2 Chamué 2:18 - Tupanaarü Ore

¹⁸ Rü yema tomaepü̱x ga Cheruiá nanegü ga Yoá rü Abichái rü Achaé rü yema nügü ínadaixü̃wa nayexmagü. Rü yema Achaé rü wüxi ga cowürüxü̃ napora ga ñaãchiwa.

2 Chamué 2:18 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:8

Rü nayexma ta ga ñuxre ga Gáxtanüxü̃ ga Dabíwa choü̃xü̃ ga yexguma chianexü̃wa nayexmagu ga Dabí. Rü nümagü rü churaragü ga tama muü̃wa̱xegüxü̃ rü daica̱x ngúexü̃ nixĩgü. Rü wocaegümaxã nixãxne rü poxü̃ruxü̃ nüxü̃́ nayexma. Rü nanuchametügü ñoma leóü̃gürüxü̃. Rü yexguma ma̱xpǘnegüwa ínaxüãchigu rü ñoma cowürüxü̃ nixĩgü.

Abacú 3:19

Erü nüma ya Cori ya Tupana rü pora choxna naxã, rü ñoma wüxi i cowü i poraxü̃rüxü̃ choxü̃ naporaxẽxẽ. Rü wüxi ya ma̱xpǘneétüwa tá choxü̃ naga rü ngéma tá choxna nadau nax taxuxü̃ma choxü̃ naxüpetüxü̃ca̱x.

Charumóü̃arü wiyae 8:14

¡Inañaãchi, Pa Chaute ya Choxü̃́ Ngúchaxü̃cüx! ¡Rü ñoma wüxi i cowürüxü̃ rü ñoma cowüxacürüxü̃ inañaãchi! ¡Rü naétüwa nagopetü ya yima ma̱xpǘnegü ya paacaemagüne!

Charumóü̃arü wiyae 2:17

¡Pa Choxü̃́ Ngúchaxü̃cüx, cha̱u̱xca̱x nataegu ñoma rü ta nangóonexüra naxü̃pa nax nawaanexü̃! ¡Rü ñoma cowürüxü̃ paxa inañaãchi! ¡Rü ñoma cowüxacü i yatüxü̃rüxü̃ ma̱xpǘnearü tuãchiwa nagopetü!

Wiyaegü 18:33

Rü ngẽxguma chañaãchigu rü nüma ya Tupana nixĩ ya choxü̃ poraxẽẽcü nax ñoma cowürüxü̃ chaporaxü̃ca̱x. Rü ma̱xpǘneanewa chomaxã inacua̱x nax taxuguma chayanguxü̃ca̱x.

Amúx 2:14

Rü woo yíxema ibuxmüxẽ rü taxuacüma ngẽma poxcucha̱xwa tibuxmü. Rü yíxema rüporamaechiréxe rü tá tangearü poraã̱x rü taxúetama tügü ítapoxü̃ woo ya yíxema tama muü̃xe.

Ngu̱xẽẽtaeruü̃arü ore 9:11

Rü to i ñoma i naanewa nüxü̃ chadauxü̃ nixĩ nax ngẽma ñaãchiwa poraexü̃ rü tama guxü̃guma nüxíra ínangugüxü̃. Rü ngẽma daiwa poraexü̃ rü tama guxü̃guma narüporamaegü. Rü ngẽma cua̱x nüxü̃́ ngẽxmagüxü̃ rü tama guxü̃guma nüxü̃́ nangẽxma i norü õna. Rü ngẽma naãẽxü̃ cuáxü̃ rü tama guxü̃guma nidiẽruã̱x. Rü ngẽma poperawa ngu̱x nüxü̃́ ngẽxmagüxü̃ i duü̃xü̃gü rü tama guxü̃guma namaxã nataãẽgü. Rü guxãca̱x ínangu i tümaarü taãxẽ rü tümaarü guxchaxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:26

Rü yema yexera tama muü̃wa̱xegüxü̃ rü ñaagü nixĩ: Achaé ga Yoá naenexẽ; rü Eranáü̃ ga Dodó ga Beréü̃cüã̱x ixĩxü̃ nane;

2 Chamué 1:23

Rü duü̃xü̃gü rü poraãcü Chaúxü̃ rü Yonatáü̃xü̃ nangechaxü̃gü rü nanaxwa̱xegü. Rü yexguma namaxẽgu rü taguma nügüna nixĩgachitanü rü ñu̱xma nax nayuexü̃ rü wüxigu nayue. Rü nümagü rü ĩyügüarü yexera napaxaãẽgü rü leónarü yexera narüporamaegü.

1 Chamué 26:6

Rü yexguma ga nüma ga Dabí rü nidexa namaxã ga Aimérex ga Itítanüxü̃ ixĩcü, rü Abichái ga Cheruiá nane ga Yoáenexẽ. Rü yemagüna naca rü ñanagürü: —¿Texé ya ímemarexe nax chowe tarüxũxü̃ nax Chaú íngẽxmaxü̃wa ixĩxü̃? —ñanagürü. Rü nüma ga Abichái nanangãxü̃ rü ñanagürü: —Choma tá cuwe charüxũ —ñanagürü.

2 Chamué 2:19

Rü yemaca̱x Abnéxwe nangẽ, rü tama nanaxüchica nax yañaxü̃ca̱x.

2 Chamué 22:34

Rü nüma ya Tupana nixĩ i choxna naxãxü̃ i pora nax ñoma cowürüxü̃ ichañaãchixü̃ca̱x. Rü ma̱xpǘneanewa chomaxã inacua̱x nax tama charünguxü̃ca̱x.

2 Chamué 23:24

Rü yema 30 ga iporaexüchixü̃tanüwa nayexma: Achaé ga Yoá naenexẽ, rü Eranáü̃ ga Beréü̃cüã̱x ga Dodó nane, rü

Nüxíraxü̃xü̃ ga popera ga ãẽ̱xgacügüchiga 2:5

Rü cuma rü meama nüxü̃ cucua̱x ga ñuxãcü ga Yoá ga Cheruiá nane cha̱u̱xca̱x guxchaxü̃ ínanguẽẽxü̃ ga yexguma nadaixgu ga yema taxre ga Iraéanearü churaragüerugü ga Abnéx ga Néx nane rü Amachá ga Yéte nane. Rü nüma ga Yoá rü yexguma tama daiwa tayexmagüyane nanadai ga yema taxre nax yemaacü naxütanüxü̃ca̱x naxca̱x ga yema norü churaragü ga daigu yuexü̃. Rü yemaacü nayachauguãchixẽxẽ ga yema máeta ga nüma naxüxü̃.

2 Chamué 14:1

Yoá ga Cheruiá nane rü nüxü̃ nacua̱x nax poraãcü Dabíaxü̃́ natauxchicaxü̃ ga nane ga Acharóü̃. Rü yemaca̱x ga nüma ga Yoá rü ngĩxca̱x nangema ga wüxi ga ngecü ga Tecóacüã̱x ga womüxẽẽxü̃ cua̱xüchicü. Rü ngĩxü̃ ñanagürü: —¡Rü cugü nangechaxü̃xẽxẽneta rü naxchiru i waxü̃gu icu̱x, rü ngexrüma i pumaramaxã cugü cuyixemaxü̃! ¡Rü ñoma ñuxgumama ngechaü̃ cuxü̃́ ngúxü̃rüxü̃ cugü ixĩxẽxẽ!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:9

Rü ñaagü nixĩ ga naégagü ga yema churaragü: Éche nixĩ ga namaxã icuáxü̃, rü Adía nixĩ ga nawe üxü̃, rü Eriá nixĩ ga norü tomaepü̱x,

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:7

Rü nüma ga Achaé ga Yoáenexẽ nixĩ ga namaxã icuáxü̃ ga yema norü ãgümücütücumü ga 24,000 ga churaragü ga gumá norü ãgümücü ga tauemacügu puracüexü̃. Rü nawena rü nane ga Chebadía nixĩ ga namaxã icuáxü̃.