2 Chamué 19:1 - Tupanaarü Ore

^1-2 Rü yexguma duü̃xü̃gü nüxü̃ cua̱xgügu ga nüma ga ãẽ̱xgacü ga Dabí ga poraãcü nane ga Acharóü̃ ga yucüca̱x nax nangechaü̃xü̃ rü naxca̱x naxaxuxü̃ rü Yoámaxã nüxü̃ nayarüxugüe. Rü yemaacü ga yema ngunexü̃gu ga yema nax norü uanügüxü̃ naporamaegüchirexü̃ ga daiwa rü ngechaü̃xü̃ nananguxuchi.

2 Chamué 19:1 Referans Kwoze

2 Chamué 18:14

Rü nüma ga Yoá rü ñanagürü: —¡Marütama i ngẽma dexa i chixemarexü̃! —ñanagürü. Rü yexguma nanayaxu ga tomaepü̱x ga naixmena̱xã ga ixãmaguxü̃, rü yemamaxã Acharóü̃xü̃ nacanapacütüxü̃, yerü naichacüüwa nax natuxü̃ rü tama nayu.

2 Chamué 18:5

Rü ñu̱xũchi ga nüma ga ãẽ̱xgacü rü nayaxucu̱xẽgü ga Yoá rü Abichái rü Itái, rü ñanagürü nüxü̃: —¡Mea namaxã pechopetü ya yimá ngextü̱xücü ya Acharóü̃! —ñanagürü. Rü guxü̃ma ga norü churaragü rü nüxü̃ naxĩnüe ga yexguma ãẽ̱xgacü yema ñaxgu nüxü̃ ga yema churaragüerugü nachiga ga Acharóü̃.

Ucu̱xẽgüchiga 17:25

Ngẽma nane i tama naãẽxü̃ cuáxü̃ rü nanatüca̱x ínananguxẽxẽ i nu, rü naéca̱x ínananguxẽxẽ i oegaãxẽ.

2 Chamué 18:33

Rü nüma ga ãẽ̱xgacü rü axumaxã aita naxü. Rü daxũ naxĩ ga yema norü ucapu ga ĩanearü poxeguxü̃étüwa yexmaxü̃wa, rü yéma nayaxaxu. Rü yexma ínaxũũxü̃ãcüma ñanagürü: —Pa Chaunex, Pa Acharóü̃x. Pa Chaunex, Pa Acharóü̃x. Chierüx choma cuchicüxü chayu̱xgu. Pa Chaunex, Pa Acharóü̃x, Pa Chaunex —ñanagürü.

2 Chamué 18:20

Natürü Yoá nanangãxü̃ rü ñanagürü: —Ñu̱xma rü tama name nax cuma nüxü̃ cuyarüxuxü̃ i ngẽma ngupetüxü̃. Nüe to i ngunexü̃gu namaxã nüxü̃ yarüxu, natürü tama i ñu̱xma, erü ãẽ̱xgacü nane rü nayu —ñanagürü.

2 Chamué 18:12

Natürü ga yema churara rü Yoáxü̃ nangãxü̃ga rü ñanagürü nüxü̃: —Woo chi 1,000 tachinü i diẽru choxna cuxãxgu rü taxũchima chanaxü i ngẽma. Erü guxãma i tomax rü nüxü̃ taxĩnüe ga ãẽ̱xgacü ga yexguma cuxü̃ rü Abicháixü̃ rü Itáixü̃ ñaxgu: “¡Rü taxũtáma chixexü̃ namaxã pexü ya Acharóü̃!” ñaxgu.

Chacaría 12:10

Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.

Naanearü ügüchiga 37:35

Rü guxü̃ma ga nanegü rü naxacügü rü nanataãẽxẽxẽgütaa̱x. Natürü ga nüma rü tama nüxü̃́ nanayaxu. Rü naneca̱x naxauxama, rü ñanagürü: —Chauneca̱x tá chaxaure ñu̱xmatáta chayu̱x rü naxü̃tawa changu —ñanagürü.