2 Chamué 19:6 - Tupanaarü Ore

⁶ Rü ñu̱xma rü cunango̱xẽxẽ nax cuxca̱x rü taxuwama timexü̃ i toma nax cutüü̃wa taxügüxü̃ i ãẽ̱xgacügü rü churaragü, erü nüxü̃ cungechaü̃ i ngẽma cuxchi aiexü̃, rü naxchi cuxai i ngẽma cuxü̃ ngechaü̃güxü̃. Ñu̱xma nüxü̃ chicua̱xãchi, Pa Ãẽ̱xgacüx, rü cuxca̱x narümemae chi nixĩ nax Acharóü̃ maxü̃xü̃, rü nüetama chi nixĩ ga nax tayuexü̃ i tomax.

2 Chamué 19:6 Referans Kwoze

Ngechuchuarü ngúexü̃gü ga yamugüxü̃arü puracüchiga 23:5

Rü Pauru nanangãxü̃, rü ñanagürü: —Tama nüxü̃ chacua̱x, Pa Chautanüxü̃x, nax chacherdótegüaru ãẽ̱xgacü yixĩxü̃. Erü Tupanaarü ore i ümatüxü̃wa nüxü̃ tadau rü ñanagürü: “¡Tama curü ãẽ̱xgacümaxã chixexü̃ quixugü!” —ñanagürü.

Yox 34:18

Rü ngẽxguma chixexü̃ naxügügu i ngẽma nachixü̃anegüarü ãẽ̱xgacügü rü ngẽma diẽruã̱xgüxü̃, rü Tupana rü nananga.

2 Chamué 19:5

Rü yexguma ga Yoá rü Dabíxü̃tawa naxũ rü ñanagürü: —Pa Ãẽ̱xgacüx, wüxi i ãne nüxü̃ quingexẽxẽ i ngẽma curü churaragü i cuxü̃ ípoxü̃güxü̃ nax tama peyuexü̃ca̱x i cumax rü cunegü, rü cuxacügü, rü cuxma̱xgü, rü curü ngexü̃gü.

2 Chamué 19:7

¡Rü ínaxũxũ rü nataãẽgüxẽxẽ i ngẽma curü churaragü! Erü Tupanaégagu cumaxã nüxü̃ chixu rü ngẽxguma taxũtáma ngẽmaãcü cunaxüxgux, rü bai i wüxi i curü churaragü tá nuxã cuxü̃tagu narüxã̱ũ̱x i ñoma chütaxü̃gu. Ngẽma rü tá guxü̃ma ga chixexü̃ ga yema curü ngextü̱xügu cuxü̃ ngupetüxü̃arü yexera tá nixĩ i cuxca̱x ínguxü̃ i ñu̱xma —ñanagürü ga Yoá.