2 Chamué 19:4 - Tupanaarü Ore

⁴ Rü yexgumayane ga nüma ga ãẽ̱xgacü rü nügü yadüxchiweãcüma poraãcü aita naxüüxü̃ rü ñanagürü: —Pa Chaunex, Pa Acharóü̃x. Pa Chaunex, Pa Acharóü̃x, Pa Chaunex —ñanagürü.

2 Chamué 19:4 Referans Kwoze

2 Chamué 18:33

Rü nüma ga ãẽ̱xgacü rü axumaxã aita naxü. Rü daxũ naxĩ ga yema norü ucapu ga ĩanearü poxeguxü̃étüwa yexmaxü̃wa, rü yéma nayaxaxu. Rü yexma ínaxũũxü̃ãcüma ñanagürü: —Pa Chaunex, Pa Acharóü̃x. Pa Chaunex, Pa Acharóü̃x. Chierüx choma cuchicüxü chayu̱xgu. Pa Chaunex, Pa Acharóü̃x, Pa Chaunex —ñanagürü.

2 Chamué 15:30

Dabí rü nawa ínaxüãchi ga guma ma̱xpǘne ga Oribunecügu ãégane rü nangearü chapatuã̱x rü nixaxünechigü rü nügü natüeru yerü ngúxü̃ ninge. Rü guxü̃ma ga yema duü̃xü̃gü ga íyaxümücügüxü̃ rü ta nügü nidüxgüeru, rü naxauxeãcüma ínachoõchi nawa ga guma ma̱xpǘne.

2 Chamué 19:3

Rü nümatama ga yema churaragü rü bexmamare ĩanegu nachocu rü ãneãcü inaxĩ ñoma chi daiwa yabuxmüxü̃rüxü̃.

2 Chamué 19:5

Rü yexguma ga Yoá rü Dabíxü̃tawa naxũ rü ñanagürü: —Pa Ãẽ̱xgacüx, wüxi i ãne nüxü̃ quingexẽxẽ i ngẽma curü churaragü i cuxü̃ ípoxü̃güxü̃ nax tama peyuexü̃ca̱x i cumax rü cunegü, rü cuxacügü, rü cuxma̱xgü, rü curü ngexü̃gü.

2 Chamué 14:1

Yoá ga Cheruiá nane rü nüxü̃ nacua̱x nax poraãcü Dabíaxü̃́ natauxchicaxü̃ ga nane ga Acharóü̃. Rü yemaca̱x ga nüma ga Yoá rü ngĩxca̱x nangema ga wüxi ga ngecü ga Tecóacüã̱x ga womüxẽẽxü̃ cua̱xüchicü. Rü ngĩxü̃ ñanagürü: —¡Rü cugü nangechaxü̃xẽxẽneta rü naxchiru i waxü̃gu icu̱x, rü ngexrüma i pumaramaxã cugü cuyixemaxü̃! ¡Rü ñoma ñuxgumama ngechaü̃ cuxü̃́ ngúxü̃rüxü̃ cugü ixĩxẽxẽ!