagürügü.