2 Chamué 2:22 - Tupanaarü Ore

²² Rü yemaca̱x nüma ga Abnéx rü wenaxarü Achaéxü̃ ñanagürü: —Ngẽxguma taxũtáma ícuyachaxãchigu nax chowe quingẽchigüxü̃ rü cuxü̃ tá chiima̱x rü ¿ta̱xacüxü̃ tá namaxã chixuxü̃ ya cuenexẽ ya Yoá? —ñanagürü.

2 Chamué 2:22 Referans Kwoze

2 Chamué 3:27

Rü yexguma Ebróü̃wa nanguxgu ga Abnéx, rü Yoá rü guma ĩanearü ĩã̱xwa Abnéxü̃ naga nax namaxãxicatama yadexaxü̃ca̱x. Rü yexma nanacanapütüwe rü nayu. Rü yexma nüxü̃́ ningutanü ga naenexẽ ga Achaéxü̃ nax yamáxü̃.

Ngu̱xẽẽtaeruü̃arü ore 6:10

Rü ngẽma ñu̱xma nüxü̃ idauxü̃ rü woetama nũxcüma Tupana nanaxüéga. ¿Rü texé tá namaxã tügü tadai ya wüxi ya tümaarü yexera poracü ixĩcü?

Ucu̱xẽgüchiga 29:1

Texé ya tama nayaxúxe i ucu̱xẽ, rü paxa tá guxchaxü̃ tümaca̱x ínangu, rü taxúetama tümaétüwa tachogü.

1 Chamué 19:17

Rü yexguma ga Chaú rü Micáxü̃ ñanagürü: —¿Tü̱xcüü̃, ngẽmaãcü choxü̃ cuwomüxẽxẽ, rü cuyañaxẽxẽ i chorü uanü? —ñanagürü. Rü Micá rü inangãxü̃ rü ngĩgürügü: —Erü nüma rü chomaxã nanaxuegu nax choxü̃ yamáxü̃ i ngẽxguma chi taxũchima chayañaxẽẽgu —ngĩgürügü.

2 Chamué 2:21

Rü yexguma nüma ga Abnéx rü ñanagürü: —¡Marütama nax chowe quingechigüxü̃! ¡Rü tomare i duü̃xü̃we nangẽ rü nade ya naxnegü! —ñanagürü. Natürü ga Achaé rü tama Abnéxga naxĩnüchaü̃ rü nawe ningechigüama.