2 Chamué 2:4 - Tupanaarü Ore

⁴ Rü yemawena rü Ebróü̃wa nangugü ga Yudáanecüã̱x ga duü̃xü̃gü, rü chíxü̃maxã Dabíxü̃ nabaerugü nax Yudáanearü ãẽ̱xgacü yixĩxü̃ca̱x. Rü yexgumarüxü̃ ta Dabímaxã nüxü̃ yaxugüegu nax guma Garaáxanewa yexmane ga ĩane ga Yabécüã̱xgü yixĩxü̃ ga Chaúxü̃ íta̱xgüxü̃,

2 Chamué 2:4 Referans Kwoze

2 Chamué 5:5

Rü Ebróü̃wa rü 7 ga taunecüarü ngãxü̃ nixĩ ga Yudáanearü ãẽ̱xgacü yixĩxü̃. Rü ñu̱xũchi Yerucharéü̃wa rü guxü̃ma ga Iraéane rü Yudáanearü ãẽ̱xgacü nixĩ ga 33 ga taunecü.

2 Chamué 5:3

Rü yemaacü ga yema duü̃xü̃gü rü Dabímaxã nidexagü ga Ebróü̃wa. Rü nüma ga Dabí rü Cori ya Tupanape̱xewa yema duü̃xü̃gümaxã inaxüga. Rü nüma ga yema duü̃xü̃gü rü Dabíxü̃ chíxü̃maxã nabaerugü rü yemaacü guxü̃ma ga Iraéanecüã̱xgüarü ãẽ̱xgacü nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:3

Rü yexguma ga nüma ga Dabí rü Cori ya Tupanape̱xewa natanüxü̃ga naxĩnü. Rü nümagü rü Dabíxü̃ chíxü̃maxã nabaerugü nax Iraéanecüã̱xgüarü ãẽ̱xgacü yixĩxü̃ca̱x. Yerü yemaacü nixĩ ga Tupana ga Chamuémaxã nüxü̃ yaxuxü̃.

1 Chamué 16:13

Rü nüma ga Chamué rü nanayaxu ga yema carnéruchatacu̱xre ga chíxü̃maxã ããcuxü̃, rü Dabíerugu nanaba ga naenexẽgüpe̱xewa. Rü yexgumatama ga Tupanaãxẽ rü Dabína nangu rü namaxã inacua̱x. Rü yemawena ga nüma ga Chamué rü narümoxẽ rü norü ĩane ga Ramáca̱x nataegu.

2 Chamué 19:42

Rü nüma ga Yudáanecüã̱xgü rü nanangãxü̃gü rü ñanagürügü: —Ngẽmaãcü tanaxü erü nüma ya ãẽ̱xgacü rü totanüxü̃ nixĩ. ¿Rü tü̱xcüü̃ penue? Rü tama nixĩ nax õna toxna naxãxü̃ca̱x rüe̱xna ãmaregü toxna naxãxü̃ca̱x yixĩxü̃ i nüxü̃ tarüngü̃xẽẽxü̃ —ñanagürügü.

2 Chamué 19:11

Rü yexguma ãẽ̱xgacü ga Dabí nüxü̃ cua̱xgu nax yemagu naxĩnüexü̃ ga Acharóü̃arü duü̃xü̃gü ixĩgüchiréxü̃, rü yemaca̱x chacherdótegü ga Chadóxü̃tawa rü Abiatáxü̃tawa namuga rü ñanagürü: —Namaxã nüxü̃ peyarüxu i ngẽma Yudátücumüarü ãẽ̱xgacügü rü ñapegü nüxü̃: “¿Rü tü̱xcüü̃ tama pexíra cha̱u̱xca̱x pengemaxü̃ nax wenaxarü chopatawa changexmaxü̃ca̱x? Erü pemax i Yudátanüxü̃ rü chauenexẽgü pixĩgü rü chauxchina̱xãgü pixĩgü rü chomachi pixĩgü. ¿Rü tü̱xcüü̃ i pewa iyacuáxü̃ nax choxü̃ petaeguxẽẽgüxü̃?” —ñanagürü ga Dabí.

2 Chamué 5:17

Rü yexguma Firitéugü nüxü̃ cua̱xgügu nax Dabíxü̃ nabaerugüxü̃ nax Iraéarü ãẽ̱xgacü yixĩxü̃ca̱x rü guxü̃ma ga yema Firitéugü rü Dabíca̱x inaxĩãchi rü naxca̱x nayadaugü nax yama̱xgüãxü̃ca̱x. Natürü nüma ga Dabí rü nüxü̃ nacuáchiga rü nixũgachi rü wüxi ga norü cu̱xchicaxü̃gu nayarücu̱x.

2 Chamué 2:11

Rü yemaacü ga Dabí rü 7 ga taunecü rü naétü 6 ga tauemacü Yudáanewa ãẽ̱xgacü nixĩ. Rü ĩane ga Ebróü̃wa nayexma.

2 Chamué 2:7

Rü ngẽmaca̱x i ñu̱xmax rü woo nax nayuxü̃ i Chaú rü ¡taxṹ i perümaãchitanüxü̃ rü taxṹ i pemuü̃exü̃! Erü ngẽma Yudáanecüã̱x i duü̃xü̃gü rü marü ãẽ̱xgacüxü̃ choxü̃ ningucuchixẽẽgü —ñaxü̃ ga Dabí.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:23

Rü ñaa nixĩ ga norü mu ga yema churaragü ga meama ixãxnexü̃ rü daixü̃ icuáxü̃ ga Dabíwa choü̃xü̃ ga Ebróü̃wa nax Chaúchicüxü Iraéanearü ãẽ̱xgacüxü̃ yangucuchixẽẽgüãxü̃ca̱x, yema Cori ya Tupana naxunagüxü̃rüxü̃.

2 Chamué 21:11

Yexguma Dabímaxã nüxü̃ yaxugügu ga yema Richapá ga Chaúarü nge üxü̃, rü nüma ga Dabí rü ĩane ga Yabé ga Garaáxanewa yexmaxü̃wa naxũ nax yéma Yabécüã̱xna nadeaxü̃ca̱x ga Chaúchina̱xãgü rü nane ga Yonatáü̃china̱xãgü. Yerü nawena nax ma̱xpǘne ga Guibóagu Chaúxü̃ yama̱xgüxü̃ ga Firitéugü, rü nümagü ga Yabécüã̱x nixĩ ga Bex-cháü̃arü plazawa nadeaxü̃ ga Chaúxüne rü Yonatáü̃üne ga Firitéugü ínatugüxẽẽxü̃wa.

Norü taxre ga popera ga ãẽ̱xgacügüchiga 11:12

Rü yexguma nüma ga Yoiadá rü ínanamuxũchi ga guma bucü ga ãẽ̱xgacü ga Ocochía nane rü naeruwa nayanga̱xcuchi ga nanatüarü ãẽ̱xgacüpate̱xe. Rü nüxna nanaxã ga yema popera ga nawa nüxü̃ yaxuxü̃ nax ãẽ̱xgacü yixĩxü̃. Rü chíxü̃maxã nanabaeru rü yemawena rü nanaxunagü nax ãẽ̱xgacü yixĩxü̃. Rü guxü̃ma ga duü̃xü̃gü rü nanapepünegü rü tagaãcü ñanagürügü: —Namaxü̱̃x ya ãẽ̱xgacü! —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:11

Rü guxü̃ma ga yema Iraéanecüã̱xgü ga ĩane ga Yabécüã̱x ga Garaáxanewa yexmane, rü yexguma nüxü̃ nacua̱xgügu ga yema Firitéugü Chaúmaxã ügüxü̃, rü guxü̃ma ga yema yatügü ga tama muü̃ewa̱xexü̃ rü wüxigu nügümaxã nagu narüxĩnüe nax yadexaxü̃ca̱x ga yema Chaúxü̃ne rü nanegüxü̃ne. Rü Yabéwa nanana. Rü yexma nixĩ ga nata̱xgüãxü̃ ga yema naxü̃negü natüü̃gu ga wüxi ga castaña. Rü yemawena 7 ga ngunexü̃ naxauree.