2 Chamué 19:8 - Tupanaarü Ore

⁸ Rü yexguma ga nüma ga ãẽ̱xgacü rü inachi, rü ĩanearü ĩã̱xwa narüto. Rü yexguma duü̃xü̃gü nüxü̃ cua̱xgügu ga gumá ãẽ̱xgacü rü ĩanearü ĩã̱xwa nax yanatoxü̃, rü guxü̃ma ga duü̃xü̃gü rü naxü̃tawa naxĩ. Rü yema Iraéanecüã̱xgü ga Acharóü̃we rüxĩxü̃ rü nibuxmü rü nachiü̃wa naxĩ.

2 Chamué 19:8 Referans Kwoze

2 Chamué 18:24

Rü yexgumayane rü nüma ga Dabí rü guma ĩanearü ĩã̱xwa narüto. Rü nüma ga yema dauxü̃taeruxü̃ rü yema ĩanearü poxegü̃étügu naxĩnagü nax yéma nadauxü̃taexü̃ca̱x. Rü yexguma yéama nadawenügu ga yema dauxü̃taeruxü̃ rü nüxü̃ nadau ga wüxi ga yatü ga nüxica yéma ne ñaxü̃.

2 Chamué 18:4

Rü yexguma ga nüma ga ãẽ̱xgacü rü nanangãxü̃ rü ñanagürü: —Tá chanaxü i ngẽma pexca̱x rümemaexü̃ —ñanagürü. Rü yexgumatama ga nüma ga ãẽ̱xgacü rü guma ĩanearü ĩã̱xgu ínachicuchi rü nüma ga norü churaragü rü ínachoxü̃tücumü.

Norü taxre ga popera ga ãẽ̱xgacügüchiga 14:12

Rü yema Iraéanecüã̱xgü rü Yudáanecüã̱xgüxü̃ narüporamaegü. Rü yemaca̱x ga Yudáanecüã̱xgü rü nibuxmü, rü wüxichigü rü napataca̱x nawoegu.

Nüxíraxü̃xü̃ ga popera ga ãẽ̱xgacügüchiga 22:36

Rü yexguma marü yanaxücuchaü̃gu ga üa̱xcü rü Iraéanecüã̱xarü churaragü rü ñanagürügü: —Wüxíechigü rü tümaarü ĩaneca̱x rü tümaarü naaneca̱x tawoegu erü ya ãẽ̱xgacü rü marü nayu —ñanagürügü. Rü nüma ga guma ãẽ̱xgacü rü ĩane ga Chamáriawa nanangegü, rü yexma nayata̱xgü.

2 Chamué 19:3

Rü nümatama ga yema churaragü rü bexmamare ĩanegu nachocu rü ãneãcü inaxĩ ñoma chi daiwa yabuxmüxü̃rüxü̃.

2 Chamué 18:17

Yexguma rü nanayauxgü ga yema Acharóü̃xü̃ne rü wüxi ga ãxmaxü̃ ga taxü̃ ga naixnecüwa yexmaxü̃gu nayata̱xcuchigü rü ñu̱xũchi nutagümaxã nananuétü. Yemawena ga guxü̃ma ga Iraéanecüã̱xgü rü napatawa nabuxmü.

2 Chamué 15:2

Rü pa̱xmama írüdaüüxü̃ rü namacüwagu nayachiixü̃ ga duü̃xü̃gü ĩaneca̱x íchocuxü̃wa. Rü guxãma ga guxema ãẽ̱xgacüxü̃ dauxchaü̃güxe nax tümaarü guxchaxü̃ tayamexẽẽgüxü̃ca̱x, rü nüma ga Acharóü̃ rü tümaca̱x naca rü ñu̱xũchi tüxna naca ga ngexnerüxüne ga ĩanewa nax ne taxuxü̃. Rü guxema tügü ixuxe nax wüxi ga Iraéanecüã̱xgütücumüwa nax taxüxü̃, rü nüma ga Acharóü̃ rü ñanagürü tüxü̃: —Aixcüma nixĩ i ngẽma nüxü̃ quixuxü̃, natürü nataxuma i ãẽ̱xgacüarü ngü̃xẽẽruü̃gü i cuxü̃ rüngü̃xẽẽxü̃ —ñanagürü.

1 Chamué 4:10

Rü yexguma ga yema Firitéugü rü Iraéanecüã̱xgüca̱x ínayaxüãchi rü nügü nadai. Rü nüma ga Iraéanecüã̱xgü rü nixü, rü yema ínapegüxü̃wa nabuxmü. Rü nayue ga muxü̃ma ga Iraéanecüã̱xgüarü churaragü, rü 30,000 wa nangu.

Norü taxre ga popera ga ãẽ̱xgacügüchiga 8:21

Rü yemaca̱x ga Yoráü̃ rü ĩane ga Cháixwama naxũ namaxã ga guxü̃nema ga norü carugü ga dairuxü̃ ixĩgüne. Rü yexguma nachütagu rü ínarüdagü ga nüma rü ñu̱xũchi yema churaragüerugü ga norü carugü ga dairuü̃maxã icua̱xgüxü̃. Rü yema Edóü̃cüã̱xgü ga nüxü̃ íchomaeguchiréxü̃ca̱x ínayaxüãchi rü nayabuxmüxẽxẽ.