2 Chamué 18:5 - Tupanaarü Ore

⁵ Rü ñu̱xũchi ga nüma ga ãẽ̱xgacü rü nayaxucu̱xẽgü ga Yoá rü Abichái rü Itái, rü ñanagürü nüxü̃: —¡Mea namaxã pechopetü ya yimá ngextü̱xücü ya Acharóü̃! —ñanagürü. Rü guxü̃ma ga norü churaragü rü nüxü̃ naxĩnüe ga yexguma ãẽ̱xgacü yema ñaxgu nüxü̃ ga yema churaragüerugü nachiga ga Acharóü̃.

2 Chamué 18:5 Referans Kwoze

Ore i mexü̃ ga Luca ümatüxü̃ 23:34

Rü yexguma Ngechuchuxü̃ curuchawa íyapotagüyane, rü ñanagürü ga Ngechuchu: —Pa Chaunatüx, ¡nüxü̃ nangechaü̃ i ñaa duü̃xü̃gü, erü tama nüxü̃ nacua̱xgü nax ta̱xacürü chixexü̃ naxüexü̃! —ñanagürü. Rü yema churaragü rü nanade ga Ngechuchuchiru. Rü ñu̱xũchi wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x nax texéarü tá yixĩxü̃ ga yema Ngechuchuchiru.

Wiyaegü 103:13

Rü nüma ya Cori rü tüxü̃ nangechaü̃ ya yíxema naga ĩnüexe ñoma wüxi i papa naxacügüxü̃ ngechaü̃xü̃rüxü̃.

2 Chamué 18:12

Natürü ga yema churara rü Yoáxü̃ nangãxü̃ga rü ñanagürü nüxü̃: —Woo chi 1,000 tachinü i diẽru choxna cuxãxgu rü taxũchima chanaxü i ngẽma. Erü guxãma i tomax rü nüxü̃ taxĩnüe ga ãẽ̱xgacü ga yexguma cuxü̃ rü Abicháixü̃ rü Itáixü̃ ñaxgu: “¡Rü taxũtáma chixexü̃ namaxã pexü ya Acharóü̃!” ñaxgu.

2 Chamué 17:14

Rü yema Uchái i Aquítanüxü̃arü ĩnü rü Acharóü̃ca̱x rü ñu̱xũchi guxü̃ma i Iraétanüxü̃ca̱x rü Aitópearü ĩnüxü̃ narümemae. (Yerü nüma ga Cori ya Tupana rü yemaacü Aitópearü ĩnügu nayanachixexẽxẽ nax yemaacü Acharóü̃gu nanguxü̃ca̱x ga chixexü̃.)

2 Chamué 16:11

Rü nüma ga Dabí rü yexgumatama Abicháixü̃ rü guxü̃ma ga norü churaragüeruxü̃ ñanagürü: —Rü ñu̱xma nax chaunetamachire̱x choxü̃ imáxchaxü̃xü̃ rü yexera ñaa yatü i Bẽyamíü̃tanüxü̃ nüxü̃́ nangẽxma i ta̱xacüca̱x choxü̃ yamáxchaü̃xü̃. Rü nüetama nax ta̱xacü chomaxã yaxugüxü̃. Rü bexmana woetama ngẽmaãcü nixĩ i Cori ya Tupana namuxü̃.

2 Chamué 19:1

Rü yexguma duü̃xü̃gü nüxü̃ cua̱xgügu ga nüma ga ãẽ̱xgacü ga Dabí ga poraãcü nane ga Acharóü̃ ga yucüca̱x nax nangechaü̃xü̃ rü naxca̱x naxaxuxü̃ rü Yoámaxã nüxü̃ nayarüxugüe. Rü yemaacü ga yema ngunexü̃gu ga yema nax norü uanügüxü̃ naporamaegüchirexü̃ ga daiwa rü ngechaü̃xü̃ nananguxuchi.