2 Chamué 19:9 - Tupanaarü Ore

⁹ Rü guxü̃ma ga yema Iraécüã̱xgütücumü ga Acharóü̃we rüxĩxü̃ rü nügümaxã nidexagü rü ñanagürügü: —Yimá ãẽ̱xgacü ya Dabí rü tórü uanügü i Firitéugüme̱xẽwa tüxü̃ ínanguxü̃xẽxẽ. Natürü Acharóü̃gagu nixĩ ga yañaxü̃ ga tachixü̃anewa.

2 Chamué 19:9 Referans Kwoze

2 Chamué 15:14

Rü yexguma nüma ga Dabí rü nanamu ga guxü̃ma ga norü churaragüeru ga namaxã Yerucharéü̃wa yexmagüxü̃, rü ñanagürü: —¡Ngĩxã ñu̱xmatama tibuxmü! Erü yixcama rü taxucürüwatama Acharóü̃cha̱xwa tibuxmü. ¡Ngĩxã, rü peporaãxẽgü! Erü ngürüãchi tá tüxü̃ nayangau rü chixexü̃ tá tamaxã naxü, rü taramaxã tá tüxü̃ nadai ya guxãma ya ĩanecüã̱x —ñanagürü.

2 Chamué 5:20

Rü nüma ga Dabí rü Baá-perachíü̃wa nangu rü yexma nügü nadai rü Firitéugüxü̃ narüporamae. Rü yemaca̱x ñanagürü ga Dabí: —Tupana rü ñoma wüxi i dexá i poraü̃chíüxü̃rüxü̃ rü choxü̃́ nanatauxchaxẽxẽ nax nüxü̃ charüporamaexü̃ca̱x i chorü uanügü —ñanagürü. Rü yemaca̱x Baá-perachíü̃gu nanaxüéga ga yema nachica.

1 Chamué 19:5

¿Ẽ̱xna marü nüxü̃ curüngü̃ma ga yexguma norü maxü̃ ãũcümaxü̃wa nayexmaxẽẽgu ga Goriáxü̃ yama̱xgu, rü yemaacü ga Cori ya Tupana rü Iraéanecüã̱xgüxü̃ guxchaxü̃wa ínanguxü̃xẽxẽ? Cumax, Pa Ãẽ̱xgacüx, rü nüxü̃ cudau ga yema, rü cutaãxẽ. ¿Rü tü̱xcüü̃, Pa Ãẽ̱xgacüx, i cuyamáxchaü̃xü̃ i wüxi i duü̃xü̃ i taxuxü̃ma i chixexü̃ cumaxã üxü̃? ¿Rü ta̱xacüca̱x tá cuyama̱x ya Dabí? —ñanagürü.

1 Chamué 18:25

Natürü ga nüma ga Chaú ga nagu nax naxĩnüechaü̃ ga ñuxãcü Dabíxü̃ Firitéugüme̱xẽgu nax nanguxẽẽchaü̃xü̃, rü yemaca̱x yema norü ngü̃xẽẽruü̃gümaxã ñanagürü: —¡Namaxã nüxü̃ pixu i Dabí rü tama chanaxwa̱xe i diẽru choxna ngĩxü̃ naxã ngĩxca̱x i chauxacü! Natürü ngẽma ngĩtanü i chanaxwa̱xexü̃ nixĩ i 100 i Firitéugücha̱xmüpe̱xechiraü̃gü nax nua nanaxü̃ nax ngẽmaãcü nax chanayauxtanüxü̃ca̱x i ngẽma chorü uanügüarü chixexü̃ i chomaxã naxügüxü̃ —ñanagürü.

1 Chamué 17:50

Rü yemaacü nixĩ ga Dabí ga Firitéuxü̃ naporamaexü̃ namaxã ga wüxi ga maxgütaexü̃ rü wüxi ga nuta. Rü nüma ga Dabí rü nangearü taraã̱x, rü yemaca̱x yema Firitéuca̱x niña rü nanayaxu ga norü tara rü yemamaxãtama ínanadaeeru, rü yemaacü nayama̱x. Rü yemaxü̃ nadaugügu ga Firitéugü ga marü nax nayuxü̃ ga yema norü churara ga namaxã poraxü̃, rü nibuxmü.

Ínachoxü̃xü̃chiga 32:24

Rü yexguma ga choma rü chanangãxü̃, rü ñachagürü: “Rü yíxema tüxü̃́ nangẽxmaxẽ i úiru rü ẽcü ítanaxüxüchi̱x”, ñachagürü. Rü nümagü rü choxna nanana ga norü úirugü, rü choma rü chayagu. Rü yemawa nixĩ ga ínanguxuchixü̃ ga yema wocaxacüchicüna̱xã —ñanagürü.

2 Chamué 19:10

Natürü nüma i Acharóü̃ ga yixema tórü ãẽ̱xgacüxü̃ nüxü̃ ixunetacü rü marü daigu nayu. ¿Rü taux ẽ̱xna inamexü̃ nax naxca̱x ingemaxü̃ ya ãẽ̱xgacü ya Dabí nax nümatama wena tamaxã inacuáxü̃ca̱x? —ñanagürügü.

2 Chamué 19:40

Rü nüma ga ãẽ̱xgacü rü Guirigáwa naxũ. Rü ínayaxümücügü ga Quimáü̃ rü guxü̃ma ga yema Yudáwa ügüxü̃ ga churaragü rü ngãxü̃tücumü ta ga yema churaragü ga yema togü ga Iraétanüxü̃wa ügüxü̃.

2 Chamué 22:44

Rü cuma nixĩ i naxme̱xwa choxü̃ ícunguxuchixẽẽxü̃ ga yema chautanüxü̃ ga choxü̃ ima̱xgüchaü̃xü̃. Rü choxna cudau rü choxü̃ curüngü̃xẽxẽ nax togü ga nachixü̃anegümaxã ichacuáxü̃ca̱x. Rü yemaacü ga yema duü̃xü̃gü ga noxri tama nüxü̃ chacuáxü̃ rü ñu̱xma rü choxü̃́ napuracüe.

Wiyaegü 18:43

Rü cuma rü choxü̃ ícunguxuchixẽxẽ naxme̱xwa ga duü̃xü̃gü ga tama chauga ĩnüechaü̃xü̃. Rü togü ga nachixü̃anegümaxã choxü̃ icucua̱xẽxẽ. Rü yemaacü ga yema duü̃xü̃gü ga noxri tama nüxü̃ chacuáxü̃ rü ñu̱xma rü chorü puracütanüxü̃ nixĩgü.

2 Chamué 18:17

Yexguma rü nanayauxgü ga yema Acharóü̃xü̃ne rü wüxi ga ãxmaxü̃ ga taxü̃ ga naixnecüwa yexmaxü̃gu nayata̱xcuchigü rü ñu̱xũchi nutagümaxã nananuétü. Yemawena ga guxü̃ma ga Iraéanecüã̱xgü rü napatawa nabuxmü.