2 Chamué 2:5 - Tupanaarü Ore

⁵ rü nüma ga Dabí rü ñuxre ga norü orearü ngeruxü̃ yéma namugü namaxã ga ore ga ñaxü̃: —¡Cori ya Tupana pexü̃ rüngü̃xẽxẽ! Erü poraãcü nüxü̃ pengechaü̃ ga perü ãẽ̱xgacü ga Chaú rü ngẽmaca̱x mea ipenata̱x.

2 Chamué 2:5 Referans Kwoze

1 Chamué 23:21

Rü nüma ga Chaú rü nanangãxü̃ rü ñanagürü: —¡Tupana pexü̃ rüngü̃xẽxẽ erü choxü̃ pengechaü̃ rü chaugu perüxĩnüe!

Wiyaegü 115:15

Rü nüma ya Cori ya Tupana i daxũguxü̃ i naane rü ñoma i naanearü üruxü̃ rü aixcüma tá pexna nanaxã i norü ngü̃xẽxẽ.

1 Chamué 24:19

Rü aixcüma nixĩ i nataxuxü̃ma i duü̃xü̃ i tama norü uanüxü̃ imáxü̃ ega naxme̱xgu nanguxgu. Rü ngẽmaca̱x ¡Tupana cuxü̃́ naxütanü naxca̱x i ngẽma mexü̃ i ñu̱xma cha̱u̱xca̱x cuxüxü̃!

Rux 2:20

Rü ngĩma ga Noemí rü ngĩxü̃ ingãxü̃ rü ngĩgürügü: —¡Tupana nüxü̃ rüngü̃xẽxẽ ya yimá duü̃! Rü nüma ya Tupana rü tamaxã namecüma i ñu̱xmax rü gumá cute ga marü yucümaxã rü ta namecüma. Erü yimá yatü ya Boó rü wüxi i tatanüxü̃ nixĩ rü ngẽmaca̱x nixĩ i nagu nanguxü̃ nax tüxü̃ nangü̃xẽẽxü̃ rü tüxna nadauxü̃ —ngĩgürügü.

Rux 3:10

Rü yexguma ga nüma ga Boó rü ñanagürü: —¡Cori ya Tupana cuxü̃ rüngü̃xẽxẽ! Rü ñu̱xmawaxix nixĩ i mea cunango̱xẽẽxü̃ nax aixcüma nüxü̃ cungechaü̃xü̃ ga gumá cute ga marü yucü, erü choxü̃ cuyaxu cutexü̃ i choma i cutetanüxü̃ nax chixĩxü̃. Rü tama naxca̱x cudau ya wüxi ya cute ya choxü̃ rüngextü̱xümaecü ya diẽruã́cü, rü woo tama diẽruã́cü.

Rux 1:8

Natürü ga namawa rü ngĩnea̱xgüxü̃ ngĩgürügü: —¡Ẽcü pewoegu rü peéxü̃tawa pexĩ! ¡Rü Cori ya Tupana guxü̃guma mea pexü̃ ngechaü̃ yema choxü̃ rü chaunegüxü̃ mea pengechaxü̃xü̃rüxü̃, rü pexü̃́ natauxchaxẽẽã nax wena mea pixãtegüxü̃, rü ngẽmaãcü petaãẽgüxü̃ca̱x! —ngĩgürügü. Rü ñu̱xmachi ga Noemí rü wüxi ga chúxumaxã ngĩnea̱xgüxü̃ irümoxẽ. Natürü ga ngĩma ga ngĩnea̱xgü rü ixauxeama.

Ãẽ̱xgacügü ga guxchaxü̃güarü mexẽxẽruü̃gü 21:8

¿Rü nangẽxma ngürüãchi i Iraé i duü̃xü̃gü ga tama Cori ya Tupanape̱xewa yexmaxü̃ ga Mispáwa ingutaque̱xegügu? —ñanagürügü. Rü nüxna nacua̱xãchie nax yema ngutaque̱xewa natauxexü̃ ga ĩane ga Yabécüã̱xgü ga Garaáxanewa yexmane.

1 Chamué 15:13

Rü yexguma yemaxü̃ nacua̱xgu ga Chamué rü Chaúca̱x nayadau rü düxwa yema ínayexmaxü̃wa nangu. Rü nüma ga Chaú rü nüxü̃ narümoxẽ rü ñanagürü nüxü̃: —¡Cori ya Tupana cuxü̃ rüngü̃xẽxẽ! Rü marü chayanguxẽxẽ i ngẽma Cori choxü̃ muxü̃ —ñanagürü.

Naanearü ügüchiga 14:19

Rü ñaa oremaxã mexü̃ Abráü̃maxã naxuegu rü ñanagürü: —¡Tupana ya Guxü̃étüwa Ngẽxmacü i daxũguxü̃ i naanearü üruxü̃ rü ñoma i naanearü üruxü̃ rü poraãcü mexü̃ cuwa naxü̱x! ¡Rü namecümaxüchi ya Tupana ya Guxü̃étüwa Ngẽxmacü ya curü uanügüxü̃ cuxü̃ rüporamaexẽẽcü! —ñanagürü. Rü yexguma ga Abráü̃ rü Melquichedéxna nanaxã ga norü diésmu natanüwa ga yema yemaxü̃gü ga napuxü̃xü̃.

Naanearü ügüchiga 14:22

Natürü ga Abráü̃ rü nanangãxü̃ rü ñanagürü: —Choma rü marü Cori ya Tupana ya Guxü̃étüwa Ngẽxmacü i daxũguxü̃ i naanearü üruxü̃ rü ñoma i naanearü üruü̃maxã nüxü̃ chixu rü taxuxü̃táma i ta̱xacü choxrüxü̃ chayaxu i ngẽma cuxrü ixĩxü̃, rü bai ya wüxi ya tünüta, rü bai i wüxi i chapatutü̱xü, nax tagutáma choxü̃ quixuxü̃ca̱x nax cugagu yixĩxü̃ nax chamuarü ngẽmaxü̃ã́xü̃.

Yochué 2:14

Rü nümagü rü ngĩxü̃ nangãxü̃gü rü ñanagürügü ngĩxü̃: —Toma tátama pexü̃ ítapoxü̃ rü pexna tadau nax taxuxü̃ma pexü̃ üpetüxü̃ca̱x, ega cuma rü tama toxü̃ quixuxgu. Rü ngẽxguma Cori ya Tupana toxna naxãxgu i ñaa naane rü aixcüma tá mea cuxna tadau —ñanagürügü.

1 Chamué 11:1

Rü nüma ga Amóü̃tanüxü̃arü ãẽ̱xgacü ga Naáx rü norü churaragüxü̃ nangutaque̱xexẽxẽ nax yadaiãcuãxü̃ca̱x ga Iraéanecüã̱xgüarü ĩane ga Yabé ga Garaáxanewa yexmane. Natürü ga yema duü̃xü̃gü ga Yabécüã̱xgü rü ñanagürügü: —¡Tomaxã naxü i wüxi i üga, rü ngẽxguma tá nixĩ i cuxme̱xwa togü tangexmagüxẽẽxü̃! —ñanagürügü.

1 Chamué 11:9

Rü yemawena rü yema duü̃xü̃gü ga Yabécüã̱xgü ga orearü ngeruü̃güxü̃ ñanagürü: —¡Namaxã nüxü̃ pixu i duü̃xü̃gü i Yabécüã̱xgü rü moxü̃ tocuchigu tá ngéma tangugü nax ítanapoxü̃xü̃ca̱x! —ñanagürü. Rü yema duü̃xü̃gü rü natanüxü̃ ga Yabécüã̱xgümaxã nüxü̃ narüxugüe ga yema ore. Rü nümagü rü poraãcü nataãẽgüxüchi.

2 Chamué 15:20

Cuma rü ĩnetama nua cungu ¿Rü ñuxãcü chi i cuxna naxca̱x chacaxü̃ nax towe curüxũxü̃ca̱x ega woo i choma rü tama nüxü̃ chacua̱xgu nax ngextá chaxũxü̃? Rü ngẽmaca̱x narümemae nax cutaeguxü̃ rü ícuyagagüxü̃ i ngẽma cutanüxü̃. ¡Rü Tupana cuxü̃ rüngü̃xẽxẽ̱x rü guxü̃guma cuxü̃tawa nangẽxma! —ñanagürü.