2 Chamué 18:9 - Tupanaarü Ore

⁹ Rü yexguma nügü nadaiyane rü nüma ga Acharóü̃ ga norü mulogu ixũcü, rü ngürüãchi yexma Dabíarü churaragümaxã nügü nangau. Rü nüma ga Acharóü̃ rü norü mulomaxã niña. Rü wüxi ga nai ga taxü̃chacüütüü̃wa namaxã nagopetü, rü yéma niwaxcuchinaxã, rü yéma narütu. Rü yema mulo rü nagopetümare.

2 Chamué 18:9 Referans Kwoze

2 Chamué 14:26

Rü wüxichigü ga taunecüarü gu̱xgu rü nügü niyoeru yerü nanachixewe ga nayae. Rü yema nayae rü taxre ga quíruarü yexera naya ga yexguma ãẽ̱xgacüarü ngugüruxü̃wa inayaxgu.

Ucu̱xẽgüchiga 30:17

Yíxema tümanatüxü̃ cugüxe, rü tümaégu idauxcüraxü̃xe, rü name i ngurucugü tüxü̃ naca̱u̱xü̃xetü, rü ẽxchagü tüxü̃ nangõ̱xgü.

Yox 31:3

¿Rü tama ẽ̱xna ngẽma duü̃xü̃gü i chixexü̃gu maxẽxü̃ rü ngẽma chixexü̃arü üruü̃güca̱x yixĩxü̃ i ngẽma guxchaxü̃gü?

Gálatas 3:13

Natürü ga Cristu rü nawa tüxü̃ ínanguxü̃xẽxẽ ga yema mugü ga chixexü̃gu tüxü̃ yixẽẽxü̃. Rü nüma ga Cristu rü chixexü̃wa nügü nayexmaxẽxẽ ga yexguma curuchagu nayu̱xgu. Erü Tupanaarü ore i ümatüxü̃wa, rü ñanagürü: “Rü guxãma ya yíxema wüxi i naiwa tüxü̃ natuxẽẽgüãcüma yuxe, rü chixexü̃wa tangexma”, ñanagürü.

Ore i mexü̃ ga Márcu ümatüxü̃ 7:10

Yerü ga Moiché rü ñanagürü: “¡Tüxü̃ nangechaü̃ ya cunatü rü cué!” ñanagürü. Rü ñanagürü ta: “Texé ya tümanatümaxã rüe̱xna tümaémaxã chixexü̃ ixugüxe, rü tá yu tümamaxã naxuegu”, ñanagürü.

Yeremía 48:44

Rü yíxema cuenetanüxü̃cha̱xwa ñaxe rü tá ãxmaxü̃gu tingucuchi. Rü yíxema ãxmaxü̃wa ixũxũxe rü tá yütagu tangu. Erü choma ya Cori ya Tupana rü tá Moáaneca̱x íchananguxẽxẽ i norü poxcu. Rü choma ya Cori ya Tupana nixĩ i ngẽma ñachaxü̃.

Ucu̱xẽgüchiga 20:20

Yíxema tümanatümaxã rü tümaémaxã chixexü̃ ixugüxe, rü tá tayu rü ẽanexü̃wa tá tangexma.

2 Chamué 18:14

Rü nüma ga Yoá rü ñanagürü: —¡Marütama i ngẽma dexa i chixemarexü̃! —ñanagürü. Rü yexguma nanayaxu ga tomaepü̱x ga naixmena̱xã ga ixãmaguxü̃, rü yemamaxã Acharóü̃xü̃ nacanapacütüxü̃, yerü naichacüüwa nax natuxü̃ rü tama nayu.

2 Chamué 17:23

Rü yexguma Aitópe nüxü̃ cua̱xgu nax tama naxüaxü̃ ga yema nagu naxĩnüxü̃, rü nanaxüxmawe̱xe ga norü búru rü guma norü ĩane ga nagu nabuxü̃newa naxũ ga napatawa. Rü yexguma natanüxü̃maxã namexẽẽãgu ga guxü̃ma ga norü yemaxü̃güchiga, rü yemawena rü nügü nawẽxnaxã. Rü yemaacü nayu rü nanatü ítáxü̃gu nanata̱xgü.

Wenaxarü naxümatü ga Tupanaarü mugü 27:20

“Rü ngẽma duü̃xü̃ i nanatü naxma̱xmaxã maxü̃xü̃, rü ngẽmaãcü nanatüxü̃ nachixexẽẽchiga, rü chixexü̃wa nangẽxma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Wenaxarü naxümatü ga Tupanaarü mugü 27:16

“Rü yíxema tümanatüchi aixe rüe̱xna tümaéchi aixe rü chixexü̃wa tangexma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Ore i mexü̃ ga Matéu ümatüxü̃ 27:5

Rü yexguma ga Yúda rü yexma Tupanapata ga taxü̃nechiãgu ngĩxü̃ nawotanü ga yema diẽru. Rü ñu̱xũchi ínixũ rü nügü nayawẽxnaxã.

2 Chamué 13:29

Rü yexguma nüma ga Acharóü̃arü duü̃xü̃gü rü yemaacü nayanguxẽxẽ rü Anóü̃xü̃ nima̱xgü. Rü yexguma yemaxü̃ nadaugügu ga yema togü ga ãẽ̱xgacü nanegü rü norü cowarugu nitoü̃ rü nibuxmü.

2 Chamué 18:8

Rü guxü̃wama nangu ga nügü nax nada̱i̱xü̃ ga yema Efraíü̃arü naanewa. Rü yema taramaxã nügü ínadaixü̃gu nayue ga muxü̃ma, natürü yemaarü yexera nixĩ ga naixnecügu yuexü̃.

2 Chamué 18:10

Rü wüxi ga yema Dabíarü duü̃xü̃ ga nüxü̃ dauxü̃ rü Yoámaxã nüxü̃ nixu.