2 Chamué 19:5 - Tupanaarü Ore

⁵ Rü yexguma ga Yoá rü Dabíxü̃tawa naxũ rü ñanagürü: —Pa Ãẽ̱xgacüx, wüxi i ãne nüxü̃ quingexẽxẽ i ngẽma curü churaragü i cuxü̃ ípoxü̃güxü̃ nax tama peyuexü̃ca̱x i cumax rü cunegü, rü cuxacügü, rü cuxma̱xgü, rü curü ngexü̃gü.

2 Chamué 19:5 Referans Kwoze

Wiyaegü 3:8

Rü cuma nixĩ, Pa Corix, i ãũcümaxü̃wa toxü̃ ícunguxü̃xẽẽxü̃. ¡Rü mexü̃ namaxã naxuegu i curü duü̃xü̃gü!

Neemía 9:27

Rü yemaca̱x ga cuma rü norü uanügüme̱xẽgu cunayixẽxẽ. Rü nümagü rü ngúxü̃ nüxü̃ ningexẽẽgü. Rü yemawena ga yexguma marü tama namaxã naporaegu ga yema ngúxü̃ nax yangegüxü̃, rü ngü̃xẽẽca̱x cuxna nacagü. Rü cuma nax poraãcü nüxü̃ cungechaxü̃xü̃ rü yemaca̱x nüxü̃ cuxĩnü ga daxũguxü̃ ga naanewa. Rü yemaca̱x natanüwa nüxü̃ cuxuneta ga yatügü nax norü uanügüme̱xẽwa ínanguxü̃xẽẽãxü̃ca̱x.

2 Chamué 3:39

Rü ngẽmaca̱x i choma rü woo Tupana choxü̃ unetaxü̃ nax ãẽ̱xgacü chixĩxü̃ rü chaugü chacua̱x nax chaturaxü̃ nape̱xewa i ngẽma taxü̃ i chixexü̃ i naxüexü̃ i Cheruiá nanegü i tama chauga ĩnüexü̃. ¡Rü Cori ya Tupana tüxna naxã i tümaarü poxcu ya yíxema ñaa chixexü̃ üxe! —ñanagürü.

2 Chamué 19:4

Rü yexgumayane ga nüma ga ãẽ̱xgacü rü nügü yadüxchiweãcüma poraãcü aita naxüüxü̃ rü ñanagürü: —Pa Chaunex, Pa Acharóü̃x. Pa Chaunex, Pa Acharóü̃x, Pa Chaunex —ñanagürü.

2 Chamué 19:6

Rü ñu̱xma rü cunango̱xẽxẽ nax cuxca̱x rü taxuwama timexü̃ i toma nax cutüü̃wa taxügüxü̃ i ãẽ̱xgacügü rü churaragü, erü nüxü̃ cungechaü̃ i ngẽma cuxchi aiexü̃, rü naxchi cuxai i ngẽma cuxü̃ ngechaü̃güxü̃. Ñu̱xma nüxü̃ chicua̱xãchi, Pa Ãẽ̱xgacüx, rü cuxca̱x narümemae chi nixĩ nax Acharóü̃ maxü̃xü̃, rü nüetama chi nixĩ ga nax tayuexü̃ i tomax.

2 Chamué 19:13

Rü yexgumarüxü̃ ta yema chacherdótegüca̱x yéma namuga nax Amachámaxã nüxü̃ yaxugüexü̃ca̱x ga ore ga ñaxü̃: —Cuma rü chautanüxü̃xüchi quixĩ, rü Tupanaégagu cumaxã nüxü̃ chixu rü Yoáchicüxü tá chorü churaragümaxã icucua̱x. Rü Tupana poraãcü choxü̃ poxcu ega tama chayanguxẽẽgu i ngẽma ore i nüxü̃ chixuxü̃ —ñaxü̃.

2 Chamué 15:30

Dabí rü nawa ínaxüãchi ga guma ma̱xpǘne ga Oribunecügu ãégane rü nangearü chapatuã̱x rü nixaxünechigü rü nügü natüeru yerü ngúxü̃ ninge. Rü guxü̃ma ga yema duü̃xü̃gü ga íyaxümücügüxü̃ rü ta nügü nidüxgüeru, rü naxauxeãcüma ínachoõchi nawa ga guma ma̱xpǘne.

2 Chamué 18:17

Yexguma rü nanayauxgü ga yema Acharóü̃xü̃ne rü wüxi ga ãxmaxü̃ ga taxü̃ ga naixnecüwa yexmaxü̃gu nayata̱xcuchigü rü ñu̱xũchi nutagümaxã nananuétü. Yemawena ga guxü̃ma ga Iraéanecüã̱xgü rü napatawa nabuxmü.