2 Chamué 2:23 - Tupanaarü Ore

²³ Natürü nüma ga Achaé rü nawe ningechigüama. Rü yexguma nüma ga Abnéx rü düxwa Achaépütüwegu nanama̱x ga norü wocaetape̱xe, rü nitoxpetü. Rü nayu rü yexma nayangu. Rü guxü̃ma ga duü̃xü̃gü rü yexguma Achaé íxüxü̃wa nangugügu rü yéma nayachaxãchitanü rü nüxü̃ narüdaunü.

2 Chamué 2:23 Referans Kwoze

2 Chamué 3:27

Rü yexguma Ebróü̃wa nanguxgu ga Abnéx, rü Yoá rü guma ĩanearü ĩã̱xwa Abnéxü̃ naga nax namaxãxicatama yadexaxü̃ca̱x. Rü yexma nanacanapütüwe rü nayu. Rü yexma nüxü̃́ ningutanü ga naenexẽ ga Achaéxü̃ nax yamáxü̃.

2 Chamué 4:6

Ngĩma ga ĩã̱xarü dauruxü̃ rü trigu ícuexechite̱xe, natürü düxwa yéma iyapeãchi. Rü yemaca̱x tama nüxü̃ idau ga Recáx rü naenexẽ ga Baaná nax ĩxgu nachocuxü̃.

2 Chamué 20:10

Natürü Amachá rü tama nüxü̃ nadau ga Yoáarü tara ga naxme̱xwa yexmaxü̃, rü yemaca̱x tama ínaxuãẽ. Rü Yoá rü ngürüãchimare Amacháxü̃ nacanapütüwe norü taramaxã rü guxü̃ma i naü̃nütachapa̱xa rü waixü̃müanegu ínayixü̃. Rü Yoá rü taxuca̱xma wena Amacháxü̃ nacana, yerü wüxixü̃cüxü nayu. Rü yemawena ga Yoá rü naenexẽ ga Abicháimaxã Chebá ga Biquirí nanewe nangẽgü.

2 Chamué 5:6

Rü nüma ga ãẽ̱xgacü ga Dabí rü norü churaragümaxã Yerucharéü̃wa naxĩ nax naxca̱x íyaxü̃ãchixü̃ca̱x ga yema Yebuchéutanüxü̃ ga yema naanegu ãchiü̃güxü̃. Rü nüma ga Yebuchéutanüxü̃ rü nagu narüxĩnüe nax taxũtáma Dabíaxü̃́ natauxchaxü̃ ga guma ĩanegu nax naxücuxü̃. Rü yemaca̱x ñanagürügü nüxü̃: —Cuma rü taxũtáma nuxã cuxücu erü woo ngẽma ingexetüxü̃ rü ichixeparaxü̃ rü ningu nax ínapoxü̃güãxü̃ ya daa ĩane nax tama nagu cuxücuxü̃ca̱x —ñanagürügü.

2 Chamué 2:24

Rü yexguma ga Yoá rü Abichái rü Abnéxwe nangẽgü. Rü yexguma marü nachütachaü̃gu rü nawa nangugü ga guma ma̱xpǘne ga Amá ga Guíaarü to̱xma̱xtawa yexmane ga nama ga yema chianexü̃ ga Gabaóü̃wa nadaxü̃.

2 Chamué 3:30

Yoá rü Abichái nixĩ ga Abnéxü̃ ima̱xgüxü̃, yerü yexguma Gabaóü̃gu nügü nadaixgu rü naenexẽ ga Achaéxü̃ nima̱x ga Abnéx.